ལྗོངས་ཞིང་ལྔའི་བོད་ཀྱི་སློབ་གསོའི་མཉམ་ལས་འགོ་ཁྲིད་ཚོགས་ཆུང་གཞུང་སྒྲུབ་ཁང་གིས་གཙོ་སྒྲུབ་མཛད་པ་དང་། ཀྲུང་གོའི་བོད་ཀྱི་སློབ་འབྲིང་དྲ་ཚིགས་ཀྱིས་འགན་ཁུར་ནས་སྤེལ་བའི་ལྗོངས་ཞིང་ལྔའི་བོད་རྒྱ་སྐད་གཉིས་སྨྱན་མང་ཁྲིད་ཆས་འགྲན་སྡུར་སྐབས་གསུམ་པའི་ཐོག་མའི་དཔྱད་འདེམ་བྱ་འགུལ་དེ་2016ལོའི་ཟླ5བའི་ཚེས9ཉིན་གྱི་ཕྱི་རོལ་བདེ་བླག་ངང་མཇུག་སྒྲིལ་བྱུང་། ཉི་མ་དྲུག་གི་རིང་ལ་ལྗོངས་ཞིང་ལྔའི་བོད་ཀྱི་སློབ་གསོའི་མཉམ་ལས་འགོ་ཁྲིད་ཚོགས་ཆུང་གཞུང་སྒྲུབ་ཁང་གི་འགོ་གཙོ་དང་དཔྱད་འདེམ་གནང་བའི་ཆེད་མཁས་དང་དགེ་རྒན་རྣམས་ཀྱིས་ནུས་ཤུགས་གཅིག་སྒྲིལ་བྱས་ཏེ་འཆར་གཞི་བཀོད་པ་ལྟར་ཐེངས་འདིར་འབུལ་སྤྲོད་བྱས་ཡོད་པའི་སྨྱན་མང་ཁྲིད་ཆས་1300 ལྷག་ལ་སློབ་ཆུང་བོད་ཡིག་དང་། སློབ་འབྲིང་བོད་ཡིག སྤྱི་ཚོགས་རིག་གནས་ཕྱོགས་བསྡུས། རང་བྱུང་ཚན་རིག་ཕྱོགས་བསྡུས། རྒྱ་ཡིག་དང་དབྱིན་ཡིག་གི་ཚན་ཁག་བཅས་ཁག་དུ་མར་བགོས་ཏེ་ལུགས་མཐུན་དྲང་གཞག་དང་ཕྱོགས་ཞེན་མེད་ལ། གཟབ་ནན་ཞིབ་ཚགས་ཀྱི་ངང་ནས་ཐོག་མའི་དཔྱད་འདེམ་གནང་ཡོད་པ་ཡིན། དཔྱད་འདེམ་བྱ་འགུལ་དང་འབྲེལ་ཡོད་ཀྱི་ཡིག་ཆ་དང་དཔྱད་གཞི།
ལྗོངས་ཞིང་ལྔའི་བོད་རྒྱ་སྐད་གཉིས་སྨྱན་མང་ཁྲིད་ཆས་འགྲན་སྡུར་སྐབས་གསུམ་པའི་ཐོག་མའི་དཔྱད་འདེམ་བྱ་འགུལ་བདེ་བླག་ངང་མཇུག་སྒྲིལ་བྱུང་།
ཡོང་ཁུངས། : བོད་ཀྱི་སློབ་འབྲིང་དྲ་བ། སྤེལ་དུས། : 2016-05-11 12:09:37
རྩོམ་སྒྲིག་པ། : lalong1985
