༄༅།།སྟག་འབུམ་རྒྱལ་གྱི་སྒྲུང་གཏམ་ཉི་འགྱུར་མ《ཧཱ་པ་གསོས་པའི་ཟིན་བྲིས》པར་སྐྲུན་འགྲེམ་སྤེལ་བྱས།

WIm智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 康巴教学资源网 央赛教学资源网
སྒྲུང་གཏམ་ཕྱོགས་བསྒྲིགས་དེབ་ཉི་འགྱུར་མ《ཧཱ་པ་གསོས་པའི་ཟིན་བྲིས》།WIm智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 康巴教学资源网 央赛教学资源网

ཉེ་ལམ། སྟག་འབུམ་རྒྱལ་གྱི་སྒྲུང་གཏམ་ཕྱོགས་བསྒྲིགས་དེབ་ཉི་འགྱུར་མ《ཧཱ་པ་གསོས་པའི་ཟིན་བྲིས》ཞེས་པ་དེ་དངོས་སུ་པར་སྐྲུན་འགྲེམ་སྤེལ་བྱས་འདུག་སྟེ། དཔེ་ཆ་དེའི་ནང་དུ《ཧཱ་པ་གསོས་པའི་ཟིན་བྲིས》དང《ཁྱི་རྒན》། 《སྡིགས་མོ》། 《ཉིན་གཅིག་གི་ཆོ་འཕྲུལ》། 《སྒོ་ཁྱི》། 《བྱིས་པ་དང་མེ་འཁོར》། 《ཁྱི་དང་བདག་པོ། ད་དུང་གཉེན་ཚན་དག》 《ལག་ཆའི་སྐོར་གྱི་ཟིན་ཐོ》། 《སྡེ་དཔོན》བཅས་སྒྲུང་གཏམ་བཅུ་ལྷག་བསྡུས་ཡོད་པ་དང་། ཉི་ཧོང་གི་སྐད་དུ་སྒྱུར་མཁན་ནི་འཆི་མེད་ཞུ་བ་ཡིན་པ་དང་། བར་བཅུག་རི་མོ་འབྲི་མཁན་ནི་ཉི་ཧོང་གི་དཔེ་ཆ་བཟོ་བཀོད་པ་གྲགས་ཆེན་ཞིག་ཡིན་ལ། དེབ་འདི་ནི་སྟག་འབུམ་རྒྱལ་གྱི་བརྩམས་ཆོས་དེབ་དྲུག་པ་ཡིན་པ་དང་། འདིའི་ཡར་སྔོན་དུ་ཁོའི་སྒྲུང་རིང《ལྷིང་འཇགས་ཀྱི་རྩྭ་ཐང》དང་། སྒྲུང་ཐུང་དེབ《མི་རབས་གསུམ་གྱི་རྨི་ལམ》། སྒྲུང་འབྲིང་དེབ《ཁ་བ་མེད་པའི་དགུན་ཁ》། སྒྲུང་རིང《རྒུད》། སྒྲུང་ཐུང་རྒྱ་འགྱུར་མ《མི་ཚེའི་གླུ་དབྱངས》བཅས་པར་དུ་བསྐྲུན་ནས་རྒྱ་ཆེ་བའི་ཀློག་པ་པོ་དག་གིས་དགའ་བསུ་ཆེ་ཆེར་ཐོབ་ཡོད་པ་མ་ཟད། སྔ་གཞུག་ཏུ་སྐུ་ཞབས་བཀྲ་བྷས་རྩོམ་སྒྲིག་བྱས་པའི《སྟག་འབུམ་རྒྱལ་གྱི་སྒྲུང་གཏམ་ལ་དཔྱད་པ》དང་མགོན་བཀྲ་ཤིས་དོན་གྲུབ་ཀྱིས་བརྩམས་པའི《སྟག་འབུམ་རྒྱལ་གྱི་སྒྲུང་རྩོམ་ཞིབ་འཇུག》སོགས་འབྲེལ་ཡོད་དཔེ་དེབ་ཀྱང་པར་དུ་བསྐྲུན་དང་བསྐྲུན་མུས་ཡོད་པ་སོགས་ཀྱིས་བོད་ཀྱི་རྩོམ་རིག་གི་ལམ་ཁ་ཡངས་པོར་ཕྱེས་ཡོད།WIm智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 康巴教学资源网 央赛教学资源网

WIm智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 康巴教学资源网 央赛教学资源网

དུས་རབས་ཉེར་གཅིག་པའི་མཇུག་ཏུ་སྟག་འབུམ་རྒྱལ་གྱི་སྡེ་དཔོན་བྱུང་བ་དེས། བོད་ཀྱི་སྒྲུང་འབྲིང་ལ་འགྱུར་ལྡོག་འབྱུང་མགོ་ཚུགས་པ་མཚོན། བདུད་ལྷ་རྒྱལ་གྱི《བོད་ཀྱི་བརྩམས་སྒྲུང་གསར་བའི་གནས་སྟངས་དང་དེའི་དགག་སྒྲུབ》ལས། སྟག་འབུམ་རྒྱལ་ནི་འབྲོག་ཁུལ་དུ་སྐྱེས་ཤིང་འཚར་ལོངས་བྱུང་ལ། འབྲོག་ཁུལ་དུ་བྱ་བ་བསྒྲུབས་པ་དང་འབྲོག་པ་མང་ཚོགས་དང་མཉམ་དུ་སྐྱིད་སྡུག་མཉམ་མྱོང་གི་འཚོ་བ་རོལ་བས། དེས་ཁོའི་འབྲོག་མིར་དམིགས་པའི་བསམ་བློ་དང་འདུ་ཤེས་སྐྱེད་སྲིང་བྱས། དེ་བས། རྩྭ་ཐང་གི་འབྲོག་མིའི་ལས་དབང་དང་འཚོ་བའི་འགྱུར་ལྡོག ཁོ་ཚོའི་ཁེར་རྐྱང་གི་བསམ་བློའི་འདུ་ཤེས་དང་རྙོག་འཛིང་ཆེ་བའི་བརྩེ་དུང་གི་དྲ་རྒྱ་བཅས་རང་ཤུགས་ཀྱིས་ཁོའི་བརྩམས་སྒྲུང་གི་བསམ་བློའི་ནང་དོན་གཙོ་བོར་གྱུར།WIm智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 康巴教学资源网 央赛教学资源网
རྣམ་སྲས་ཀྱི《བོད་ཀྱི་དེང་རབས་རྩོམ་རིག་ཞིབ་འཇུག》ལས། མི་རིགས་ཤིག་གི་རྩོམ་རིག་ཆུ་ཚད་ག་འདྲ་སླེབས་པའི་ཚད་གཞལ་བྱེད་ནི་སྒྲུང་གཏམ་ལགས་ན། སྟག་འབུམ་རྒྱལ་གྱིས་བོད་ཀྱི་རྩོམ་རིག་འཕེལ་རྒྱས་ལ་འཕྱར་བ་གྲུ་འདེགས་ཀྱི་བྱེད་ནུས་གལ་ཆེན་ཐོན་ཡོད་པ་ཀུན་གྱི་ཆུ་བུར་མིག་གི་མཐོང་ཡུལ་དུ་གྱུར་ཡོད།WIm智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 康巴教学资源网 央赛教学资源网