རྒྱུས་ལོན་པ་ལྟར་ན། མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་ཁང་གི་མདོ་འཛིན་པ་ཚེ་རིང་ལྷ་མོའི་གླུ་གཞས་ཆེད་བསྒྲིགས་ཐོག་མ《ཕ་གཞིས》ཞེས་པ་མི་འགྱངས་པར་འགྲེམ་སྤེལ་བྱ་རྒྱུ་ཡིན་ཞིང་། ཚེ་རིང་ལྷ་མོ་ནི་མཚོ་སྔོན་བོད་ཁུལ་དུ་མིང་དུ་གྲགས་པའི་མདོ་འཛིན་པ་ཞིག་ཡིན་པའི་ཆ་ནས་གླུ་གཞས་ལེན་པའི་ནུས་རྩལ་ལ་ཡང་བསྟོད་དུ་འོས་པ་ཞིག་སྟེ། དུས་རྒྱུན་དགོང་ཚོགས་ཆེན་མོ་སོགས་སུ་གླུ་གཞས་བླངས་ནས་རྒྱ་ཆེའི་གཟིགས་མོ་བ་རྣམས་ཀྱི་དགའ་བསུ་མི་དམན་པ་ཐོབ་པ་ཡིན། ཐེངས་འདིར་མོའི་གླུ་གཞས་ཆེད་བསྒྲིགས་ཐོག་མ《ཕ་གཞིས》ཞེས་པ་ནི་མོས་ལོ་ངོ་གསུམ་གྱི་རིང་དཀའ་སྤྱད་འབད་བརྩོན་གང་མང་བརྒྱུད་པའི་གསར་སྐྲུན་གྱི་གྲུབ་འབྲས་ཤིག་ཏུ་ངེས་ཤིང་། ལོ་འདི་འགའི་རིང་ལ་གླུ་གཞས་ཀྱི་ལམ་ཕྲེང་ལ་བརྒྱུད་པའི་རང་ཉིད་ཀྱི་སྤྱི་བསྡོམས་ཤིག་ཀྱང་ཡིན། ཚེ་རིང་ལྷ་མོ་ནི་མདོ་སྨད་ཁྲི་ཀ་ནས་སྐྱེས་ཤིང་། 2005ལོར་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་ནས་སློབ་མཐར་ཕྱིན། ད་ལྟ་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་འཕྲིན་ལམ་དུ་གསར་འགྱུར་སྙན་སྒྲོན་དང་མདོ་འཛིན་གྱི་བྱ་བ་སྒྲུབ་བཞིན་ཡོད། སྙན་སྒྲོན་དང་མདོ་འཛིན་བྱས་པའི་ལེ་ཚན་དང་སྤྲོ་ཚོགས་སྐོར་ཞིག་ལ་ཞིང་ཆེན་དང་རྒྱལ་ཡོངས་རིམ་པའི་བྱ་དགའ་ཐོབ་མྱོང་།
ཚེ་རིང་ལྷ་མོའི་གླུ་གཞས་ཆེད་བསྒྲིགས་ཐོག་མ《ཕ་གཞིས》འགྲེམ་ལ་ཉེ་བ།
མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་ཁང་གི་མདོ་འཛིན་པ་ཚེ་རིང་ལྷ་མོ།
མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་ཁང་གི་མདོ་འཛིན་པ་ཚེ་རིང་ལྷ་མོ།
༄༅།།ཚེ་རིང་ལྷ་མོའི་གླུ་གཞས་ཆེད་བསྒྲིགས་ཐོག་མ《ཕ་གཞིས》འགྲེམ་ལ་ཉེ་བ།
ཡོང་ཁུངས། : མཚོ་སྔོན་པོ་དྲ་བ། སྤེལ་དུས། : 2015-03-25 16:34:54
རྩོམ་སྒྲིག་པ། : lalong1985
