ཉེ་སྔོན། ཀྲུང་གོ་མཚོ་སྔོན་ཁྲི་ཀའི་རྨ་ཆུའི་རིག་གནས་ཡུལ་སྐོར་དུས་ཆེན་སྐབས་བཅུ་བ་ཁྲི་ཀ་རྫོང་ནས་གཟབ་རྒྱས་ངང་ཚོགས་མགོ་བརྩམས།
ཁྲི་ཀ་རྫོང་རྨ་ཆུའི་རིག་གནས་ཡུལ་སྐོར་དུས་ཆེན་སྐབས་བཅུ་བ་ཚོགས་མགོ་བརྩམས།
ཉེ་བའི་ལོ་འགའི་རིང་ལ། ཁྲི་ཀ་རྫོང་གིས་སིལ་སྡོང་མེ་ཏོག་དང་དྭངས་བསིལ་གྱི་རྨ་ཆུ། ས་ཁོངས་ཀྱི་ཁྱད་ཆོས་། མི་རིགས་རིག་གནས་སོགས་གཙོར་བཟུང་ནས་དྲིལ་སྒྲོག་རྒྱ་ཆེར་བྱས་ཏེ། ཀྲུང་གོའི་མཐོ་སྒང་སིལ་སྡོང་མེ་ཏོག་གྲོང་ཁྱེར་གྱི་ཚོང་རྟགས་གྲགས་ཅན་འཛུགས་པའི་ཐད་ནུས་པ་གལ་ཆེན་བཏོན། དེ་དང་མཉམ་དུ། ཡུལ་སྐོར་ཐོན་ལས་དེ་དམངས་སྟོབས་ལྡན་དུ་བསྒྱུར་བའི་བཟོ་སྐྲུན་འཐབ་ཇུས་ཀྱི་མཐོ་ཚད་དུ་འཇོག་པ་དང་། དམངས་སྲོལ་རིག་གནས་ཡུལ་སྐོར་ཚོད་ལྟ་ཁུལ་འཛུགས་སྐྲུན་བྱེད་པ། ཡུལ་སྐོར་ཆ་སྡེབས་ཞབས་ཞུ་འཛུགས་སྐྲུན་འཐུས་ཚང་དུ་གཏོང་བ། དུས་ཆེན་སྐབས་ཀྱི་འགྲན་བསྡུར་བྱ་འགུལ་འཆར་འགོད་བྱེད་པ། ལྗོངས་རྒྱུ་ཁུལ་གྱི་མཛེས་ལྗོངས་ཡུལ་སྐོར་ལམ་ཐིག་ཇེ་ལེགས་སུ་གཏོང་བ་སོགས་ཀྱི་བྱེད་ཐབས་བརྒྱུད་དེ། ཞིང་ཆེན་རིམ་པའི་ཡུལ་སྐོར་ཕྱོགས་བསྡུས་གསར་སྤེལ་ཚོད་ལྟ་ཁུལ་འཛུགས་སྐྲུན་བྱེད་ཚད་ཇེ་མགྱོགས་སུ་བཏང་།
རྨ་ཆུའི་རིག་གནས་ཡུལ་སྐོར་དུས་ཆེན་དེ2004ལོ་ནས་བསྡུས་པ་དང་། ད་བར་དུ་ཐེངས་དགུ་ལ་བསྡུས། སྐབས་འདིའི་རྨ་ཆུ་རིག་གནས་ཡུལ་སྐོར་དུས་ཆེན་དེ་ཟླ4བའི་ཚེས25ཉིན་བར་སྤེལ་རྒྱུ་ཡིན་པ་དང་། བྱ་འགུལ་སྐབས་སུ་ལྒང་ལི་གདན་ཞུ་འགྲན་སྡུར་དང་། རླངས་འཁོར་འགྲེམ་འཚོང་། པར་རིས་ཡིག་གཟུགས་འགྲེམ་སྟོན། མདའ་འཕེན་འགྲན་སྡུར། བཟའ་བཏུང་དུས་ཆེན། ན་གཞོན་གླུ་དབྱངས་འགྲན་སྡུར་སོགས་ནང་དོན་ཕུན་སུམ་ཚོགས་པའི་རིག་རྩལ་དང་ལུས་རྩལ་བྱ་འགུལ་མང་པོ་སྤེལ་རྒྱུ་རེད།
༄༅།།ཁྲི་ཀ་རྫོང་རྨ་ཆུའི་རིག་གནས་ཡུལ་སྐོར་དུས་ཆེན་སྐབས་བཅུ་བ་ཚོགས་མགོ་བརྩམས།
ཡོང་ཁུངས། : མཚོ་སྔོན་པོ་དྲ་བ། སྤེལ་དུས། : 2015-04-16 19:22:14
རྩོམ་སྒྲིག་པ། : admin