༄༅།། མཚོ་སྔོན་ཉིན་རེའི་ཚགས་པར་ཁང་གི་སྨྱན་བྱད་གསར་བའི་ཁྱབ་སྒྲོག་མཛད་སྒོ་ཟི་ལིང་གྲོང་ཁྱེར་དུ་བསྡུས།

ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས2ཉིན་གྱི་ཕྱི་དྲོར། མཚོ་སྔོན་ཉིན་རེའི་ཚགས་པར་ཁང་གི་སྨྱད་བྱད་གསར་བའི་ཁྱབ་སྒྲོག་མཛད་སྒོ་ཟི་ལིང་གྲོང་ཁྱེར་གྱི་རྣམ་རྒྱལ་མགྲོན་ཁང་དུ་གཟབ་རྒྱས་ངང་བསྡུས། མཚོ་སྔོན་ཞིང་ཆེན་གྱི་ཏང་ཨུའི་རྒྱུན་ཨུའམ། དྲིལ་སྒྲོག་པུའུ་ཡི་པུའུ་ཀྲང་ཀྲང་ཞི་མིན་དང་། དྲིལ་སྒྲོག་པུའུ་ཡི་པུའུ་ཀྲང་གཞོན་པ་ཀྲུའུ་ཞང་ཧྥུན། དྲིལ་སྒྲོག་པུའུ་ཡི་པུའུ་ཀྲང་གཞོན་པའམ། དྲ་རྒྱའི་བརྡ་འཕྲིན་གཞུང་སྒྲུབ་ཁང་གི་ཀྲུའུ་རིན་ཀའོ་ཡུས་ཧྥིན། ཞིང་ཆེན་རིག་གནས་ཐིན་གྱི་ཐིན་ཀྲང་གཞོན་པ་ལུའུ་ཞ། ཟི་ལིང་གྲོང་ཁྱེར་གྱི་ཏང་ཨུའི་རྒྱུན་ཨུའམ། དྲིལ་སྒྲོག་པུའུ་ཡི་པུའུ་ཀྲང་ཝང་ཧེ་ཧོན་དང་མཚོ་སྔོན་ཉིན་རེའི་ཚགས་པར་ཁང་གི་འགོ་གཙོ་ཀྲང་ཝུའེ་བཅས་ཁུལ་དང་གྲོང་ཁྱེར་གྱི་ས་གནས་སོ་སོའི་སྲིད་གཞུང་སྡེ་ཁག་དང་དྲིལ་སྒྲོག་སྡེ་ཁག མཚོ་སྔོན་དུ་སྡོད་པའི་ཀྲུང་དབྱང་གི་གསར་འགྱུར་ལས་ཁུངས་དང་ཞིང་ཆེན་ནང་ཁུལ་གྱི་ཁེ་ལས་སོ་སོའི་འཐུས་མི་སོགས་ཐེངས་འདིའི་མཛད་སྒོར་ཞུགས།

མཛད་སྒོའི་སྟེང་མཚོ་སྔོན་ཉིན་རེའི་ཚགས་པར་ཁང་གི་འགོ་གཙོ་ཀྲང་ཝུའེ་ཡིས་ལས་བཟོ་བ་ཡོངས་ཀྱི་ཚབ་བྱས་ཏེ་ཞིང་ཆེན་ཏང་ཨུའི་དྲིལ་སྒྲོག་པུའུ་དང་ཞིང་ཆེན་རིག་གནས་ཐིན། ཞིང་ཆེན་དྲ་རྒྱའི་གཞུང་སྒྲུབ་ཁང་གི་འགོ་ཁྲིད་དག་ཐེངས་འདིའི་མཛད་སྒོའི་སྟེང་ཕེབས་པར་དགའ་བསུ་ཞུས། ཁོས་བཤད་རྒྱུར། སྐབས18པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་བཞི་བ་ལས་སྲོལ་རྒྱུན་སྨྱན་བྱད་དང་དེང་རབས་སྨྱན་བྱད་གཉིས་མཐུན་སྦྱོར་འཕེལ་རྒྱས་སུ་འགྲོ་དགོས་པར་བསྟན་པ་དང་། ང་ཚོས་གྲོས་ཚོགས་ཀྱི་དགོངས་པ་དང་དུ་བླངས་ནས་བློ་བརྟན་འགྱུར་མེད་དང་རྡོག་རྩ་གཅིག་སྒྲིལ་གྱིས་སྨྱན་བྱད་གསར་བའི་བྱ་གཞག་ལེགས་པོ་སྒྲུབ་དགོས་པའི་བླང་བྱ་བཏོན། ཚོགས་ཐོག་ཏུ་ད་དུང་དྲིལ་སྒྲོག་པུའུ་ཡི་པུའུ་ཀྲང་གཞོན་པ་ཀྲུའུ་ཞང་ཧྥུན་གྱིས་དྲིལ་སྒྲོག་པུའུ་ཡི་ཚབ་བྱས་ཏེ་མཚོ་སྔོན་ཉིན་རེའི་ཚགས་པར་ཁང་གི་སྨྱད་བྱད་གསར་བ་ཤར་གཏོང་བྱེད་པར་སྤྲོ་སེམས་འཁོལ་བའི་ངང་རྟེན་འབྲེལ་བྱས་པ་དང་ཆབས་ཅིག དུས་རབས་ཀྱི་འགྲོས་དང་བསྟུན་ནས་བྱ་གཞག་འདི་ལེགས་པོ་སྒྲུབ་དགོས་པའི་རེ་བ་བཏོན་པ་དང་ཡར་ངོས་ཟླ་ལྟར་འཕེལ་བར་བཀྲ་ཤིས་སྨོན་འདུན་ཞུ།

མཛད་སྒོའི་སྟེང་ད་དུང་ཟི་ལིང་གྲོང་ཁྱེར་སྲིད་གཞུང་དང་ཀྲུང་གོ་སྤོ་སྒུལ་མཚོ་སྔོན་ཡན་ལག་ཀུང་ཟི་སོགས་དང་འཐབ་ཇུས་མཉམ་ལས་ཀྱི་གན་རྒྱ་བཞག་པ་མ་ཟད། ཡུལ་དངོས་སུ་མཚོ་སྔོན་ཉིན་རེའི་ཚགས་པར་ཁང་གི་སྨྱན་བྱད་གསར་བའི་པར་ལེན་པ་དང་དྲ་འཇུགVཆེན་བཞི། མཚོ་སྔོན་ཉིན་རེའི་ཚགས་པར་ཁང་གི་སྤྱི་ཚོགས་ལྟ་སྐུལ་བ་དང་ཆེད་ཞུ་བློ་འདྲི་བ་བརྒྱད་བཅས་གདན་ཞུ་བྱས། །