སྤྱི་ཟླ6པའི་ཚེས20ཉིན་ཏེ་ལུགས་རྙིང་གི་ཟླ5བའི་ཚེས5ཉིན་ནི་བོད་ཀྱི་སྲོལ་རྒྱུན་དུས་ཆེན་ལྔ་བའི་ཚེས་ལྔ་སྟེ་སངས་རྒྱས་སྨན་བླའི་ཐུན་མིན་གྱི་བྱིན་རླབས་འཇུག་ཉིན་ཡིན་ཞིང་། དཔའ་རིས་བོད་རིགས་རང་སྐྱོང་རྫོང་ལུས་རྩལ་རྒྱང་སྒྲོག་ཅུའུ་དང་རྫོང་བོད་སྐད་ཡིག་བྱ་བའི་གཞུང་སྒྲུབ་ཁང་། བཀྲ་ཤིས་ལུང་བ་གྲོང་རྡལ་སྲིད་གཞུང་བཅས་ལྷན་གྱིས་གཙོ་སྒྲུབ་དང་། བཀྲ་ཤིས་ལུང་བ་གྲོང་རྡལ་རྡོ་ལུང་སྡེ་བས་འགན་སྒྲུབ་གནང་བའི་དཔའ་རིས་རྡོ་ལུང་སངས་རྒྱས་སྨན་བླའི་རིག་གནས་སྒྱུ་རྩལ་དུས་ཆེན་སྐབས་དྲུག་པ་དེ་དཔའ་རིས་རྡོ་ལུང་རྩྭ་ཐང་དུ་སྤེལ།
དཔའ་རིས་རྡོ་ལུང་སངས་རྒྱས་སྨན་བླའི་རིག་གནས་སྒྱུ་རྩལ་དུས་ཆེན་སྤེལ་བ།
རྡོ་འགྱོག
རྟ་རྒྱུག
དཔའ་རིས་རྫོང་བོད་སྐད་ཡིག་བྱ་བའི་གཞུང་སྒྲུབ་ཁང་གི་ལས་སྒྲུབ་མི་སྣ།
འདིའི་སྟེང་བོད་ཁུལ་ན་མིང་དུ་གྲགས་པའི་གླུ་བ་རྡོ་རྗེ་ཆོས་མཁར་དང་འཇིགས་བྱེད་འཚོ་སོགས་གླུ་བ་གླུ་མ་གང་མང་གདན་འདྲེན་ཞུས་ཡོད་པ་དང་། དམངས་ཁྲོད་ཀྱི་གླུ་བ་གླུ་མས་ཀྱང་རང་སྒྲིག་རང་འཁྲབ་ཀྱི་གླུ་གར་འཁྲབ་སྟོན་གནང་ལ། གྱོན་ཆས་འཁྲབ་སྟོན་སོགས་གླུ་གར་ཕུད་པའི་རིག་རྩལ་འཁྲབ་སྟོན་གཞན་ཡང་དུ་མ་ཡོད། ལུས་རྩལ་གྱི་རྣམ་གྲངས་ལ་འཇུ་རེས་དང་། ཐག་འཐེན། རྡོ་འགྱོག གླང་ཆེན་ས་གཤག རྟ་རྒྱུག་སོགས་འདུས།
ཨ་མདོ་ས་ཁུལ་མང་ཆེ་ཤོས་སུ་ལྔ་བའི་ཚེས་ལྔ་ཉིན་ལ་ལྔ་བའི་བ་གཞིའམ་སངས་རྒྱས་སྨན་བླའི་དུས་ཆེན་ཡང་ཟེར། ཉིན་དེའི་ཆུ་ནི་སངས་རྒྱས་སྟོན་པའི་གནང་བའི་སྨན་ཆུ་ཡིན་པ་དང་ཉིན་དེའི་རྩྭ་རྩི་ཤིང་ནི་སྟོན་པའི་གནང་བའི་སྨན་རྩྭ་ཡིན་ཞེས་ཟེར་སྲོལ་ཡོད་པས། ཉིན་དེའི་ཞོགས་པར་སྐྱ་རེངས་གསལ་མ་གསལ་གོང་མི་རྣམས་ཆུ་ལེན་པར་འགྲོ་བ་དང་། ཆུ་བཏུང་བ། ལུས་བཀྲུ་པ(ཁ་ལག་བཀྲུ་བ)། སྤང་ཐང་དུ་མེ་ཏོག་འཐུ་བར་འགྲོ་བ་དང་སྡོང་བོའི་ཡལ་ག་སོགས་སྒོ་འགོར་འཇོག་པའི་བྱེད་སྒོ་སྤེལ་བ་རེད།
༄༅།།དཔའ་རིས་རྡོ་ལུང་སངས་རྒྱས་སྨན་བླའི་རིག་གནས་སྒྱུ་རྩལ་དུས་ཆེན་སྤེལ་བ།
ཡོང་ཁུངས། : མཚོ་སྔོན་པོ་དྲ་བ། སྤེལ་དུས། : 2015-06-25 19:12:56
རྩོམ་སྒྲིག་པ། : admin
