༄༅།།ཡོངས་འཛིན་འཚོལ་བཤེར་མ་ལག་འཛུགས་སྐྲུན་གནས་ཚུལ་ལ་རྟོག་ཞིབ་བྱས།

མཚོ་སྔོན་བོད་རིགས་ཞིབ་འཇུག་ཚོགས་པའི་ཚོགས་གཙོ་སྟག་འབུམ་ཐར་སོགས་ཀྱིས་
ཡོངས་འཛིན་འཚོལ་བཤེར་མ་ལག་འཛུགས་སྐྲུན་གནས་ཚུལ་ལ་རྟོག་ཞིབ་བྱས།

མཚོ་སྔོན་པོ་དྲ་བའི་རྩོམ་སྒྲིག་ཁང་ལ་རྟོག་ཞིབ་བྱེད་པ།

རྩིས་འཁོར་འཕྲུལ་ཆས་ཁང་ལ་རྟོག་ཞིབ་བྱེད་པ།

ཡོངས་འཛིན་བོད་ཡིག་འཚོལ་བཤེར་དྲ་ངོས།

ཡོངས་འཛིན་བོད་ཡིག་འཚོལ་བཤེར་དྲ་ངོས་ལ་གཟིགས་པ།

ཡོངས་འཛིན་བོད་ཡིག་འཚོལ་བཤེར་དྲ་ངོས
བགྲོ་གླེང་ཚོགས་འདུའི་སྟེང་ཆེད་མཁས་པ་རྣམས་ཀྱིས་ལྟ་ཚུལ་བརྗོད་པ།

དཔེ་ཁང་དུ་ལྟ་ཞིབ་བྱེད་པ།

ཉེ་ལམ། མཚོ་སྔོན་བོད་རིགས་ཞིབ་འཇུག་ཚོགས་པའི་ཚོགས་གཙོའམ་མཚོ་སྔོན་ཞིང་ཆེན་དམངས་ཆེན་གྱི་འགོ་གཙོ་གཞོན་པ་སྟག་འབུམ་ཐར་དང་། མཚོ་སྔོན་བོད་རིགས་ཞིབ་འཇུག་ཚོགས་པའི་དྲུང་ཡིག་ཆེན་མོའམ་གེ་སར་ཆེད་མཁས་པ་གཅོད་པ་དོན་གྲུབ། མཚོ་སྔོན་བོད་རིགས་ཞིབ་འཇུག་ཚོགས་པའི་དྲུང་ཡིག་ཆེན་མོ་གཞོན་པའམ་སྔར་མཚོ་སྔོན་ཉིན་རེའི་ཚགས་པར་ཁང་གི་འགོ་གཙོ་གཞོན་པ་དགེ་གཉེན་སོགས་སྐོར་དང་བཅས་པ་མཚོ་ལྷོ་ཁུལ་བོད་སྐད་ཡིག་བྱ་བའི་ཨུ་ཡོན་ལྷན་ཁང་དུ་ཡོངས་འཛིན་བོད་ཡིག་འཚོལ་བཤེར་མ་ལག་གི་འཛུགས་སྐྲུན་གནས་ཚུལ་ལ་རྟོག་ཞིབ་ཏུ་སླེབས་པ་མ་ཟད་དྲ་བའི་ཇུས་འགོད་ཁང་དང་། མཚོ་སྔོན་པོ་དྲ་བའི་རྩོམ་སྒྲིག་ཁང་། ཡོངས་འཛིན་གྲངས་མཛོད་ལྟེ་གནས། འཕྲུལ་འཁོར་ཁང་། དཔེ་ཁང་སོགས་སུ་གཟིགས་ཞིབ་གནང་ལ། འགོ་ཁྲིད་དང་ཆེད་མཁས་རྣམ་པས་བྱ་སྒྲུབ་པ་རེ་རེར་འབྲེལ་འདྲིས་སྒོས་སོ་སོའི་ཆེད་ལས་ལས་བགོས་དང་ལས་རིགས་འགན་འཁྲི་སོགས་ཀྱི་ཐད་ནས་རྒྱུས་ལོན་ཟབ་མོ་བྱས་པ་མ་ཟད་ཚང་མས་སྤྲོ་སེམས་ལྡན་པའི་ངང་བྱ་བར་འབད་བརྩོན་གྱིས་རང་ཉིད་ཀྱི་ཤེས་བྱའི་ཆུ་ཚད་དང་ཕྱོགས་བསྡུས་ནུས་ཤུགས་མཐོར་འདེགས་སུ་གཏོང་བར་སྐུལ་འདེད་བྱས།
བགྲོ་གླེང་ཚོགས་འདུ་རུ་འགོ་ཁྲིད་དང་ཆེད་མཁས་རྣམ་པས་གཟབ་ནན་གྱིས་ཡོངས་འཛིན་ལས་གཞིའི་འགན་ཁུར་བ་ཚེ་ལོ་ཡིས་ལས་གཞིའི་གཞི་རྩའི་གནས་ཚུལ་དང་དུས་སྐབས་དང་པོའི་འཛུགས་སྐྲུན་ལེགས་འགྲུབ་གནས་ཚུལ་སོགས་མཚམས་སྦྱོར་བྱས་པར་གསན་ཏེ་ཡོངས་འཛིན་བོད་ཡིག་འཚོལ་བཤེར་མ་ལག་གི་མིང་གི་བྱུང་བ་དང་། ནང་དོན། དྲ་གནས། མཚོན་རྟགས་སོགས་དང་། དུས་སྐབས་དང་པོའི་འཛུགས་སྐྲུན་ལེགས་འགྲུབ་གནས་ཚུལ། བྱ་བའི་བྱེད་ཐབས་དང་སྒྲིག་རིམ། དོ་དམ་ལམ་ལུགས། མི་སྣ་སྡུད་ལེན། མཉེན་ཆས་དང་མཁྲེགས་ཆས་སྒྲིག་སྦྱོར། ལས་གཞིའི་དུས་སྐབས་གཉིས་པའི་འཛུགས་སྐྲུན་འཆར་འགོད་སོགས་ལ་རྒྱུས་ལོན་ཟབ་མོ་བྱས་ཤིང་། རྗེས་ཕྱོགས་ཀྱང་ཡོངས་འཛིན་བོད་ཡིག་འཚོལ་བཤེར་མ་ལག་གི་འཛུགས་སྐྲུན་གནས་ཚུལ་དང་ལྟ་རྟོག་དང་རྒྱབ་སྐྱོར་བྱ་རྒྱུ་བསྟན་པ་མ་ཟད། ལེགས་འགྲུབ་བྱུང་བའི་བྱ་བར་ཁས་ལེན་དང་གདེང་འཇོག་ཆེན་པོ་གནང་བ་དང་ཆབས་ཅིག་ལྟ་ཚུལ་དང་འདོད་བློ་ལྷུག་པོར་བརྗོད།
མིག་སྔར། ཡོངས་འཛིན་བོད་ཡིག་འཚོལ་བཤེར་མ་ལག་འཛུགས་སྐྲུན་ལས་གཞི་འདིའི་གསར་འགྱུར་དང་དྲ་ངོས། པར་རིས། བརྙན་རིས། ཡིག་མཛོད། དྲི་ལན་བཅས་གཙོས་པའི་བོད་ཡིག་འཚོལ་བཤེར་མ་ལག་གི་གཞི་རྩའི་སྔོག་འདོན་ལེགས་འགྲུབ་བྱུང་ཞིང་། དུས་སྐབས་རང་བཞིན་གྱི་འཕེལ་འབྲས་ལྡན་པ་དང་བདེ་བླག་ངང་ཚོད་ལྟའི་དུས་སྐབས་སུ་སླེབས་ཡོད། འཆར་འགོད་ལྟར་ན2016ལོའི་ཟླ8པའི་ཚེས16ཉིན་མཚོ་ལྷོ་ཁུལ་གྱིས་བོད་ཡིག་ཆ་འཕྲིན་སྒྲིག་གཅོད་རིག་གཞུང་བགྲོ་གླེང་ཚོགས་འདུ་སྐབས་གསུམ་པ་བསྡུ་བའི་སྐབས་དང་བསྟུན་ནས་ཡོངས་འཛིན་བོད་ཡིག་འཚོལ་བཤེར་མ་ལག་ཤར་གཏོང་བྱེད་པའི་མཛད་སྒོ་བསྡུ་རྒྱུ་ཡིན།