སྤྱི་ཟླ6པའི་ཚེས28ཉིན་གྱི་སྔ་དྲོར། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་། ཨ་མདོ་བརྙན་འཕྲིན། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་། འབའ་རྫོང་ཏང་ཨུ་དང་རྫོང་མི་དམངས་སྲིད་གཞུང་བཅས་ཀྱིས་མཉམ་དུ་བསྒྲུབས་བོད་རབ་བྱུང་བཅུ་བདུན་པའི་མེ་ཕོ་སྤྲེལ་ལོའི་ན་ཆུང་བྱིས་པའི་རིག་རྩལ་སྤྲོ་ཚོགས་ཆེན་མོ《འབའ་ཀླུང་སྔོན་མོའི་འགྱུར་ཁུགས》ཞེས་པ་འབའ་རྫོང་མི་རིགས་བཅའ་སྡོད་སློབ་གྲྭ་ནས་གཟབ་རྒྱས་ངང་བསྡུས་ཤིང་། མཚོ་སྔོན་རྒྱང་སྒྲོག་བརྙན་འཕྲིན་ཁང་གི་ཐེ་ཀྲང་གཞོན་པ་རྣ་བྷ། རྫོང་མི་དམངས་སྲིད་གཞུང་གི་རྫོང་དཔོན་གཞོན་པ་འཕགས་མོ་ཚེ་རིང་། རྫོང་ཏང་ཨུའི་རྒྱུན་ཨུ་དང་དྲིག་སྒྲོག་པུའུ་ཡི་པུའུ་ཀྲང་། རྫོང་དཔོན་གཞོན་པ་ཡོན་ཏན་རྒྱ་མཚོ་སོགས་འབྲེལ་ཡོད་མགོ་ཁྲིད་བློ་མཐུན་དང་འབའ་རྫོང་མཁར་གྱི་དགེ་སློབ5000ལྷག་སྤྲོ་ཚོགས་ལ་ཞུགས།
2016ལོའི་ན་ཆུང་བྱིས་པའི་རིག་རྩལ་སྤྲོ་ཚོགས་ཆེན་མོ་འབའ་རྫོང་ནས་བསྡུས།
2016ལོའི་ན་ཆུང་བྱིས་པའི་རིག་རྩལ་སྤྲོ་ཚོགས་ཆེན་མོ་འབའ་རྫོང་ནས་བསྡུས།
2016ལོའི་ན་ཆུང་བྱིས་པའི་རིག་རྩལ་སྤྲོ་ཚོགས་ཆེན་མོ་འབའ་རྫོང་ནས་བསྡུས།
ཐེངས་འདིའི་ན་ཆུང་བྱིས་པའི་སྤྲོ་ཚོགས་ནི་འབའ་རྫོང་མི་རིགས་བཅའ་སྡོད་སློབ་གྲྭའི་སློབ་ཕྲུག་ཚོས་འཁྲབ་སྟོན་བྱས་པའི་བཀྲ་ཤིས་པའི་སྐྱ་རེངས་ཀྱི་འགྱུར་ཁུགས་དང་བསྡེབས་ནས་མགོ་བརྩམས་པ་དང་། འབའ་རྫོང་མཁར་དང་ཞང་སོ་སོའི་སློབ་གྲྭ་བཅུ་གཉིས་དང་བྱིས་སྐྱོང་ཁང་གཅིག་ནས་ཐོན་པའི་སློབ་ཕྲུག1664འཁྲབ་སྟོན་ལ་ཞུགས་པ་མ་ཟད། སི་ཁྲོན་རྔ་བ་དང་མཚོ་སྔོན་ཡུལ་ཤུལ། རྨ་ལྷོའི་གཅན་ཚ། མཚོ་ལྷོའི་བྲག་དཀར་བཅས་ས་གནས་གཞན་གྱི་སློབ་ཕྲུག་རེ་འགའ་ཡང་སྤྲོ་ཚོགས་སྟེང་གདན་འདྲེན་ཞུས་ཡོད།
འདས་པའི་ལོ་འདི་དག་གི་རིང་འབའ་རྫོང་གིས་ཁུལ་ཡོངས་སུ་སློབ་གསོའི་བཅོས་བསྒྱུར་གཏིང་ཟབ་ཏུ་སྤེལ་བའི་གོ་སྐབས་བཟང་པོ་དམ་འཛིན་བྱས་ཏེ། སློབ་སྒྲུབ་ཁ་ཕྱོགས་ལེགས་སྒྲིག་བྱེད་པ་དང་སློབ་གྲྭའི་རྨང་གཞིའི་འཛུགས་སྐྲུན་ལ་ཤུགས་བསྣན་ནས་སློབ་གྲྭའི་ཕྱོགས་ཡོངས་ཀྱི་ཆ་རྐྱེན་ལེགས་བཅོས་བྱེད་པ། དགེ་རྒན་དཔུང་སྡེ་འཛུགས་སྐྲུན་བྱས་ནས་ཆེད་ལས་མི་སྣ་སྐྱེད་སྲིང་བྱེད་པ་སོགས་ཀྱི་སློབ་གསོའི་ལས་དོན་ལས་དོན་ལ་དགེ་མཚན་ལྡན་པའི་བྱ་བ་གང་མང་ལག་བསྟར་བྱས་པས་ད་ལྟ་གཡུར་དུ་ཟ་བའི་གྲུབ་འབྲས་བླངས་ཡོད་ལ། ཐེངས་འདིར་ཡང་མི་རིགས་སློབ་གསོའི་འབྲས་བཟང་ཁུར་དུ་དུད་པའི་འབྲས་རྟགས་ཕྱི་ལ་ངོམས་པ་དང་། གསར་སྐྱེས་སློབ་བུ་མང་པོས་རིག་རྩལ་འཁྲབ་སྟོན་གྱི་འཇོན་ནུས་སྔོགས་འདོན་བྱེད་པ། རྫོང་ཡོངས་ཀྱི་སློབ་གྲོགས་རྣམས་ཡངས་ཤིང་རྒྱ་ཆེ་བའི་ལམ་ཆེན་ཞིག་ཏུ་འཁྲིད་པ་བཅས་ལ་དམིགས་ནས་སྤྲོ་ཚོགས་ཆེན་མོ་འདི་ལྟ་བུ་ཞིག་བསྡུས་པ་ལགས་སོ། །
༄༅།།2016ལོའི་ན་ཆུང་བྱིས་པའི་རིག་རྩལ་སྤྲོ་ཚོགས་ཆེན་མོ《འབའ་ཀླུང་སྔོན་མོའི་འགྱུར་ཁུགས》འབའ་རྫོང་ནས་བསྡུས
ཡོང་ཁུངས། : མཚོ་སྔོན་བོད་སྐད་རྒྱང་སྒྲོག སྤེལ་དུས། : 2015-06-30 14:19:19
རྩོམ་སྒྲིག་པ། : admin
