ཟླ་བ༥པའི་ཚེས༡༣ཉིན་གྱི་སྔ་དྲོར། ནམ་མཁའ་གཡའ་དག་ཅིང་ས་གཞིར་སྔོ་ལྗང་གི་གཡུ་ལོས་ཀུན་ནས་བརྒྱན་པའི་ཕག་མོ་རི་བོའི་གདན་ཐོག་ན་རང་ཅག་གི་ཐུབ་པའི་དབང་པོ་སྟོན་པ་སངས་རྒྱས་བཅོམ་ལྡན་འདས་སྐུ་འཁྲུངས་བའི་དུས་ཆེན་སླེབས་ལ་ཉེ་བའི་སྐབས་དང་བསྟུན་ཏེ། སྐབས་གཉིས་པའི་ཚངས་པའི་དབྱངས་ཀྱི་འཁྲབ་སྟོན་སྤྲོ་ཚོགས་ཞེས་པའི་བྱེད་སྒོ་གཟབ་རྒྱས་ངང་སྤེལ་བ་རེད། ཚངས་དབྱངས་ཀྱི་གྲེ་འགྱུར་སྙན་མོ་ཕྱོགས་བཅུར་ཁྱབ་ཅིང་། བྱིན་རླབས་ཀྱི་སྦྲང་ཆར་ཟིལ་མས་སྐྱེ་དངོས་མཐའ་དག་གསོས་སུ་སྨིན་པའི་བདུད་རྩིར་གྱུར་ཏེ་གསོན་ཤུགས་ཀྱི་རང་མདངས་ཀུན་ནས་རྒྱས་པ་དང་། ས་གནས་སོ་སོ་ནས་ཡོང་བའི་ལྟད་མོ་བ་རྣམས་ལ་ཡིད་ལྷོད་ཅིང་བག་ཕེབས་པའི་སྣང་བ་ཞིག་ངམ་ངང་ཤུགས་ཀྱིས་སྐྱེས་པར་བྱས། འཁྲབ་སྟོན་སྤྲོ་ཚོགས་དེ་དར་མདོ་ཕག་མོ་རི་བོ་ཡུལ་སྐོར་གསར་སྦོལ་ཚད་ཡོད་འགན་འཁྲི་སྤྱི་གཉེར་ཁང་གིས་གཙོ་གཉེར་བྱས་ཤིང་། བལ་ཡུལ་གྱི་གླུ་པ་གྲགས་ཅན་ལ་ཅུག་དང་དྲི་ཟའི་གླུ་མ་སྒྲོལ་སྒྲོལ་མ་བཅས་ཀྱིས་གླུ་གར་དང་རོལ་མོ་སོགས་ནས་ཚངས་པའི་དབྱངས་རྟ་སྙན་མོས་བར་སྣང་འགེངས་པར་བྱེད་དོ། །
སྟོན་པའི་འཁྲུངས་སྐར་དུས་ཀྱི་ཚངས་པའི་དབྱངས་ཀྱི་འཁྲབ་སྟོན་སྤྲོ་ཚོགས་སྐབས་གཉིས་པ།
ཡོང་ཁུངས། : ཁམས་པའི་དྲ་བ། སྤེལ་དུས། : 2016-05-15 19:20:28
རྩོམ་སྒྲིག་པ། : lalong1985
