མི་རིགས་ཀྱི་ཁྱད་ཆོས་ཟི་ཁྲོན་སློབ་འབྲིང་ནས་མངོན་པ།

官方官方greg一天我.jpg

ཟླ5པའི་ཚེས19ཉིན་ཟི་ཁྲོན་ཞིང་ཆེན་གྱི་སློབ་འབྲིང་སློབ་གཙོ་མཐུན་ཚོགས་ཀུན་སྤྱོད་དང་ལུས་རྩལ་བྱ་བའི་སྡེ་ཁག་གི་ཐེངས་གཉིས་པའི་ལོ་ཚོགས་དེ་ཁྲུན་ཏུའུ་བོད་ལྗོངས་སློབ་འབྲིང་ནས་བསྡུས་ཤིང་། དེའི་སྐབས་སུ་མི་རིགས་ཀྱི་ཁྱད་ཆོས་ནི་ཐེངས་འདིའི་ལོ་ཚོགས་ཁྲོད་ཀྱི་ངོ་མཚར་བའི་ལྟད་མོ་ཞིག་ཏུ་གྱུར།

ཟི་ཁྲོན་ཞིང་ཆེན་གྱི་ས་ཁུལ་དང་གྲོང་ཁྱེར་སོ་སོའི་སློབ་འབྲིང་གི་འཐུས་མི་རྣམས་ཐེངས་འདིའི་ལོ་ཚོགས་ལ་ཞུགས་ཤིང་། ཚོགས་འདུའི་སྐབས་སུ་ཁྲུན་ཏུའུ་བོད་ལྗོངས་སློབ་འབྲིང་གི་སློབ་མ་ཚོས་འཁྲབ་སྟོན་བྱས་པའི་མི་རིགས་ཀྱི་ཁྱད་ཆོས་འབུར་དུ་ཐོན་པའི་སློབ་གསེང་གི་སྐོར་བྲོ་ཡིས་འཐུས་མི་ཚོའི་མིག་དབང་ཅིག་ཅར་དུ་འཕྲོག་ཅིང་བསྟོད་བསྔགས་ཐོབ།

ཧྥུའུ་ཧྲོན་སློབ་འབྲིང་གཉིས་པའི་དགེ་རྒན་ཀྲོའུ་ཏིན་ཡོན་གྱིས་སློབ་གསེང་གི་བྱ་འགུལ་ལ་མི་རིགས་ཀྱི་ཁྱད་ཆོས་ལྡན་པར་མ་ཟད་སློབ་མ་ཚོར་ཡང་དངོས་པ་དོན་གྱིས་ལུས་ཕུང་སྦྱོང་བརྡར་གྱི་ནུས་པ་ཐོབ་འདུག་ཟེར།

他任何人无法变更和.jpg

ཉིན་དེའི་དགོང་མོར་ས་ཆ་སོ་སོའི་སློབ་མ་ཚོས་ནན་ཏན་གྱིས་གྲ་སྒྲིག་བྱས་པའི་བརྗོད་དོན་ལ《ལང་ཚོའི་རྨི་ལམ》ཞེས་པའི་རིག་རྩལ་དགོང་ཚོགས་བསྡུས་ཤིང། དགོང་ཚོགས་སྟེང་མི་རིགས་རོལ་མོ་མཉམ་དཀྲོལ《ལུག་སྤྲོ་ལྡན》དང་བོད་ཀྱི་ཞབས་བྲོ《ལང་ཚོའི་རྡོག་སྒྲ》སོགས་གྱ་ནོམ་པའི་རྩེད་རིགས་སྣ་ཚོགས་འཁྲབ་པས་རྒྱ་ཆེའི་ལྟད་མོ་བས་དགའ་བསུ་ཆེན་པོ་ཐོབ།

ཐེན་ལའེ་སྒྱུ་རྩལ་སློབ་གྲྭའི་སློབ་གཙོ་ཁྲིན་ཀྲི་ཡིས་སློབ་གྲོགས་རྣམས་ཀྱི་འཁྲབ་སྟོན་ལ་མི་རིགས་ཀྱི་ཁྱད་ཆོས་ལྡན་པས་རང་ཉིད་ལ་བློ་སྒོ་ཆེན་པོ་ཕྱེས་ཤིང་། རྗེས་ཕྱོགས་སུ་ང་ཚོས་བོད་ལྗོངས་སློབ་འབྲིང་གི་སློབ་མ་རྣམས་ལ་སྔར་ལས་ལྷག་པའི་ཆེད་ལས་རང་བཞིན་གྱི་ཤེས་བྱ་མཁོ་འདོན་བྱེད་པར་ཡིད་ཆེས་བརྟན་པོ་ཡོད་ཟེར།

糖果色条纹.jpg

མཚམས་སྦྱོར་བྱས་པ་ལྟར་ན། ཉེ་བའི་ལོ་འདི་འགར་ཟི་ཁྲོན་གྱི་འབྲེལ་ཡོད་སློབ་འབྲིང་སོ་སོས་ཤུགས་ཆེན་པོས་མི་རིགས་ཀྱི་ཁྱད་ཆོས་ལྡན་པའི་སློབ་གསོ་སྤེལ་བཞིན་ཡོད་པ་དང་། མི་རིགས་རིག་གནས་ཀྱི་རྒྱུད་འཛིན་དང་འཕེལ་རྒྱས་ལ་མཐོང་ཆེན་བྱས་ནས་མི་རིགས་ཀྱི་ཁྱད་ཆོས་ལྡན་པའི་སློབ་གསོ་དང་སློབ་ཁྲིད་ཀྱི་བྱ་འགུལ་མང་པོ་སྤེལ་བས་རྒྱ་ཆེའི་དགེ་སློབ་རྣམས་ཀྱི་དགའ་བསུ་དང་རྒྱབ་སྐྱོར་ཐོབ་བཞིན་ཡོད་པ་རེད།།