སྤྱི་ཟླ10པའི་ཚེས24ཉིན། སྐབས་བཅུ་དྲུག་པའི་རྒྱལ་ཡོངས་ཀྱི་བོད་སྐད་སྨྱན་བྱད་ཀྱི་ལས་གཉེར་ཚོགས་འདུ་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་གྲོང་ཁྱེར་དུ་ཚོགས་པ་དང་། ཐེངས་འདིའི་ཚོགས་འདུ་བདེ་ཆེན་ཉིན་རེའི་ཚགས་པར་ཁང་གིས་གཙོ་སྒྲུབ་བྱས་པ་རེད། རྒྱལ་ཡོངས་ཀྱི་བོད་སྐད་སྨྱན་བྱད་ཀྱི་ལས་གཉེར་ཚོགས་འདུ་ནི་ལོ་རེར་ཐེངས་རེ་འཚོགས་བཞིན་ཡོད་ལ། རེབ་འདིའི་ཚོགས་འདུ་ལ་བདེ་ཆེན་བོད་རིགས་རང་སྐྱོང་ཁུལ་ཏང་ཨུའི་རྒྱུན་ཨུ་དང་དྲིལ་བསྒྲགས་པུའུ་ཡི་པུའུ་ཀྲང་ལེ་པིང་དང་བོད་ལྗོངས་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་པ་ལུའོ་ཅ་ཞིང་འགོ་ཚུགས་མཛད་སྒོར་ཞུགས་ཤིང་གསུང་བཤད་གནང་བ་དང་། བདེ་ཆེན་ཉིན་རེའི་ཚགས་པར་ཁང་གི་འགོ་གཙོ་ཆན་ཞིང་གིས་ཚོགས་འདུའི་གཙོ་འགན་བཞེས་པ་རེད། རྒྱལ་ཡོངས་ཀྱི་སྨྱན་བྱད་ཀྱི་ལས་ཁུངས་དང་ཁེ་ལས་སོགས་ལས་ཁུངས37དང་། མི་གྲངས70ལྷག་གིས་ཉིན་གསུམ་གྱི་རིང་ལ་ཚགས་པར་དང་དུས་དེབ། དྲ་བ། རྒྱང་སྒྲོག་བརྙན་འཕྲིན་སོགས་ཀྱི་བརྩམས་ཆོས210ལ་ཞིབ་དཔྱད་བྱ་རྒྱུ་དང་། གསར་བྱུང་ཐ་སྙད100ལྷག་ལ་ཞིབ་དཔྱད་གཏན་འབེབས་བྱ་རྒྱུ་ཡིན་པར་མ་ཟད། སྲོལ་རྒྱུན་སྨྱན་བྱད་ཀྱི་དང་གསར་དར་སྨྱན་བྱད་ཀྱི་བར་མཉམ་འདྲེས་འཕེལ་རྒྱས་གཏོང་བའི་སྐོར་ལ་བསམ་འཆར་འདོན་ལེན་དང་ཉམས་མྱོང་སྤེལ་རེས་བྱ་རྒྱུ་རེད། 
རྒྱལ་ཡོངས་ཀྱི་བོད་སྐད་སྨྱན་བྱད་ཀྱི་ལས་གཉེར་ཚོགས་འདུ་བདེ་ཆེན་ཁུལ་དུ་བསྡུས་པ།
ཚོགས་རའི་ཡུལ་དངོས།
ཚོགས་རའི་ཡུལ་དངོས། 
བརྩམས་ཆོས་ལ་ཞིབ་དཔྱད་བྱེད་བཞིན་པ།
བརྩམས་ཆོས་ལ་ཞིབ་དཔྱད་བྱེད་བཞིན་པ།
རྒྱལ་ཡོངས་ཀྱི་བོད་སྐད་སྨྱན་བྱད་ཀྱི་ལས་གཉེར་ཚོགས་འདུ་བདེ་ཆེན་ཁུལ་དུ་བསྡུས་པ།
ཡོང་ཁུངས། : མཚོ་སྔོན་པོ་དྲ་བ། སྤེལ་དུས། : 2016-10-26 13:29:22
རྩོམ་སྒྲིག་པ། : lalong1985
