སི་ཁྲོན་ཞིང་ཆེན་རོང་བྲག་རྫོང་དུ༼ཡུལ་སྲོལ་དུས་ཆེན༽གཏོང་རིང་གདོད་མའི་རྣམ་པའི་མཛེས་མ་འདེམ་པའི་འགྲན་བསྡུར་ཆེན་པོ་སྤེལ།

lOJ智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网 康巴教学资源网

　　ཐེངས་འདིའི༼ཡུལ་སྲོལ་དུས་ཆེན༽གཏོང་བའི་དུས་ནི་ཟླ་བཅུ་པའི་ཚེས་ཉེར་དྲུག་ཉིན་ནས་ཚེས་ཉེར་བརྒྱད་ཉིན་བར་ཡིན་པ་དང་། ཟླ་བཅུ་པའི་ཚེས་ཉེར་དྲུག་ཉིན་དུས་ཆེན་གཏོང་འགོ་ཚུགས་པའི་མཛད་སྒོའི་སྟེང་རོང་བྲག་རྒྱལ་རོང་གི་ཡུལ་སྲོལ་རིག་གནས་མཚོན་བྱེད་དུ་གྱུར་པའི་མཛེས་མ་འདེམ་པའི་འགྲན་བསྡུར་དང་། དམངས་ཁྲོད་ཀྱི་གཞས་གཏམ་དང་རྩལ་རྩེད༼རྟ་ཐོག་གི་སྤྲོ་སྐྱིད༽ཅེས་པ། སྒོར་བྲོ་འཁྲབ་སྟོན༼སྒོར་བྲོ་ཆེ་ཆུང༽ཞེས་པ་སོགས་ཀྱི་འཁྲབ་ཚན་ཀྱིས་ཚོགས་ར་ཡོངས་སྤྲོ་སེམས་ཀྱིས་ཁེངས་པའི་རྒྱ་མཚོ་ལྟ་བུར་གྱུར། བྱེད་སྒོ་སྤེལ་བའི་རིང་ད་དུང་ལྷ་མོ་འཁྲབ་སྟོན་དང་། མདའ་གཞུའི་ཞབས་བྲོ། དམངས་ཁྲོད་ཀྱི་གཞས་གཏམ་དང་རྩལ་རྩེད་སོགས་འཁྲབ་ཚན་བཅོ་ལྔ་རིམ་པ་བཞིན་འཁྲབ་སྟོན་བྱས་ནས་ཐེངས་འདིའི་ཡུལ་སྲོལ་དུས་ཆེན་ཕུན་སུམ་ཚོགས་སུ་བཏང་། ཟླ་བཅུ་པའི་ཚེས་ཉེར་བདུན་ཉིན་དུས་ཆེན་གཏོང་ཡུལ་ཕྱུག་ཟུར་ཤང་དང་ཉ་ག་ཤང་དུ་བསྒྱུར་རྒྱུ་ཡིན་ཞིང་། རྒྱལ་རོང་སྒོར་བྲོ་དང་སེང་གེའི་ཞབས་བྲོ་སོགས་འཁྲབ་ཚན་ཞེ་གཉིས་ཀྱིས་རོང་བྲག་གི༼ཡུལ་སྲོལ་དུས་ཆེན༽ཚ་ཚ་འུར་འུར་དུ་འགྱུར་བར་བྱེད་ངེས་རེད། ཟླ་བཅུ་པའི་ཚེས་ཉེར་བརྒྱད་ཉིན་ཐེངས་འདིའི་ཡུལ་སྲོལ་དུས་ཆེན་མཇུག་སྒྲིལ་བའི་མཛད་སྒོ་སྤྲོ་སྣང་ཤང་དུ་འཚོག་རྒྱུ་ཡིན་ཞིང་། སྐབས་དེར་དར་མ་ཆགས་པའི་མཛད་སྒོ་སྤེལ་བ་ནས་འགོ་འཛུགས་པ་དང་། རྒྱལ་རོང་སྒོར་བྲོ་འཁྲབ་སྟོན་གྱིས་མཇུག་བསྒྲིལ་རྒྱུའི་མཛད་སྒོ་འཚོགས་ཏེ་རོང་བྲག་གི་སྟོན་དུས་ལ་མཛེས་སྡུག་ཆེས་ཆེར་ལྡན་པའི་ཡུལ་སྲོལ་གོམས་གཤིས་ཀྱིས་ཁེངས་པར་བྱེད་ངེས་ཡིན།lOJ智之阳网络 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网 康巴教学资源网