ཟླ11པའི་ཚེས5ཉིན་གྱི་ཕྱི་དྲོར། “དྭངས་གཙང་གི་དཀར་མཛེས། རིག་གནས་ཀྱི་སྡེ་དགེ”ཞེས་པའི་མ་དངུལ་གཏོང་འཇོག་སྐུལ་སྤེལ་འོས་སྦྱོར་ཚོགས་འདུ་ཚོགས་བཤམ་ལྟེ་གནས་གསར་བའི་འགྲེམས་ཁང2པ་ནས་བསྡུས་ཞིང་། ཤུགས་རྐྱེན་ཟབ་མོ་ལྡན་པའི་གེ་སར་རིག་གནས་ཀྱི་སྣང་ཚུལ་གྱིས་ལྟད་མོ་ལྟ་མཁན་མང་པོའི་ཡིད་དབང་འཕྲོག་ཡོད། རྒྱུས་ལོན་བྱུང་བ་ལྟར་ན། ཐེངས་འདིའི་འོས་སྦྱོར་ཚོགས་འདུའི་སྟེང་སྡེ་དགེ་རྫོང་གིས་མ་དངུལ་གཏོང་འཇོག་གི་རྣམ་གྲངས11བཀོད་སྒྲིག་བྱས་ཡོད་པ་དང་། མ་དངུལ་འཇོག་གྲངས་བསྡོམས་པས་སྒོར་དུང་ཕྱུར38.8ལ་སླེབས་པ་རེད། སྡེ་དགེ་རྫོང་ཨུའི་ཧྲུའུ་ཅི་སྐལ་བཟང་གཡང་དྲུང་གིས་བྱེད་སྒོའི་ཡུལ་དངོས་སུ་གཏམ་བཤད་གནང་བ་ལ། ཁོས་བཤད་རྒྱུར། སྡེ་དགེ་རྫོང་ནི་མདོ་དབུས་མཐོ་སྒང་གི་ཤར་ལྷོ་ཕྱོགས་སུ་གནས་པ་དང་། ནུབ་ཕྱོགས་ནས་བོད་ལྗོངས་སུ་བསྐྱོད་པ་དང་། བྱང་ཕྱོགས་ནས་མཚོ་སྔོན་དུ་བསྐྱོད་པའི་འགྲིམ་འགྲུལ་གྱི་ལྟེ་བ་གལ་ཆེན་ཞིག་ཡིན་ལ། དེ་ནི“ཁམས་པའི་རིག་གནས་ཀྱི་ལྟེ་གནས་དང་། གླིང་གེ་སར་རྒྱལ་པོའི་འཁྲུངས་ཡུལ། ལྷོ་ལུགས་གསོ་རིག་གི་འབྱུང་གནས།”བཅས་ཡིན་པས། ལོ་རྒྱུས་ཡུན་རིང་ལྡན་པ་དང་། རིག་གནས་ཀྱི་གཏིང་ཟབ་པ། ཐོན་ཁུངས་ཕུན་སུམ་ཚོགས་པ་ཡིན། རྒྱལ་ལམ་ཐིག317དང་། ཞིང་ཆེན་རིམ་པའི་གཞུང་ལམ་ཐིག217མངའ་ཁོངས་ཡོངས་སུ་བརྒྱུད་པ་དང་བསྟུན། ཁང་བྱེའུ་རི་བོའི་ཕུག་ལམ་ད་ལོའི་ལོ་མཇུག་ཏུ་རྒྱུད་མཐུད་བྱ་རྒྱུ་རེད་ལ། གེ་སར་གནམ་གྲུ་འབབ་ཐང་སང་ལོའི་ཟླ10པར་གནམ་གྲུ་ཤར་གཏོང་བྱ་རྒྱུ་རེད། བོད་རིགས་ས་ཁུལ་གྱི་ལྟེ་བའི་ས་རྒྱུད་དུ་གནས་པའི་སྡེ་དགེ་ཡིས་རང་ཉིད་ཁྱད་ཐོན་གྱི་ས་བབ་ལེགས་ཆ་དང་། ཐོན་ཁུངས་ལེགས་ཆ། ཁོར་ཡུག་ལེགས་ཆ་ལ་བསྟུན་ནས་ཡངས་ཤིང་རྒྱ་ཆེ་བའི་འཕེལ་རྒྱས་ཀྱི་འབྱུང་འགྱུར་གནས་ཚུལ་འགྲེམ་སྟོན་བྱེད་བཞིན་ཡོད་ཅིང་། དེར་མི་མངོན་པའི་ཚོང་ལས་གོ་སྐབས་ཚད་མེད་ཞིག་ཡོད། རྒྱུས་ལོན་བྱུང་བ་ལྟར་ན། ད་ཐེངས་ཀྱི་འོས་སྦྱོར་ཚོགས་འདུའི་སྟེང་་སྡེ་དགེ་རྫོང་གིས་མ་དངུལ་གཏོང་འཇོག་གི་རྣམ་གྲངས11བཀོད་སྒྲིག་བྱས་ཡོད་པ་དང་། མ་དངུལ་འཇོག་གྲངས་བསྡོམས་པས་སྒོར་དུང་ཕྱུར38.8ལ་སླེབས་པ་རེད། དེའི་ཁྲོད་བསྡོམས་པས་མ་དངུལ་སྒོར་དུང་ཕྱུར10བཏང་པའི་སྡེ་དགེ་རྫོང་གེ་སར་གནམ་གྲུ་འབབ་ཐང་སྟེ་རྒྱལ་སྤྱིའི་མཐོ་སྒང་ཞབས་ཞུ་ཁུལ་གྱི་རྣམ་གྲངས་དང་། མ་དངུལ་སྒོར་དུང་ཕྱུར3.5བཏང་བའི་སྡེ་དགེ་རྫོང་སྨན་ཤོར་མི་རིགས་དམངས་ཁྲོད་ལག་ཤེས་བཟོ་རྩལ་རིག་གནས་གནས་སྐོར་རྣམ་གྲངས། མ་དངུལ་སྒོར་དུང་ཕྱུར4བཏང་བའི་སྡེ་དགེ་རྫོང་གེ་སར་རིག་གནས་གནས་སྐོར་གླིང་ཁུལ་གྱི་རྣམ་གྲངས། མ་དངུལ་སྒོར་དུང་ཕྱུར5བཏང་བའི་སྡེ་དགེ་རྫོང་ཀྲུང་ལུགས་དང་བོད་ལུགས་སྨན་རྩྭ་ཐོན་སྐྱེད་དང་ལས་སྣོན་རྟེན་གཞི་རྣམ་གྲངས་བཅས་ནི་ཐེངས་འདིའི་འོས་སྦྱོར་ཚོགས་འདུའི་འོས་སྦྱོར་གཙོ་གནད་ཡིན་པ་དང་། མ་དངུལ་གཏོང་འཇོག་གི་སྒོར་གྲངས་སྒོར་དུང་ཕྱུར22.5སླེབས་ཡོད། འོས་སྦྱོར་ཡུལ་དངོས་སུ་ཀའོ་སྦྱིན་ཁུལ་དང་སྡེ་དགེ་རྫོང་གིས་འཐབ་ཇུས་མཉམ་ལས་གྲོས་མཐུན་བཞག ཀའི་སྦྱིན་ཁུལ་གྱི་ཁེ་ལས2དང་སྡེ་དགེ་རྫོང་གིས་མ་འཇོག་འདོད་བློ་གྲོས་མཐུན་བཞག འབྲེལ་ཡོད་མི་སྣའི་མཚམས་སྦྱོར་བྱས་པ་ལྟར་ན། མིག་སྔར་ད་དུང་རྣམ་གྲངས10ལྷག་ཧུར་ཐག་སྒོས་གྲོས་མོལ་བྱེད་བཞིན་པའི་སྒང་ཡིན་ཟེར། །
དཀར་མཛེས་ཁུལ་སྡེ་དགེའི་འོས་སྦྱོར་ཚོགས་འདུའི་སྟེང་མ་དངུལ་འཇོག་གྲངས་བསྡོམས་པས་སྒོར་དུང་ཕྱུར38.8ལ་སླེབས་པ།
ཡོང་ཁུངས། : ཀྲུང་གོ་བོད་ཀྱི་དྲ་བ། སྤེལ་དུས། : 2016-11-08 20:22:37
རྩོམ་སྒྲིག་པ། : lalong1985
