སྤྱི་ཟླ8པའི་ཚེས1ཉིན། སྐབས་གཉིས་པའི་སེར་ཤུལ་ཉི་མ་ཚོ་བའི་སྦྲ་གུར་དུས་ཆེན་དེ་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སེར་ཤུལ་རྫོང་རྟ་རྒྱུག་ར་བ་རུ་གཟབ་རྒྱས་ངང་སྤེལ་ཞིང་། ཕྱོགས་བཞི་མཚམས་བརྒྱད་དང་རྒྱལ་ཁབ་ཕྱི་ནང་ནས་ཡོང་བའི་གཟིགས་མོ་བ10000ལ་ཉེ་བ་གནས་འདིར་འཛོམས་ཏེ་རྩྭ་ཐང་འདིའི་དགྱེས་ཚོགས་ལ་རོལ་བ་ཡིན། སེར་ཤུལ་རྫོང་ཨུའི་ཧྲུའུ་ཅི་ཡོན་མིང་ཀོང་གིས་ཤིས་ཚིག་ཕུལ་རྗེས། ཞབས་བྲོ། སྐོར་བྲོ། བོད་ཀྱི་ཟློས་གར། རི་གླུ་སོགས་རིག་རྩལ་གྱི་འཁྲབ་སྟོན་སྣ་ཚོགས་དང་རྟ་རྒྱུག་སོགས་ལུས་རྩལ་རྣམ་གྲངས་བསྟུད་མར་དུས་ཡུན་ཉིན་གསུམ་ལ་སྤེལ། སེར་ཤུལ་རྫོང་ཨུའི་ཧྲུའུ་ཅི་ཡོན་མིང་ཀོང་གིས་གསུངས་དོན། སྦྲ་གུར་དུས་ཆེན་སྤེལ་བ་ནི་བཀྲ་ཤིས་ཁ་རྩྭ་ཐང་གི་ཕུན་སུམ་ཚོགས་ཤིང་ཕུལ་དུ་བྱུང་བའི་རིག་གནས་སྒྱུ་རྩལ་རྒྱུན་འཛིན་དང་དར་སྤེལ་གཏོང་བའི་ཆེད་ཡིན་ལ། ཕྱོགས་གཞན་ཞིག་ནས་ངལ་རྩོལ་གྱི་ལས་ལ་བྲེལ་བའི་མང་ཚོགས་དང་གཟབ་ནན་ངང་བྱས་རྗེས་ཕུལ་བའི་མི་རྣམས་ལ་ལྷོད་ཡངས་དང་བག་ཕེབས་ངང་འཕེལ་རྒྱས་ཀྱི་གྲུབ་འབྲས་མྱོང་བའི་གོ་སྐབས་བསྩལ་ཏེ། མི་རྣམས་ལྷན་འཛོམས་དང་མཛེས་སྡུག་འཚོ་བ་རོལ་ཏེ་ལྷན་གྱིས་མཐུན་སྒྲིལ་འཕེལ་རྒྱས་ལ་རྟེན་འབྲེལ་ཞུ་བའི་ཆེད་ཡིན། དེ་མིན་སེར་ཤུལ་རྫོང་ཨུ་དང་རྫོང་སྲིད་གཞུང་གིས་སྦྲ་གུར་ཚོང་གཉེར་ས་ཁུལ་བཙུགས་ཏེ་བཀྲ་ཤིས་ཁ་རྩྭ་ཐང་གི་ཕུལ་བྱུང་ལག་བཟོའི་སྒྱུ་རྩལ་ཐོན་རྫས་དང་ཆེས་བདེ་ཐང་གི་བོད་རིགས་ཟས་རིགས་སྦྲ་གུར་དུ་བཀྲམ།
སྐབས་གཉིས་པའི་སེར་ཤུལ་ཉི་མའི་ཚོ་བའི་སྦྲ་གུར་དུས་ཆེན་སྤེལ་བ།
ཞབས་བྲོ་འཁྲབ་པ།
རྟ་རྒྱུག་འགྲན་བསྡུར།
བོད་རིགས་ཀྱི་ཐོན་རྫས་འགྲེམ་སྟོན།
སྐབས་གཉིས་པའི་སེར་ཤུལ་ཉི་མའི་ཚོ་བའི་སྦྲ་གུར་དུས་ཆེན་སྤེལ་བ།
ཡོང་ཁུངས། : མཚོ་སྔོན་པོ་དྲ་བ། སྤེལ་དུས། : 2017-08-04 15:31:25
རྩོམ་སྒྲིག་པ། : lalong1985
