སེར་ཤུལ་རྫོང་གི་གཞོན་ནུ་ཕོ་བྲང་འཛུགས་སྐྲུན་གྱི་ལས་དོན་ཚོགས་འདུ།

ཉེ་ཆར། སེར་ཤུལ་རྫོང་བསམ་པའི་དཔལ་ཡོན་གཞུང་ལས་ཁང་གིས་ཞིང་གྲོང་གཞོན་ནུ་ཕོ་བྲང་འཛུགས་སྐྲུན་གྱི་ལས་དོན་ཇེ་ལེགས་དང་བྱ་འགུལ་བཟང་བོ་སྤེལ་བའི་ཆེད།"སེར་ཤུལ་རྫོང༢༠༡༨ལོའི་ཞིང་གྲོང་གཞོན་ནུ་ཕོ་བྲང་འཛུགས་སྐྲུན་གྱི་ལས་དོན་སྐུལ་འདེད་ཚོགས་འདུ"རྫོང་གྲོང་ཁུལ་སློབ་ཆུང་དུ་འཚོགས། ཞིང་གྲོང་གཞོན་ནུ་ཕོ་བྲང་འཛུགས་རྒྱུ་ནི་རྒྱལ་ཁབ་ཡོངས་ཀྱི་ན་ཆུང་གཞོན་ནུའི་བསམ་བློ་དང་ཀུན་སྤྱོད་ཡ་རབས་ཚད་ལྡན་དུ་གྱུར་བའི་བྱ་འགུལ་ཨར་ལས་ཞིག་ཡིན་ལ། རྒྱལ་ཁབ་ཀྱི་དབུལ་སྐྱོར་གནད་འཁེལ་གྱི་ཁོངས་སུ་གཏོགས་པའི་ལས་ཀ་ཞིག་ཀྱང་ཡིན། ཞིང་གྲོང་གཞོན་ནུ་ཕོ་བྲང་འཛུགས་རྒྱུ་ནི་རྒྱ་ཆེ་བའི་ཞིང་གྲོང་ན་ཆུང་གཞོན་ནུའི་སློབ་ཕྱིའི་བྱེད་སྒོ་ཕུན་སུམ་ཚོགས་པོར་གཏོང་ཡོད་ལ། སློབ་གྲྭའི་སློབ་གསོ་དང་ཁྱིམ་ཚང་གི་སློབ་གསོ། སྤྱི་ཚོགས་ཀྱི་སློབ་གསོ་བཅས་ལ་སྐུལ་འདེད་གཏོང་བའི་ནུས་པའང་ཐོན་ཡོད།

ཚོགས་འདུ་རུ་བཙུགས་ཟིན་པའི་ཞིང་གྲོང་གཞོན་ནུ་ཕོ་བྲང་སློབ་གྲྭ་བཞི་དང་འཛུགས་བཞིན་པའི་ཞིང་གྲོང་གཞོན་ནུ་ཕོ་བྲང་སློབ་གྲྭ་བཞི་བཅས་ཁྱོན་སློབ་གྲྭ་བརྒྱད་ཀྱི་སློབ་གཙོ་དང་དགེ་རྒན་ཚོགས་འདུར་ཞུགས། རྫོང་དྲིལ་བསྒྲགས་པུའུ་ཡི་དབུ་ཁྲིད་ཐུབ་བསྟན་གྱིས་ཞིང་གྲོང་གཞོན་ནུ་ཕོ་བྲང་གི་བྱ་འགུལ་དང་སློབ་ཁྲིད་གལ་ཆེ་བའི་སྐོར་གང་མང་བཤད་པས་མ་ཚད། ཁོས་ན་ཆུང་གཞོན་ནུ་ནི་རྒྱལ་ཁབ་ཀྱི་རྗེས་འཛིན་པ་དང་མི་རིགས་ཀྱི་མ་འོངས་པ་ཡིན་པས། སློབ་གྲྭའི་འགན་ཁུར་པ་དང་དགེ་རྒན་ཚོས་འོ་བརྒྱལ་ལ་མ་འཛེམ་ནས་བྱིས་པ་ཚོའི་བསམ་པའི་དཔལ་ཡོན་དང་ཀུན་སྤྱོད་ལ་མཛུབ་ཁྲིད་བྱ་རྒྱུའི་འོས་འགན་ཕྲག་ཏུ་བླངས་ནས་ལག་བསྟར་བྱེད་དགོས་པའི་རེ་བ་སྟོན། ཚོགས་འདུ་གྲོལ་རྗེས་རྫོང་གྲོང་ཁུལ་སློབ་ཆུང་གི་གཞོན་ནུ་ཕོ་བྲང་དུ་ལྟ་སྐོར་བྱས་པ་རེད།