ཕུགས་བསམ་དད་སེམས་བརྟན་པོར་བསྲུངས། སློབ་གཉེར་ཆུ་ཚད་གོང་མཐོར་བཏང་།

—— བོད་ལྗོངས་ཀྱི་མཐོ་སློབ་ཁག་གཅིག་གི་འགན་ཁུར་བས་བརྗོད་དོན་གཙོ་བོའི་སློབ་གསོ་ཁག་གཉིས་པའི་སྐོར་གླེང་བ།

བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་ཚུན། བོད་ལྗོངས་ཀྱི་མཐོ་སློབ་ཁག་གིས་ཚད་མཐོའི་ཆབ་སྲིད་ཀྱི་རང་རྟོགས་ལ་བརྟེན་ནས་བརྗོད་དོན་གཙོ་བོའི་སྤྱིའི་བླང་བྱ་དང་དམིགས་ཚད་ལས་འགན་གཞིར་བཟུང་། ལས་དོན་ཁག་ལ་སྤྱི་འདོམས་བཀོད་སྒྲིག་བྱས་ཏེ། བརྗོད་དོན་གཙོ་བོའི་སློབ་གསོར་ཕན་འབྲས་དངོས་ཐོན་པའི་བརྩོན་ལེན་བྱས་ཡོད།

བོད་ལྗོངས་བོད་ལུགས་གསོ་རིག་སློབ་ཆེན་ཏང་ཨུད་ཀྱི་ཧྲུའུ་ཅི་ཀྲོའུ་དབྱང་ཀོང་གིས་གསར་འགོད་པར“རིགས་པའི་གཞུང་ལུགས་སློབ་སྦྱོང་བྱེད་ཤུགས་ཆེ་རུ་བཏང་སྟེ། དུས་རབས་གསར་པའི་བསམ་བློ་གསར་པ་ཁོང་དུ་ཆུད་པ་དང་། བརྟག་ཞིབ་ལས་དོན་སྤེལ་ཤུགས་ཆེ་རུ་བཏང་སྟེ། འཕེལ་རྒྱས་ལ་ཚོད་འཛིན་བཟོ་བའི་གནད་དོན་རྩད་ཆོད་མཐའ་གསལ་བྱེད་པ། གནད་དོན་ལ་ལྟ་ཞིབ་བྱེད་ཤུགས་ཆེ་རུ་བཏང་སྟེ་ཏང་ཡོན་གྱི་བསམ་བློའི་གོ་རྟོགས་མཐོ་རུ་གཏོང་བ། དག་ཐེར་དོན་འཁྱོལ་བྱེད་ཤུགས་ཆེ་རུ་བཏང་སྟེ། སློབ་གྲྭའི་འཕེལ་རྒྱས་ཀྱི་ཆུ་ཚད་མཐོ་རུ་གཏོང་བ་སོགས‘ཆེད་དམིགས་ཀྱི་གནད་དོན་ཆེད་དམིགས་ཐག་གཅོད་བྱེད་པ’ནི་ད་ཐེངས་རང་སློབ་གྲྭས་བརྗོད་དོན་གཙོ་བོའི་སློབ་གསོ་སྤེལ་བའི་ལས་འགན་གལ་ཆེན་ཞིག་རེད”ཅེས་བརྗོད།

བརྗོད་དོན་གཙོ་བོའི་སློབ་གསོ་སྤེལ་ཚུན། བོད་ལྗོངས་བོད་ལུགས་གསོ་རིག་སློབ་ཆེན་གྱིས་སྔ་རྗེས་སུ་གཅིག་སྡུད་སློབ་སྦྱོང་ཐེངས་7དང་། ཆེད་དོན་བགྲོ་གླེང་ཐེངས་6 ཏང་གི་སློབ་གྲྭའི་རིགས་གཅིག་མཁས་ཅན་དང་དགེ་རྒན་ཆེ་མོ་བ་གདན་དྲངས་ཏེ་ཆེད་དོན་ཟུར་ཁྲིད་འཆད་ཁྲིད་ཐེངས་3 བརྗོད་དོན་གཙོ་བོའི་སློབ་གསོ་དང་བོད་གསར་རྙིང་བསྡུར་བའི་པར་རིས་འགྲེམས་སྟོན་ཐེངས་4བཅས་བྱས་པ་དང་། ནུབ་རྒྱུད་དང་བླངས་པ་5དང་སློབ་མ་20ལྷག་ཙམ་སྒྲིག་འཛུགས་བྱས་ཏེ་བོད་རང་སྐྱོང་ལྗོངས་མི་དམངས་སྨན་ཁང་དུ་དུས་ཡུན་ཟླ་ཕྱེད་རིང་གི་དང་བླངས་ཞབས་ཞུའི་བྱེད་སྒོ་སྤེལ་བར་བསྐྱོད་པ། སྔ་རྗེས་སུ་རིགས་གཅིག་མཁས་ཅན་5སྒྲིག་འཛུགས་བྱས་ཏེ་ངམ་རིང་རྫོང་གི་ཤང（གྲོང་རྡལ）12ཀྱི་འཕྲོད་བསྟེན་ཁང་དུ་ས་གནས་ས་ཐོག་གི་ལག་ལེན་སློབ་གསོ་སྤེལ་བ་དང་འབྲེལ་ངམ་རིང་རྫོང་གི་གཞི་རིམ་གྱི་འཐབ་ཕྱོགས་དང་པོའི་བོད་ལུགས་གསོ་རིག་གི་ཆེད་ལས་སྨན་དོན་མི་སྣ་34ལ་གཅིག་སྡུད་གསོ་སྦྱོང་བྱས་པ་རེད།

བོད་ལྗོངས་ཉེན་རྟོག་མཐོ་རིམ་ཆེད་སྦྱོང་སློབ་གྲྭའི་ཏང་ཨུད་ཀྱི་ཧྲུའུ་ཅི་སློབ་སྤྱི་གཞོན་པ་ཐང་ཙེ་ཧུའེ་ཡིས“བརྗོད་དོན་གཙོ་བོའི་སློབ་གསོ་སྤེལ་ཚུན། སློབ་གྲྭས་སློབ་སྦྱོང་གི་ཆེད་དོན་6དང་། བགྲོ་གླེང་ཆེད་དོན་6འཆར་འགོད་གཏན་འཁེལ་བྱས་པ་དང་། སློབ་གྲྭའི་ཏང་ཨུད་ཀྱིས་གཅིག་སྡུད་སློབ་སྦྱོང་ཐེངས་8དང་། ཆེད་དོན་བགྲོ་གླེང་ཐེངས་5 རྣམ་པ་གཞན་དག་གི་སློབ་སྦྱོང་ཐེངས་10ལྷག་ཙམ་བྱས་པ། སློབ་གྲྭའི་འགོ་ཁྲིད་དང་ཀྲི་པུའི་ཧྲུའུ་ཅིས་དགེ་སློབ་ཡོངས་ལ་ཏང་གི་སློབ་ཚན་ཐེངས་30ལྷག་ཙམ་ཁྲིད་པ། དཔུང་ཁག་འཛུགས་སྐྱོང་དང་སློབ་གྲྭའི་སློབ་གཉེར་རིམ་པ་མཐོ་རུ་བཏང་བ་སོགས་སློབ་གྲྭའི་འཕེལ་རྒྱས་ལ་ཚོད་འཛིན་བཟོ་བའི་འཇུར་མིག་གི་གནད་དོན་གལ་ཆེན་དང་སྒྲིག་སྲོལ་ལམ་སྲོལ་གྱི་གནད་དོན་ལ་རྟོག་ཞིབ་གཏིང་ཟབ་བྱས་ཏེ་གནད་དོན་107ཤེས་རྟོགས་བྱས་པ་དང་གནད་དོན་ཐག་གཅོད་བྱེད་པའི་བསམ་ཕྱོགས་ཐབས་ཇུས་143བཏོན་པ། སློབ་གྲྭས་གསེད་བཀྲོལ་བྱེད་པའི་ཕྱོགས་8ཐད་ཀྱི་གནད་དོན་36གི་འགག་རྩར་དམ་འཛིན་གྱིས་དག་ཐེར་བྱེད་ཐབས་37གཏན་འབེབས་ཞིབ་ཚགས་བྱས་པ་རེད། སློབ་གྲྭའི་ཏང་རྩ་འཛུགས་ཚད་ལྡན་ཅན་གྱི་འཛུགས་སྐྱོང་དང་དགེ་རྒན་གྱི་ཀུན་སྤྱོད་དང་སྤྱོད་ཚུལ་འཛུགས་སྐྱོང་སོགས་ཀྱི་སྒྲིག་སྲོལ་ལམ་ལུགས་ཁག་7བཟོས་ནས་འཐུས་སྒོ་ཚང་དུ་བཏང་སྟེ་སློབ་གྲྭའི་ལམ་ལུགས་ཅན་དང་ཚད་ལྡན་ཅན་གྱི་དོ་དམ་ལ་སྐུལ་འདེད་བཏང་ཡོད”ཅེས་བརྗོད།

བོད་ལྗོངས་ཞིང་འབྲོག་སློབ་གླིང་ཏང་ཨུད་ཀྱི་ཧྲུའུ་ཅི་ཡོན་ཀྲང་གཞོན་པ་ཡོན་ཏན་རྒྱ་མཚོས། བོད་ལྗོངས་ཞིང་འབྲོག་སློབ་གླིང་གིས་རྣམ་པ་གསར་གཏོད་དང་། བྱེད་ཐབས་སྟབས་བསྟུན། གཞི་རྟེན་དངོས་སྒྲུབ་བཅས་ལ་ཤུགས་སྣོན་བརྒྱབ་སྟེ་བཀྲག་མདངས་འཚེར་ས་མངོན་པར་བྱས་ནས་བརྗོད་དོན་གཙོ་བོའི་སློབ་གསོའི་ལས་དོན་གྱི་ཕན་འབྲས་དངོས་ཆེ་རུ་བཏང་ཡོད་ཅེས་བརྗོད།

བརྗོད་དོན་གཙོ་བོའི་སློབ་གསོ་སྤེལ་རིང་། བོད་ལྗོངས་ཞིང་འབྲོག་སློབ་གླིང་གིས་དམག་སྡེ་བཅོ་བརྒྱད་པའི་རྗེས་རབས་པ་གདན་དྲངས་ཏེ་ལོ་རྒྱུས་གཏམ་རྒྱུད་ཐེངས་2འཆད་ཁྲིད་བྱས་པ་དང་ཆབས་ཅིག ཏང་རྩ་འཛུགས་ཁག་གཅིག་གིས་བརྗོད་དོན་གཙོ་བོའི་ཏང་གི་ཉིན་མོ་གོ་སྐབས་སུ་བྱས་ཏེ། སློབ་གྲྭ་མཛེས་བཟོ་དང་། རྒན་གསོ་ཁང་དང་བྱིས་པའི་ཕན་བདེ་ཁང་དུ་བསྐྱོད་དེ། མི་ཧྲེང་རྒན་རྒོན་དང་དྭ་ཕྲུག་ལ་འཚམས་འདྲི་བྱེད་པ་སོགས་བརྗོད་དོན་གཙོ་བོའི་ལག་ལེན་བྱེད་སྒོ་ཐེངས་20ཙམ་སྤེལ་བའི་ནང་མི་ཐེངས་520ལྷག་ཙམ་ཞུགས་ཡོད། དྲ་ཐོག་དང་དྲ་ཕྱིར་མཉམ་དུ་སློབ་སྦྱོང་མཐའ་འཁྱོངས་བྱས་ཏེ་ཏང་ཡོན་སློབ་གསོའི་སྤྱི་རྟགས་མངགས་ཚད་98%ཡན་ཟིན་ནས་གཅིག་སྡུད་གསོ་སྦྱོང་དང་རྒྱུན་གཏན་སློབ་གསོ་རང་སྦྱོང་དང་ཕན་ཚུན་ཟུང་འབྲེལ་བྱེད་པའི་ཏང་ཡོན་སློབ་གསོའི་རྣམ་པ་གསར་པ་ཞིག་ཆགས་པ་དང་འབྲེལ། “ཏང་འཛུགས་སྐྱོང་＋”གི་རྣམ་པ་ཧུར་ཐག་བཏོད་པ་དང“འབྲེལ་གཏུག”དང“གཤམ་སྐྱོད”“འབྲེལ་གསུམ་སྐྱོད་གསུམ་གྲོགས་འདྲིས་གཅིག”བཅས་ཀྱི་བྱེད་སྒོའི་གྲུབ་འབྲས་སྲ་བརྟན་དང་རྒྱ་ཆེར་བཏང་ནས་ཏང་ཡོན་གྱི་ཞབས་འདེགས་ལས་སྟེགས་རྒྱ་ཆེར་བཏང་ཡོད།

བོད་ལྗོངས་མི་རིགས་སློབ་ཆེན་ཏང་ཨུད་ཀྱི་ཧྲུའུ་ཅི་དངོས་གྲུབ་ཀྱིས“་ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ང་ཚོའི་སློབ་གྲྭ་བཙུགས་ནས་ལོ་ངོ་60འཁོར་བར་སྤྲིངས་གནང་བའི་རྟེན་འབྲེལ་འཕྲིན་ཡིག་གི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ། སྔ་བར་ཕྱི་གསུམ་དུ་ཆབ་སྲིད་འཛུགས་སྐྱོང་ཨང་དང་པོར་འཇོག་པ་དང་། སྔ་བར་ཕྱི་གསུམ་དུ་ཏང་གིས་སློབ་གསོའི་བྱ་གཞག་ལ་ཕྱོགས་ཡོངས་ནས་འགོ་ཁྲིད་མཐའ་འཁྱོངས་བྱས་ནས་སྤྱི་ཚོགས་རིང་ལུགས་ཀྱི་སློབ་གཉེར་ཁ་ཕྱོགས་མཐའ་འཁྱོངས་བྱེད་ཀྱི་ཡིན། འདུ་ཤེས་འདི་བརྟན་པོར་འཛུགས་པ་ནི་ང་ཚོས་ལས་དོན་མཐའ་དག་ཡག་པོ་སྤེལ་བ་དང་དོན་འཁྱོལ་ཡག་པོ་བྱེད་པའི་རྨང་གཞི་ཞིག་རེད”ཅེས་བརྗོད།

བོད་ལྗོངས་མི་རིགས་སློབ་ཆེན་ཏང་ཨུད་ཀྱིས། བསམ་བློ་ཆབ་སྲིད་ལས་དོན་གྱི“བསམ་འདུན་འཆར་གཞི”ལག་བསྟར་དམ་འཛིན་བྱ་གཞིར་བྱས་ཏེ། བསམ་བློ་ཆབ་སྲིད་ལས་དོན་དང་ཤེས་ལྡན་མི་སྣ་གསོ་སྐྱོང་གི་དམིགས་ཚད་སློབ་གསོ་སློབ་ཁྲིད་ཀྱི་དོ་དམ་དང་། རིག་གནས་ཤེས་བྱའི་སློབ་གསོ། སློབ་གྲྭའི་རིག་གནས་འཛུགས་སྐྱོང་སོགས་ལྷུ་ཚིགས་ཁག་ཏུ་མཉམ་འདྲེས་ཐུབ་པར་བྱས་ཡོད། “ང་ཚོས་ད་དུང་བསམ་བློ་ཆབ་སྲིད་ཀྱི་སློབ་གསོའི་ཐོན་ཁུངས་བསྡུ་སྒྲིལ་བྱས་ཏེ་བསམ་བློ་ཆབ་སྲིད་ཀྱི་སློབ་གསོའི་ཐབས་ལམ་ཤར་གཏོང་དང་། ‘བསམ་བློ་ཆབ་སྲིད་ཀྱི་སློབ་ཚན’དང‘སློབ་ཚན་གྱི་བསམ་བློ་ཆབ་སྲིད’མཉམ་འདྲེས་ནུས་ལྡན་བྱས་ནས་སློབ་ཚན་ཡོངས‘ཆུ་ཡུར་ཡག་པོ་བསྲུངས་ནས། འགན་འཁྲིའི་ཞིང་ས་ཡག་པོ་འདེབས་པར’སྐུལ་འདེད་བཏང་ཡོད། དངོས་གྲུབ་ཀྱིས་དེ་ལྟར་བྱས་ཚེ་གཞི་ནས་བརྗོད་དོན་གཙོ་བོའི་སློབ་གསོ་དང་མཐོ་སློབ་ཀྱི་ཀུན་སྤྱོད་ལ་བརྟེན་ནས་མི་སྣ་སྐྱོང་བའི་གཞི་རྩའི་ལས་འགན་དངོས་སུ་ཟུང་འབྲེལ་བྱེད་ཐུབ་ལ། གཞི་ནས་ཐོས་བསམ་མྱོང་རྟོགས་ཁྲོད་མཐོ་སློབ་ཀྱི་ལས་སྒྲུབ་ལས་གཏོད་ཀྱི་ཐོག་མའི་བསམ་འདུན་དང་འགན་འཁྲི་བརྟན་སྲུང་བྱེད་ཐུབ་ཅེས་བརྗོད།

བརྗོད་དོན་གཙོ་བོའི་སློབ་གསོ་སྤེལ་ཚུན། སློབ་གྲྭའི་ཏང་ཨུད་ཀྱི་ཚན་ཁག་གི་ཁོངས་མི་ཏང་ཀྲི་པུའུ་ཁག་དང་སློབ་དཔྱོད་ཁང་སོགས་སུ་བསྐྱོད་དེ་བརྟག་ཞིབ་སྒྲིག་འཛུགས་བྱས་པ་དེ་སློབ་གྲྭ་ཡོངས་ཀྱི་འཛིན་གྲྭ་297དང་དགེ་སློབ་ཚོར་ཁྱབ་ཡོད། ཕྱོགས་10ལྷག་ཙམ་ཐད་གཙོ་གནད་དུ་དག་ཐེར་བཅོས་སྐྱོང་བྱེད་དགོས་པའི་གནད་དོན་གཏན་འཁེལ་བྱས་པ་དང་། དགེ་སློབ་ཚོའི་ས་ནས་ཕྱོགས་ཁག་གི་བསམ་འཆར་དང་གྲོས་འགོ་80ལྷག་ཙམ་རྒྱ་ཁྱབ་ངང་བསྡུ་ལེན་བྱས་ཡོད། །

རྩོམ་སྒྲིག་པ། ཀླུ་མོ་མཚོ།