ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་ཀྱིས་རྒན་རྒོན་གྱི་ཐང་ཆེན་ཞབས་བྲོ་དང་མཉེན་སྟོབས་སྤོ་ལོའི་སྤེལ་རེས་སྤྱན་འབུལ་ཞུ་བའི་སྤྱི་ལོ2019ལོའི་བྱེད་སྒོ་དེ་སྤྱི་ཚེས26ཉིན་ལྷ་སར་སྤེལ་བ་རེད། ད་རེས་ཀྱི་སྤེལ་རེས་སྤྱན་འབུལ་ཞུ་བའི་བྱེད་སྒོའི་ནང་། སྤྱན་འབུལ་དང་འགྲན་བསྡུར་གྱི་རྣམ་གྲངས་ཁག་གཉིས་ལ་དབྱེ་ཡོད་པ་དང་ལུས་རྩལ་ལ་དགའ་པོ་བྱེད་མཁན་རྒན་རྒོན400ལྷག་བྱེད་སྒོའི་ནང་ཞུགས་ཡོད་ཅིང་། རྒྱལ་ཁབ་གློག་དྲ་བོད་ལྗོངས་གློག་ཤུགས་ཚད་ཡོད་ཀུང་སི་དང་ལྷོ་ཁ་གྲོང་ཁྱེར་སློབ་གསོ་ཅུད། ཀླུ་ཁང་བདེ་གྲོགས་རྒན་རྒོན་ལུས་སྦྱོང་རུ་ཁག་གཉིས་པ་བཅས་ཀྱི་འཐུས་མི་ཚོགས་པར་ཐང་ཆེན་ཞབས་བྲོའི་འགྲན་བསྡུར་གྱི་བྱ་དགའ་རིམ་པ་དང་པོ་ཐོབ་པ་དང་། མཉེན་རྩལ་སྤོ་ལོའི་འགྲན་བསྡུར་ནང་ཀླུ་ཁང་བདེ་གྲོགས་རྒན་རྒོན་ལུས་སྦྱོང་རུ་ཁག་ལ་བྱ་དགའ་རིམ་པ་དང་པོ་ཐོབ་ཡོད། ཉེ་བའི་ལོའི་རིང་། རང་སྐྱོང་ལྗོངས་ཏང་ཨུད་དང་སྲིད་གཞུང་ནས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་མཛད་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱས་ཏེ། དམངས་ཡོངས་ཀྱི་ལུས་སྦྱོང་བྱེད་སྒོ་གཏིང་ཟབ་སྤེལ་རྒྱུ་དེ་ལུས་རྩལ་སྟོབས་ཆེའི་ཁུལ་གཏོད་པའི་ནང་དོན་གལ་ཆེན་ཞིག་ལ་རྩིས་ནས། དམངས་ཡོངས་ལུས་སྦྱོང་བྱེད་རྒྱུའི་ཐད་ཉེ་འགྲམ་དྲུག་གི་ལས་གཞི་ལག་བསྟར་ཤུགས་ཆེ་བྱས་པ་དང་། དམངས་ཡོངས་ཀྱི་ལུས་སྦྱོང་དེ་དམངས་ཡོངས་བདེ་ཐང་དང་མཉམ་འདྲེས་གཏིང་ཟབ་ཐུབ་རྒྱུར་སྐུལ་འདེད་བཏང་བས། ལྗོངས་ཡོངས་སུ་མི་ཚང་མས་དམངས་ཡོངས་ཀྱི་ལུས་སྦྱོང་བྱེད་སྒོའི་ནང་ཞུགས་པའི་སྤྱི་ཚོགས་ཀྱི་རྣམ་པ་བཟང་པོ་ཞིག་ཆགས་ཡོད། རྩོམ་སྒྲིག་པ། ཀླུ་མོ་མཚོ།
བོད་ལྗོངས་ཀྱིས་རྒན་རྒོན་གྱི་ཐང་ཆེན་ཞབས་བྲོ་དང་མཉེན་རྩལ་སྤོ་ལོའི་སྤེལ་རེས་སྤྱན་འབུལ་བྱེད་སྒོ་ལྷ་སར་སྤེལ།
ཡོང་ཁུངས། : ཀྲུང་གོའི་བོད་ལྗོངས་དྲ་བ། སྤེལ་དུས། : 2019-10-31 10:07:59
རྩོམ་སྒྲིག་པ། : lalong1985
