སྤྱི་ཟླ10པའི་ཚེས25ཉིན་གྱི་ཕྱི་དྲོར། ཁྲི་ཀ་རྫོང་མི་རིགས་བཅའ་སྡོད་སློབ་གྲྭའི་བོད་ཡིག་ཁྲིད་དཔྱོད་ཁག་གིས་སློབ་མ་ཚོའི་བློར་འཛིན་གྱི་ནུས་པ་སྐྱེད་སྲིང་དང་། སྤོབས་པ་མཐོར་འདེགས། བསླབ་ཕྱིའི་ཤེས་བྱ་ཕུན་སུམ་ཇེ་ཚོགས་སུ་གཏོང་བ། མི་སྒེར་གྱི་རྨང་གཞིའི་ཆུ་ཚད་འཕེལ་རྒྱས་དང་རིགས་ལམ་མྱུར་བའི་དགོས་མཁོར་དམིགས་ཏེ་སློབ་སྐབས་རེ་རེར་སྒྲུབ་ཀྱིན་པའི་བློར་རྒྱུགས་འགྲན་སྡུར་སྐབས་དྲུག་པ་དེ་སློབ་གྲྭའི་ཁོར་ཡུག་གི་ས་གནས་གསུམ་དུ་ལོ་རིམ་རེ་རེ་ཚོ་ཁག་གཅིག་ཏུ་བགར་ཏེ་སྤེལ་བ་རེད། ཉིན་ཉི་ཤུ་ལྷག་གི་དུས་ཡུན་རིང་དུ་འཛིན་གྲྭ་སོ་སོའི་སློབ་གྲོགས་ཚང་མས་ནངས་སྔ་དགོང་འཕྱི་སྒོས་རྩོལ་བ་བརྒྱ་འགྱུར་བསྐྱེད་དེ་དུས་ཚོད་དམ་འཛིན་བྱས་ནས་བློར་འཛིན་གྱི་ཕྱོགས་ལ་བརྩོན་པ་ལྷུར་ལེན་གྱི་སེམས་ཤུགས་དང་ལག་ལེན་ཐད་དུ་རྒྱུན་འཁྱོངས་ལྷོད་མེད་སྒོས་གྲ་སྒྲིག་གང་ལེགས་མཛད་དེ་འབྲས་བུ་གཡུར་དུ་ཟ་བ་ཞིག་ལེན་རྒྱུའི་ཆོད་སེམས་དང་ཡིད་ཆེས་ཀྱིས་ཁེངས་ཏེ་རེབ་འདིའི་འགྲན་བསྡུར་ལ་ཞུགས། དམའ་འབྲིང་དང་པོའི་བློར་འཛིན་གྱི་ནང་དོན་ལ། སུམ་ཅུ་བའི་ཚིག་དོན་མདོར་བསྡུས་དང་། རྩྭ་ཐང་དྲན་གླུ། སློབ་གཉེར་བྱེད་ཚུལ་གྱི་བསླབ་བྱ་བཅས་ཡིན་ཞིང་། དམའ་འབྲིང་གཉིས་པའི་བློར་འཛིན་གྱི་ནང་དོན་ལ། ཆུ་ཤིང་བསྟན་བཅོས། དགེ་ལྡན་ལེགས་བཤད། ཐོན་མིའི་ང་རྒྱལ། ཐོན་མིའི་ཡིག་ཕུད་བཅས་ཡིན། དམའ་འབྲིང་གསུམ་པའི་བློར་འཛིན་གྱི་ནང་དོན་ལ། སུམ་ཅུ་བའི་ཚིག་དོན་མདོར་བསྡུས་དང་། ས་སྐྱ་ལེགས་བཤད། ཆུ་ཤིང་བསྟན་བཅོས། དགེ་ལྡན་ལེགས་བཤད་བཅས་ཡིན་པའི་ཁར་འཛིན་གྲྭ་རེ་རེ་ནས་སློབ་མ་གསུམ་རེ་ཐེངས་འདིའི་འགྲན་བསྡུར་ལ་ཞུགས། རེབ་འདིའི་བློར་འཛིན་འགྲན་བསྡུར་གྱིས་སློབ་མ་སྤྱིའི་སྤོབས་པའི་གཟེངས་ཇེ་མཐོ་དང་ཟབ་ཞུགས་ཀྱི་ཚད་མང་བ། དཔའ་ཁས་ལེན་གྱི་སློབ་བུ་འཚང་ཁ་ཤིག་ཤིག་ཏུ་འགྲན་བསྡུར་ལ་ཞུགས་པའི་ཁྱད་ཆོས་མོད་པོ་ལྡན་པ་མངོན་སུམ་གྱིས་ཤེས། མཇུག་མཐར་ཁྱད་འཕགས་ཅན་ལ་བྱ་དགའ་གནང་རྗེས་ཐེངས་འདིའི་འགྲན་སྡུར་རྒྱལ་ཁ་དང་གྲུབ་འབྲས། ཡིད་ཆེས་ཀྱི་ཀློང་ནས་སྐབས་དྲུག་པའི་ཁྲི་ཀ་རྫོང་མི་རིགས་བཅའ་སྡོད་སློབ་གྲྭའི་བློར་འཛིན་འགྲན་བསྡུར་བདེ་བླག་ངང་མཇུག་རྫོགས།
ཁྲི་ཀ་མི་རིགས་སློབ་འབྲིང་གིས་བློར་རྒྱུགས་འགྲན་སྡུར་སྐབས་དྲུག་པ་སྤེལ་བ།
འགྲན་སྡུར་གྱི་ཡུལ་དངོས།
འགྲན་སྡུར་གྱི་ཡུལ་དངོས།
སློབ་མ་ཚོའི་གཅིག་ལས་གཅིག་ལྷག་གི་ཚ་ཚ་འུར་འུར་དང་འཁྲུག་ཆ་དོད་པ། ཛ་དྲག་གི་འགྲན་བསྡུར་བརྒྱུད་འགྲན་རིམ་རེ་ཞིག་མཇུག་རྫོགས་པའི་མི་ཚད། འགྲན་བསྡུར་གྱི་བར་དང་མཇུག་ཏུ་སློབ་གྲོགས་རེ་འགའི་སྙན་འཇེབས་ཀྱི་གླུ་སྐད་ཀྱིས་རེབ་འདིའི་བྱ་འགུལ་ལ་ཡག་ཐོག་ཡག་བརྩེགས་དང་སྒ་ཐོག་ལ་ཕྲ་བརྒྱབ་པ་རེད། འོན་ཏེ་རེབ་འདིའི་འགྲན་སྡུར་ཁྲོད་ད་དུང་སློབ་མ་ལ་ཤས་ཀྱིས་དགེ་རྒན་གྱི་རེ་བ་སྟོང་ཟད་དུ་བཏང་སྟེ་བློར་འཛིན་ནང་དོན་གཙིགས་ཆེན་མ་བྱས་པར་ལྷོད་གཡེང་ཤོར་བའི་སྣང་ཚུལ་ཡང་རེ་འགའ་མཐོང་།
འགྲན་སྡུར་གྱི་ཡུལ་དངོས།
ཁྲི་ཀ་མི་རིགས་སློབ་འབྲིང་གིས་བློར་རྒྱུགས་འགྲན་སྡུར་སྐབས་དྲུག་པ་སྤེལ་བ།
ཡོང་ཁུངས། : མཚོ་སྔོན་པོ་དྲ་བ། སྤེལ་དུས། : 2016-10-27 15:29:29
རྩོམ་སྒྲིག་པ། : lalong1985
