ཟླ5བའི་ཚེས4ཉིན།གུང་གཞོན་ཚོགས་པས་གཙོ་སྒྲུབ་བྱས་པའི་སྡེ་རོང་སློབ་འབྲིང་གི་ལྔ་བཞི་ལས་འགུལ་སྤེལ་ནས་ལོ་འཁོར99ལོན་པའི་སྙན་ངག་འགྲན་སྡུར་སྤེལ་བ་དང་སློབ་གྲོགས་ཡོངས་ཀྱིས་ངོ་མཚར་བའི་རིག་གནས་ཀྱི་ལྟད་མོ་ཕུལ། ཐེངས་འདིའི་འགྲན་སྡུར་ནི“ལྔ་བཞིའི་སྙིང་སྟོབས་རྒྱུད་འཛིན། གཞོན་པའི་སྙན་ངག་གྱེར་འདོན། མི་རིགས་མཐུན་སྒྲིལ་ཡར་སྐུལ”བྱས་པ་བརྗོད་གཞི་བྱས་ཏེ། འགྲན་སྡུར་ལ་ཞུགས་པའི་རུ་ཁག་སོ་སོས་ལས་རིགས་ཀྱི་ཁྱད་ཆོས་ལྡན་པ་དང་འོས་འཚམ་གྱི་རྒྱུ་ཆ་འདེམས་པ། རོལ་མོ་སྦྱར་ནས་གྱེར་འདོན་བྱེད་པ། བརྗོད་གཞིར་འབྲེལ་ནས་བྲོ་འཁྲབ་པ། ཁྱད་ནུས་ཀྱི་བྱེད་སྟངས་སོགས་རྣམ་པ་དང་འབྲེལ་ནས་གྱེར་འདོན་བྱས་ཤིང་། ན་གཞོན་ཚོས་སྙན་ངག་གྱེར་འདོན་ལ་རྟེན་ནས་རླབས་ཆེན་གྱི་དུས་རབས་ལ་བསྟོད་བསྔགས་དང་དུས་རབས་གསར་བའི་ན་གཞོན་ཚོའི་སྐྱེས་སྟོབས་མངོན་པར་བྱས། རྒྱུས་ལོན་པ་ལྟར་ན། ཐེངས་འདིའི་སྙན་ངག་གྱེར་འདོན་འགྲན་སྡུར་ནི་སྡེ་རོང་རྫོང་སློབ་འབྲིང་གི་ལྔ་བཞིའི་ལས་འགུལ་སྤེལ་ནས་ལོ་འཁོར99ལོན་པའི་བྱ་འགུལ་ཁྲོད་ཀྱི་གཅིག་ཡིན་ཞིང་། ན་གཞོན་ཚོས་བསམ་བློའི་འཚོ་བ་དང་འབྲེལ་བའི་རྣམ་པས་དྲིལ་སྒྲོག་སློབ་གསོ་དང་ལག་ལེན་བྱ་འགུལ་སྤེལ་བའང་ཡིན། 
སྡེ་རོང་རྫོང་སློབ་འབྲིང་གིས“ལྔ་བཞིའི་ན་གཞོན་སྙན་ངག་གྱེར་འདོན”འགྲན་སྡུར་སྤེལ་བ།
ཡོང་ཁུངས། : ཁམས་པའི་སློབ་འབྲིང་དྲ་བ། སྤེལ་དུས། : 2018-05-04 13:16:51
རྩོམ་སྒྲིག་པ། : admin
