༄༅།།གསར་རྩོམ་དམངས་གཞས།

སྤྱི་ཟླ་གསུམ་པ་ཡོལ་སོང་།།
སློབ་གྲྭ་འཚུགས་པའི་སྒང་རེད།།
དགེ་རྒན་དེ་ཚོ་བྲེལ་ཚ།།
སློབ་མ་དེ་ཚོས་མྱང་གིས།།

ཞོགས་པ་ལོངས་ཡས་སྔས་ཀྱང་།།
ང་རང་གཉིད་ལ་དགའ་དྲགས།།
ཕྱི་འབྱོར་ཉེས་ཆད་ཕོག་དུས།།
སྒོར་མོས་ལག་གཡུག་གནང་གིས།།

མཚན་ལ་གཉིད་ཞིག་སྒུག་ཀྱང་།།
དེ་རིང་ལས་ཀས་མི་བཞག །
ལས་ཀ་གཅིག་རྫོགས་གཅིག་རྗེས།།
ཚར་རྒྱུ་ཟེར་བ་ཨ་ཡོད།།

ཉིན་ལྟར་སློབ་ཁང་འདི་ནས།།
སྐད་ལ་ཆེ་ཆུང་གང་དགོས།།
ས་སྨྱུག་ཟད་རོ་མཐོང་དུས།།
ལུས་པོའི་སྡུག་འདི་དྲན་བྱུང་།།

སློབ་ཚན་འཁྲིད་པར་གང་ཡོད།།
དཀའ་ལས་མྱང་བར་སྐྱོན་མེད།།
ལོ་མཇུག་ཕྱོགས་སྡོམས་སྐབས་ལ།།
སྐྱོན་བརྗོད་མེད་པ་གནང་རོགས།།

ང་ཚོས་བོད་ཐུག་བཏུང་བར།།
སྐྱོ་པོ་རེད་ཟེར་མ་གསུངས།།
རྒྱ་ཟས་ཞིམ་ཟས་བཟའ་བའི།།
དུས་ཚོད་མེད་པས་ཡིན་ནོ།།

ཡོད་ཚད་སློབ་མའི་ཆེད་དུ།།
དགེ་རྒན་དགེ་རྒན་མི་འཆམ།།
ད་དུང་ཁྱིམ་བདག་ཁག་ཅིག །
ཉིན་ལྟར་འཁྲུགས་པས་མི་ཚར།།

སློབ་ཚན་འཁྲིད་རྒྱུ་འཁྲིད་རྒྱུ།།
ཁ་བརྡུང་བཏང་རྒྱུ་བཏང་རྒྱུ།།
ག་ཚོད་ཧུར་ཐག་བྱས་ཀྱང་།།
མཐོང་མཁན་དཀོན་པོ་རེད་བཞག །

བལྟ་སྐོར་གཅིག་སླེབས་གཅིག་ལོག །
ཚོགས་འདུ་གཅིག་ཚོགས་གཅིག་གྲོལ།།
བློ་བདེ་བག་ཕེབས་ངང་ནས།།
སློབ་ཚན་འཁྲིད་ལོང་མིན་འདུག །

དགེ་རྒན་ལས་ཀ་འདི་ནི།།
རླབས་ཆེན་ལས་ཀ་ཡིན་ཡང་།།
སྤྱི་ཚོགས་གང་སའི་ཕྱོགས་ལ།།
ང་ཚོར་འཕྱ་མཁན་མང་བ།།

གཞན་ལ་བཤད་བཤད་མ་མང་།།
སོ་སོའི་ལས་ཀར་འབད་དགོས།།
དགེ་རྒན་དགེ་རྒན་རང་ལ།།
བཤད་སའི་སྡུག་བསྔལ་ཡོག་རེད།།

ཟླ་རེའི་གླ་ཕོགས་བསམ་ནས།།
ལས་ཀར་ཁྲལ་འཁྱོལ་བྱས་མེད།།
སྐུལ་སློང་ལྷག་བསམ་བཅངས་ནས།།
རྣམ་དག་ལས་ལ་འཇུག་ཡོད།།