གསེར་མེའི་ལྕགས་ཁེམ་ཞིག

ཡོང་ཁུངས། : མཆོད་མེ་བོད་ཀྱི་རྩོམ་རིག་དྲ་བ། རྩོམ་པ་པོ། : གངས་བུ།（འདན་མ།） ཀློག་གྲངས །: སྤེལ་དུས། : 2017-04-24

གསེར་མེའི་ལྕགས་ཁེམ་ཞིག

—— ནུ་བོ་ལ་སྤྲིངས་པ།
གངས་བུ།（འདན་མ།）
སུ་ཞིག་གིས་ཀྱང་ཁ་ལོ་བསྒྱུར་མི་ཐུབ་པའི
སྲང་ལམ་དོག་མོ་ཞིག་ནས
གསེར་མེ་དེར
ལས་བཟོ་བ་རྒན་པོ་ཞིག་དང་ཕྲད་སོང

ཉིན་མོ་དེར
རྒྱ་མཚོའི་ནོར་བུར་བྱིལ་དོ་བྱེད་པ་དང་འདྲ་བར
གདོང་གི་འཛུམ་མདངས་འབྱིན་བཞིན
བྱིལ་བྱིལ་བྱེད་ཀྱིན་འདུག

ཡིན་ཡང
དངུལ་ཆུ་བཞུར་སོང་རུང
ཐོབ་པ་དཀའ་བའི་གསེར་མེ་དེ
འཇའ་ཚོན་ཆུན་པོ་ཞིག་ལ་འགྱུར་གྱིན་འདུག

དེ་ལས་ཀྱང
ལས་བཟོ་བ་དེ་
གློ་བུར་དུ་མགར་མཁན་ཞིག་སྤྲུལ་ཏེ
སྐད་ཅིག་མ་རེ་རེའི་ནང་ལ
ནོར་བུ་གད་སྙིགས་སུ་སྒྱུར་ནས
གསེར་མེ་ལྕགས་ནག་ཏུ་སྒྱུར་ནས
སྙིང་ཉེ་བའི་ལྕགས་ཁེམ་ཞིག་བཟོ་བཞིན་འདུག

གསེར་མེ་དེ་ཡང
གནས་ལུགས་མི་ཤེས་པའི་བདག་པོ་ཞིག་གིས
རྟ་རྒན་གཡུང་མ་ཞིག་ཁ་ལོ་བསྒྱུར་བ་ཇི་བཞིན
འགྱུར་གྱིན་འདུག

སྙིང་ཉེ་བའི་གསེར་མེ་་
ཁྱེད་རང་འདི་ལྟར་འགྱུར་འགྲོ་བ་ལས
སྔར་བཞིན་འོད་ཟེར་འཕྲོ་ཐུབ་ཀྱིན་ན
རིན་ཐང་དང་བདེ་སྐྱིད་ལྡན་པའི་
མ་འོངས་པའི་དུས་ཚོད་ཅིག་གིས་བསྒུག་ངེས་ཡིན
༢༠༡༦/༤/༡༡ བླ་རུང་ནས།

རྩོམ་སྒྲིག་པ། : lalong1985