ཀ་ཁའི་ཚིག་ཕྲེང་།

------མི་ཉག་པ•རྣོ་རིག་མདའ།

རྒྱལ་ཡུམ་སྒྲོལ་མས་རྒྱལ་ཁ་སྟེར་རོགས།།

ཕྱག་ན་རྡོ་རྗེའི་ཕྱག་གིས་སྐྱོབས་ཤིག།

ཚེ་དཔག་མེད་པའི་ཚེ་ཡིས་སྲུངས་ཤིག།

གོ་ཁྲབ་བསྙེན་པའི་གོ་ཞིག་ཆོད་རོགས།།

འོད་དཔག་མེད་པའི་འོད་ཀྱིས་འགོག་རོགས།།

ཀ༵་ཡེ་གསོན་དང་ཁ་བའི་མིང་སྲིང་།།

ཁ༵་རོག་མ་བཞུགས་ཁ་ཤུབས་ནབ་རོཊ།།

ག༵་ས་གང་དུ་རྒྱུགས་རྐྱང་མ་རེད།།

ང༵་ཅག་བོད་ལ་ཝུའུ་ཧན་ནད་ངན།།

བརྒྱ་ཆ་བརྒྱ་རུ་འགོས་འདུག་ཡོད་སྐད།།

ཅ༵་ལག་བཟུང་ནས་ལྡོམ་དུས་མ་ཡིན།།

ཆ༵་མེད་མི་དང་འགྲོགས་སྐལ་མ་རེད།།

ཇ༵་ཁང་ཆང་ཁང་འགྲིམ་རན་མ་ཡིན།།

ཉ༵་ཉོག་བཞིན་དུ་རྩེད་སྐབས་མིན་ནོ།།

ཏ༵་ཀུ་འཛིན་པའི་ལོ་ལོན་ཞ་ཀྱོག།

ཐ༵་མག་འཐེན་པའི་ཕ་རྒན་བསམ་མེད།།

ད༵་ལོ་ཐེབས་པའི་ནད་ངན་ཨ་ཚ།།

ན༵་ཚོད་རྒས་གཞོན་དབྱེ་བ་མེད་པར།།

འགོས་ནད་དེ་ལ་གཟབ་པར་འཚལ་ལོ།།

པ༵་མིང་ཅན་གྱི་པད་དཀར་བདག་གི།།

ཕ༵་རོལ་ཝུའུ་ཧན་ནད་ངན་ཐོས་དུས།།

བ༵་སྤུ་གསེང་ནས་སྐྲག་སྣང་ཞིག་ནི།།

མ༵་བསམ་ས་ནས་ངང་གི་སྐྱེས་སོང་།།

ཙ༵་རི་བསྐོར་བའི་བན་མ་རྒན་ཚོ།།

ཚ༵་དྲོད་ཆེ་བའི་ནད་རྟགས་ཐོན་དུས།།

ཛ༵་དྲག་ཆེ་ཡང་སྐུ་ངལ་མ་གསོ།།

ཝ༵་མོ་ལྟར་དུ་འགྲོ་ཤེས་འདུག་མཁས།།

ཞྭ༵་གོས་ལྷམ་གྱིས་ལུས་པོ་འགེབ་རོགས།།

ཟ༵་མ་བརྩོག་པ་དམར་ཟས་མ་གསོལ།།

འ༵་འུར་ཆེ་བའི་མྱི་ཚོགས་མ་བསྡུ།།

ཡ༵་ཆུང་སེམས་ཀྱི་སྙིང་གཏམ་འདི་དག།

མྱུར་བ་མྱུར་དུ་སེམས་སུ་གཞག་རོགས།།

ར༵་སྐོར་གཅིག་གི་ཕུ་ནུ་མིང་སྲིང་།།

ལ༵་དང་ལུང་གི་མྱི་འཁྱར་དེ་རྣམས།།

ཤ༵་དང་ཁྲག་ཚོའི་འབྲེལ་བ་མ་འཇོག།

ས༵་ཡ་དྲུག་པོ་མྱུར་དུ་འཇིག་འགྲོ།།

ཧ༵་ཅང་ཛ་དྲག་ཆེ་བའི་སྐབས་འདིར།།

ཨ༵་ཐང་ཆད་ནས་སྟོབས་ཤུགས་མ་ཉམས།།

ཧ༵་མ་གོ་ཞེས་སྐད་ངན་མ་སྒྲོགས།།

ཨ༵་རོག་བོད་པའི་གསར་བུ་གསར་མོ།།

ཉ༵་ཉོ༵ག་ཅེས་པའི་དོན་ནི་བྱིས་པ་ལ་གོ།

དེ་ནི་མི་ཉག་པའི་ཁ་སྐད་ཅིག་ཡིན།