ཚིག་གི་དབྱངས་སྐུད།

གཡུ་དཀར་པོ།

ཚིག་གི་དབྱངས་སྐུད་ཀྱི་བདུད་པ་བརྒྱབ་ན། །

སྙིང་གི་མི་བུ་ཚོའི་ཞེ་ཁ་འཁྱག་པ། །

ཡིད་ཀྱི་བརྩེ་བ་དེ་ཆུ་ནས་ལྷུང་ན། །

ཡིད་ཀྱི་རོལ་མོ་དེ་བཙན་གྱིས་བཅད་འགྲོ། །

བདེན་པའི་སྤྲིན་པ་ཞིག་རི་ལ་བརྐོས་ཀྱང་། །

ལས་ཀྱི་ན་བུན་དེ་རྒྱང་ལ་ཆས་པ། །

སྣང་བའི་སྤྲིན་པ་དེ་སེམས་ནས་གླན་གྱིན། །

མི་ཚེའི་ལམ་རི་དེ་གཡར་ནས་ཟད་འདྲ། །

ལོ་ཟླའི་བར་སྐོར་གྱི་ཕོ་བྲང་དམར་པོ། །

རྒན་གཞོན་བློ་ཁོག་གི་གསང་བའི་དབེན་འཇགས། །

རྒན་པོའི་སེམས་ནང་གི་རྒྱབ་རི་དཀར་པོ། །

མུན་པའི་ངོ་གདོང་གི་ལྷ་སའི་བར་སྐོར། །

དམ་ཚིག་གཙང་མ་ཡི་རྟ་ཕོའི་འཚེར་སྐུད། །

ང་ཡིས་ལུས་ཕོང་དུ་མགྱོགས་པར་ཕེབས་ན། །

སེམས་ཀྱི་སྣང་བ་དེ་འོད་ཀྱི་ཟིན་སྐབས། །

བཙན་པོའི་སྤང་ཐང་ནས་རྟ་ཕོ་འཆར་ཡོང་། །

ཡིད་ཀྱི་རྒུན་ཆུང་དེ་ལས་ཀྱི་བཙན་རི། །

ཞེན་ཆགས་ཆུ་བོ་དེ་སེམས་ཀྱི་སྨྲ་ལྕེ། །

ལོ་ཟླ་རིང་པོ་རེས་བར་སྐོར་དངོས་ནས། །

ང་ཡི་སེམས་ངོས་ལ་མུན་པ་འཐིབ་སོང་། །

རྒྱང་གི་ནགས་ཚལ་གྱི་བར་གསེང་དེ་ན། །

བྱེའུ་ཆུང་ཁྲ་ཁྲ་ཚོའི་སྐུ་གཟུགས་འཐིམ་ཡོད། །

ཙག་རླུང་ཚུབ་ཚུབ་གྱི་རི་ཡི་ཀློང་ནས། །

དབེན་པའི་ས་ལྒང་ནས་སྣང་བ་སྐྱིད་ཤོག །

ཤུལ་དུ་བཏང་བའི་མགུར།

གངས་ལ་འོད་སྣ་འཕྲོ་འཕྲོ།།

སྤྱན་ལ་ཆུ་མིག་འཕྱོ་འཕྱོ།།

ལས་ཀྱི་ཁ་ཡིག་མགར་བའི།།

ཨ་ཇོ་གང་དུ་ཕེབས་སོང་།།

འོད་ལ་བཏབ་པའི་ས་བོན། །

དཀའ་སྡུག་རྡོ་རུ་འཐག་པའི། །

ལྷ་ས་དག་པའི་ཞིང་ནས། །

མགུར་དབྱངས་ངག་ལ་གྱེར་པོ། །

མཁའ་ལམ་སྤྲིན་པ་ཁེར་རྐྱང་། །

བྱ་རྒོད་བྲག་ལ་འབྱར་འབྱར། །

ཨ་ཇོའི་མགུར་གླུ་ཟེགས་མ། །

ཐང་ནས་ཟད་མཐའ་མ་བྱུང་། །

འཆར་སྣང་འཇའ་ཡི་ཞལ་སྣང་། །

གཡུ་ཐོག་ཟམ་པར་བཅར་བའི། །

འཁྱག་པ་དར་གྱི་མེ་ཁ། །

སྟོན་གྱི་མགུར་ལས་ཡངས་སོང་། །

ཕ་སྐད་གསེར་གྱི་མགུར་གླུ། །

ལྷ་ས་དག་པའི་ཞོལ་ནས། །

ཡང་ཡང་ངག་ལ་གྱེར་པའི། །

ཨ་ཇོ་གང་དུ་ཕེབས་སོང་། །

ངག་གི་དབྱངས།

རེ་བའི་དབྱངས་ཀྱི་གཞི་མ། །

ང་ཡི་པང་ནས་འཁྱིལ་བའི། །

ཟླ་བའི་མཚོ་ལ་ངང་ཁྱུ། །

ངག་གི་དབྱངས་ཀྱི་མཆོད་པ། །

སྨིན་དྲུག་བརྩེ་བའི་ཡང་རྩེ། །

སྐར་ཚོགས་དུས་ཀྱི་ཕོ་ཉ། །

གདུང་གི་ཞེ་ལ་ཟེགས་པ། །

སྤྲིན་གྱི་པང་ནས་ཁུར་འགྲོ། །

ཉེན་པའི་སེམས་ཀྱི་མཆོད་པ། །

སྙིང་གི་བང་ནས་འཁུར་བའི། །

ཟླ་འོད་སྐྱ་བའི་ངོས་ནས། །

གདུང་གི་རྩེ་ལ་འཕུར་ཀི། །

དྲན་ཤེས་རི་རབ་རྨིང་ནས། །

སྡོང་ལོའི་ཤུ་སྒྲ་བསྒྲགས་ནས། །

ལུས་ཀྱི་བརྩེ་བ་ཉག་ཅིག །

པང་གི་འཛུམ་ལ་ཡོལ་སོང་། །

ལུས་ཀྱི་ན་ཟུག་དམར་པོ། །

བདག་གི་ཡིད་ལ་འཁོར་བའི། །

སྙིང་གི་ཤྭ་བ་དཀར་པོ། །

བདག་གི་ཡོད་ཚད་བཅར་ཡོད། །