༄། ཚོགས་མི་ནང་འཇུག | ཚོགས་མི་ཐོ་འགོད། | ༄།རྩོམ་ཡིག་བསྐུར་བ |

ཁམས་པའི་སློབ་ཁྲིད་ཐོན་ཁུངས་དྲ་བ །

གཙོ་ངོས།

གསར་འགྱུར།

བོད་ཀྱི་སློབ་གྲྭ

བོད་ཀྱི་རིག་གནས།

རྩོམ་རིག་གླིང་ཀ

བརྙན་གཟུགས།

རྒྱུགས་གཞི

ཁྲིད་ཆས།

ཁྲིད་ཟིན།

བསྐྱར་སྦྱོང་།

པར་མཛོད།

འཕྲུལ་དེབ།

ཚིག་གི་ཆོ་འཕྲུལ།

ཡོང་ཁུངས། : ཁམས་པའི་སློབ་ཁྲིད་ཐོན་ཁུངས་དྲ་བ། རྩོམ་པ་པོ། : གསེར་རྟ། གོས་གཙང་བོ། ཀློག་གྲངས །: སྤེལ་དུས། : 2020-04-06

ཡིག་གཟུགས། :ཆུང་། འབྲིང་། ཆེ།

ཚིག་གི་ཆོ་འཕྲུལ།

གསེར་རྟ། གོས་གཙང་བོ།

ནང་སེམས་རླུང་དང་འདྲེས་པའི་དོ་ཞག་ཅིག་ལ།།

ཤ་ཞེན་ནང་གི་ཚིག་དུམ་རྡོ་ལ་བྲིས་ན།།

གདོང་གི་མིག་གཉིས་འཛུམ་པའི་དམ་ཚིག་དམར་པོ།།

ལུས་ཀྱི་བཞི་ཤད་བྲིས་པའི་ཚེ་མཇུག་ཨེ་རེད།།

མཛེས་མའི་ཆོ་འཕྲུལ་ནང་གི་རི་མོ་ཨེ་རེད།།

རྨིག་རྗེས་ངེས་མེད་ཅིག་གི་ཕྱི་ནང་སློག་ན།།

རལ་གྲིའི་རྣོ་དབལ་མྱོང་བའི་ན་ཟུག་བྲིས་ན།།

སེམས་ཀྱི་དཀྱིལ་ན་རྨོས་པའི་མེ་ཏོག་ལྡུམ་ར།།

སྐྱི་སེར་རླུང་བུ་གཡུག་པའི་བརྡ་དོན་ཨེ་རེད།།

སད་དང་སེར་བས་བཅོམ་པའི་སྔ་ལྟས་ཨེ་རེད།།

བྱེ་མའི་ཐང་ཆེན་ཉུལ་བའི་དུས་ཚིགས་ཤིག་ལ།།

སྦྲ་གུར་ཡིད་ནས་བོར་བའི་ཉིན་ཐོ་བྲིས་ན།།

ཤ་ཁྲག་འཚོ་སྡོད་བྱེད་སའི་གནས་མལ་སྐྱིད་པོ།།

མེ་ཡིས་ཚིག་པའི་ཞེ་རྩ་སྨྲེང་བ་ཨེ་རེད།།

སྙིང་གི་ཤ་ཚིལ་གར་སོང་ཆ་མེད་ཨེ་རེད།།

ལག་གཉིས་བྲང་ཁར་གླན་པའི་ཕྱི་དྲོ་ཞིག་ལ།།

སྐྱོ་བའི་མིག་ཆུ་གསོག་པའི་འདང་ཞིག་བྲིས་ན།།

ཡིད་ཀྱི་ཡིག་ཚོགས་བྲིས་པའི་ཞིང་ས་སྙིང་རྗེ།།

ཞེ་དཀར་སེམས་དཀར་ཞིག་གི་སྤྱན་ཟུང་ཨེ་རེད།།

འགྲོག་འདྲིས་རིང་བའི་གྲོགས་ཀྱི་ཁ་དན་ཨེ་རེད།།

ངེས་འབྱུང་ཁུར་བའི་མཚན་ཤག་ཐན་ཐུན་ཞིག་ལ།།

རྒྱབ་གཟུགས་མངོན་རྒྱུ་མེད་པའི་ཞེད་སྣང་བྲིས་ན།།

མི་རྟག་གློ་ཞགས་འཁྱིལ་བའི་སྣང་བ་ལྡོམ་པོ།།

འགྲོ་འདུག་སྤྱོད་ལམ་རང་ལ་དབང་ནི་ཨེ་རེད།།

ཞེ་ཁོག་དཀར་པོ་ཡིན་པ་རིག་ནི་ཨེ་རེད།།

༢༠༢༠ ༢ ༨

རྩོམ་སྒྲིག་པ། : lalong1985

མཉམ་སྤྱོད །

评论

人参与,条评论