࿑ ལོ་ཉི་ཤུའི་སྣང་བ་གནམ་ཡིན།
དབུ་འཇིཊ་མེད། མཚོ་ལྷོ།
སྟོང་ཆེན་པོ་འཇིག་རྟེན་ཁམས་ནས།།
སྡེ་ཆེན་པོ་ཉལ་འགྲོའི་གཏེར་ནས།།
ལས་སྡུག་བསྔལ་སེམས་ལ་འཆང་ནས།།
དཀར་འཇམ་འཇམ་ལན་བུ་དྲན་ནས།།
ལས་བདེ་སྡུག་སྨྱུག་ལ་འདྲེན་ཡོད།།
ལས་སྨོན་ལམ་འབྲས་བུ་ཡོད་ན།།
སེམས་བསམ་པའི་རེ་སྨོན་གྲུབ་ནས།།
ཡུལ་མེ་ཏོག་ལན་བུ་འཕྲད་ནས།།
སྐྱིད་ལྷན་འཛོམས་ཉི་མ་ཤར་ནས།།
གཡང་འཁོར་བའི་བདག་མོ་ཡིན་སྐད།།
དབྱར་མེ་ཏོག་སེར་ཆེན་སྒྲོལ་མ།།
མཛེས་ལང་ཚོ་ཟླ་དཀར་གཞོན་ནུ།།
སྐྱིད་བཀྲ་ཤིས་ཐང་ཆེན་ཞིག་ནས།།
ལས་སྨོན་ལམ་འབྲས་བུ་གྲུབ་ནས།།
ཆར་ཟིམ་མའི་རྟེན་འབྲེལ་བསྒྲིགས་ཡོང་།།
སེམས་བསམ་པ་འོ་ཆུ་འདྲིས་ནས།།
ཡིད་དུང་བ་མཚོ་ལྟར་ཟབ་པའི།།
ཞེ་མཐུན་པའི་སྡེ་ཆེན་བརྒྱུད་ནས།།
ལྷ་གཅིག་ལ་སྐྱབས་འཇུག་ཞུས་ནས།།
ཚེ་གཅིག་ལ་གསོན་བྲལ་མི་བྱེད།།
