རྨི་ལམ་ཐུང་ཐུང་།
ཞོགས་འབོད།
ཁ་བ་ལྷབ་ལྷུབ་བབས་དུས།།
སེམས་ཀྱི་ཕྱེད་ཀ་དྲན་འོང་།།
དགུན་གསུམ་གྲང་ངར་ནང་དུ།།
ལུས་འཇམ་ཤ་དྲོད་འཁྱག་འགྲོ།།
སེམས་ཁུར་སེམས་སུ་འོང་ན།།
ན་ཟུག་ཉི་མ་འདྲ་བོ།།
ཡེ་ནས་ནུབ་རྒྱུ་མི་འདུག།
མདང་སུམ་རྨི་ལམ་ནང་གི།
ཡ་ཆུང་ཁོག་གི་གཡུ་ལོ།
དྲན་པའི་ལོ་ཟླ་ཚེས་དུས།།
ཉིན་ཞག་འགྲོ་བ་མི་འདུག།
སེམས་པ་གངས་དང་འདྲེས་ནས།།
གཙང་བོའི་རླབས་སུ་འཐིམས་ཏེ།།
ཁྱོད་ཀྱི་ཕྱོགས་སུ་བཞུར་ན།།
བས་མཐའི་ཁེར་རྐྱང་ང་རང་།།
དགའ་བར་ཚོད་ཅིག་མི་འདུག།
གཡའ་དག་སེམས་འཕྲིན་ཕུལ་ན།།
འཕྲིན་ལན་ཡོང་སྔ་བྲེལ་གི།
འདུར་བྲེལ་འཁོར་བའི་ངོས་སུ།།
མཛེས་པའི་དམ་ཚིག་དམར་པོ།།
ཁ་དོག་འགྱུར་བ་མེད་ན།།
སྤྲོ་སྣང་འདུ་རའི་ཁྲོད་དུ།།
སྙན་པའི་གླུ་ཞིག་ལེན་འཇོག།
སེམས་ལ་སྐྱོ་ངལ་མེད་པ།།
གུ་ཡངས་འཚོ་བའི་ཀློང་དུ།།
ཁྲེལ་གཞུང་འཚོལ་བའི་མཐུན་པ།།
འདང་འདུན་དཀར་གསལ་ཟླ་བ།།
འོད་མདངས་ཡལ་རྒྱུ་མེད་ན།།
ཅི་དགོས་ལེགས་སུ་གསུང་དང་།།
ཟླ་བ་ཡན་གྱི་འདང་ཆེན།།
རུས་རྐང་གས་པ་མེད་ན།།
འགྱོད་གདུང་སྐྱ་བོ་མི་འདུག།
2020.4.5
