འབའ་ཡི་དར་བཤད་ཐོས་པ་ཀུན་དགའ།
དེ་རིང་ནམ་ལངས་ཀྱི་དང་པོ། ཉི་ཤར་གྱི་རྩེ་མོ། བཀྲ་ཤིས་པའི་ཉི་མ། ཕུན་སུམ་ཚོགས་པའི་ཟླ་བ། རྒྱལ་ཕུར་འཛོམས་པའི་འཕྲོད་སྦྱོར། གནམ་ལ་བཀྲ་ཤིས་པའི་བཻཌཱརྱའི་འཁོར་ལོ་རྩིབས་བརྒྱད་བཀྲ་བ། ས་ལ་བཀྲ་ཤིས་པད་མ་འདབ་བརྒྱད་ཀྱི་ཟེའུ་འབྲུ་བཞད་པ། ཕྱོགས་མཚམས་བཀྲ་ཤིས་པ་བཀྲ་ཤིས་རྟགས་བརྒྱད་ཀྱི་ར་བས་བསྐོར་བ། ཡུལ་ལ་བཀྲ་ཤིས་གཡང་ཆགས་ནོར་བུའི་ཆར་པ་འབེབས་པ། ཁྱིམ་ལ་བཀྲ་ཤིས་པའི་ཕུན་ཚོགས་འདོད་དགུའི་ཕྱཱ་གཡང་ཆགས་པ། མི་ལ་བཀྲ་ཤིས་པ་དགྲ་ལྷ་ཝེར་མའི་དགྱེས་ཞལ་བརྩེ་བ། ཕྱུགས་ལ་བཀྲ་ཤིས་པ་མ་དྲོས་ཀླུ་ཡི་དམུ་ཞགས་ཆགས་པ། ཟས་ལ་བཀྲ་ཤིས་པ་བཅུད་ལྡན་ཟད་པ་མེད་པའི་དཔལ་དང་ལྡན་པ་སོགས། བཀྲ་ཤིས་ཤིང་ཕུན་སུམ་ཚོགས་པའི་སྐྱིད་ཀྱི་ཉི་མ་ཡར་ཤར་གྱི་དང་པོ་འདི་ལ། རྟགས་དང་རྟེན་འབྲེལ་གྱི་ཆེ་བ། ཆོས་དང་འཇིག་རྟེན་གྱི་འགྲོ་ལུགས། བཀྲ་ཤིས་སྨོན་ལམ་གྱི་ཐོག་མ། དབུ་ནག་བོད་ཀྱི་དར་ལུགས། མེ་ཏོག་ཆུང་ཡང་མཆོད་རྫས། གུར་ཀུམ་ཉུང་ཡང་བུམ་རྫས་ཟེར་བ་ལྟར། ཁ་རྗེ་དར་བའི་དར་དཀར། དབང་ཐང་དར་བའི་དར་དཀར། རླུང་རྟ་དར་བའི་དར་དཀར། ལག་དར་དཀར་གྱི་བརྒྱུད་ནས་རྟེན་འབྲེལ་སྒྲིག ཁ་བདེན་ཚིག་གི་ངང་ནས་བཀྲ་ཤིས་བོས་ཏེ། （བུ་བུ་མོ་གཉིས་ལ་དར་དཀར་བསྒྲོན།）（ཆང་གི་དཀར་ཡོལ་ལག་ལ་བཟུང་།）
ངས་ལག་ལ་བཟུང་བའི་དཀར་ཡོལ་འདི།
སྨད་རྒྱ་ནག་ཡུལ་གྱི་ཁྱད་ནོར།
གངས་ཅན་བོད་ཀྱི་འཕགས་ནོར།
དཀར་ཡོལ་བཀྲ་ཤིས་ཡུ་རིང་ཟེར།
འདིའི་ཁ་ལ་བཀྲ་ཤིས་རྟགས་བརྒྱད།
བར་ལ་རྒྱལ་སྲིད་སྣ་བདུན།
འདབས་ན་པད་མ་འདབ་བརྒྱད།
ནང་ལ་འཁོར་ལོ་རྩིབས་བརྒྱད།
སེར་པོ་གསེར་གྱི་ཁ་ཤན།
དཀར་པོ་དངུལ་གྱི་ར་མདོག
དམར་པོ་བྱུ་རུའི་མཚལ་མདོག
དྲུག་དཀར་གཡུ་ཡི་སྔོ་མདོག
འཇའ་ཚོན་སྣ་ལྔ་ཤར་འདྲ།
དགེ་མཚན་དུ་མ་དང་ལྡན་ཞིང་།
ནང་གི་སྐྱེམས་ཆང་འདི་ནི།
སྟོད་རྒྱ་གར་ཡུལ་གྱི་འབྲས་ཆང་དཀར་པོ་དང་།
སྨད་རྒྱ་ནག་ཡུལ་གྱི་རྒུན་ཆང་སྨུག་པོ།
བར་དབུ་ནག་བོད་ཀྱི་ནས་ཆང་ཁམ་པ།
ལོ་ལ་བསྙལ་བའི་ལོ་ཆང་།
ཞག་ལ་བསྙལ་བའི་ཞག་ཆང་ཡིན།
དཀར་ཆང་བདུད་རྩི་ཟེགས་མ།
སེང་ཆང་སྨན་དང་བཟང་དྲུག
ཞིབ་ཆང་ཀ་ར་བུ་རམ།
བཀྲ་ཤིས་པའི་བཀྲ་ཆང་།
དོན་འགྲུབ་པའི་དོན་ཆང་།
ཚེ་རིང་བའི་ཚེ་ཆང་ཡིན་པས།
སྐུ་མགྲོན་རྣམ་པ་ཚོས་ཐུགས་དགྱེས་ཐོག་ནས་བཞེས་རོགས་མཛོད།
ཕ་རྒྱུད་གངས་རི་ཏི་སི།
གངས་ཕྲན་གཞན་གྱི་འགྲན་ཡ་མེད།
མ་རྒྱུད་མ་ཕམ་གཡུ་མཚོ།
མཚོ་ཕྲན་གཞན་ལ་བསྡུར་ས་མེད།
བུ་ཕ་ལས་ལྷག་པའི་རྟེན་འབྲེལ།
བུ་མོ་མ་ལས་རྒྱལ་བའི་སྨོན་ལམ།
བུ་ཚ་རབས་རྒྱུད་ནས་ཕུན་སུམ་ཚོགས་པའི་སྨོན་ལམ།
མི་ཕྱུག་གི་ཇ་ཆང་འཐུང་ས་ཡོང་བའི་རྟེན་འབྲེལ།
མི་ཆད་ཀྱི་བེར་ག་བཞག་ས་ཡོང་བའི་སྨོན་ལམ།
རྟ་ཆད་ཀྱི་སྒ་ཆས་བཞག་ས་ཡོང་བའི་རྟེན་འབྲེལ།
བྱ་བརྒྱ་འཁོར་བའི་ལྕང་མ་ཡོང་བའི་སྨོན་ལམ།
བྱེའུ་བརྒྱ་འཁོར་བའི་ཚེར་ཕུང་ཡོང་བའི་སྨོན་ལམ།
སྐྱེས་ཐོབ་ཀྱི་ཤེས་རབ་རྒྱས་པའི་སྨོན་ལམ།
སྦྱངས་སྟོབས་ཀྱི་ཡོན་ཏན་ཟབ་པའི་སྨོན་ལམ།
ཐོས་རྒྱ་ཡི་རྣ་ལམ་ཡངས་པའི་སྨོན་ལམ།
ཤེས་བྱ་ཡི་གོ་རྟོགས་ལྡན་པའི་སྨོན་ལམ།
ལོ་བརྒྱ་འཐོབ་པར་གྱུར་ཅིག
སྟོན་བརྒྱ་འཐོང་བར་གྱུར་ཅིག
ཕུ་ལ་སྒྲུབ་པའི་སྒོམ་ཆེན་དང་།
མདའ་ལ་བཞུགས་པའི་ཡོན་བདག་གཉིས།
འཚང་མཉམ་པོར་རྒྱ་བའི་བཀྲ་ཤིས་ཤོག།
བཀྲ་ཤིས་བདེ་ལེགས་ཕུན་སུམ་ཚོགས།
ཨེ་མ་བག་དྲོ་སྐུ་ཁམས་བཟང་།
གཏན་དུ་བདེ་བ་འཐོབ་པར་ཤོག
སྨད་རྒྱ་ནག་ཡུལ་གྱི་ཁྱད་ནོར།
གངས་ཅན་བོད་ཀྱི་འཕགས་ནོར།
དཀར་ཡོལ་བཀྲ་ཤིས་ཡུ་རིང་ཟེར།
འདིའི་ཁ་ལ་བཀྲ་ཤིས་རྟགས་བརྒྱད།
བར་ལ་རྒྱལ་སྲིད་སྣ་བདུན།
འདབས་ན་པད་མ་འདབ་བརྒྱད།
ནང་ལ་འཁོར་ལོ་རྩིབས་བརྒྱད།
སེར་པོ་གསེར་གྱི་ཁ་ཤན།
དཀར་པོ་དངུལ་གྱི་ར་མདོག
དམར་པོ་བྱུ་རུའི་མཚལ་མདོག
དྲུག་དཀར་གཡུ་ཡི་སྔོ་མདོག
འཇའ་ཚོན་སྣ་ལྔ་ཤར་འདྲ།
དགེ་མཚན་དུ་མ་དང་ལྡན་ཞིང་།
ནང་གི་སྐྱེམས་ཆང་འདི་ནི།
སྟོད་རྒྱ་གར་ཡུལ་གྱི་འབྲས་ཆང་དཀར་པོ་དང་།
སྨད་རྒྱ་ནག་ཡུལ་གྱི་རྒུན་ཆང་སྨུག་པོ།
བར་དབུ་ནག་བོད་ཀྱི་ནས་ཆང་ཁམ་པ།
ལོ་ལ་བསྙལ་བའི་ལོ་ཆང་།
ཞག་ལ་བསྙལ་བའི་ཞག་ཆང་ཡིན།
དཀར་ཆང་བདུད་རྩི་ཟེགས་མ།
སེང་ཆང་སྨན་དང་བཟང་དྲུག
ཞིབ་ཆང་ཀ་ར་བུ་རམ།
བཀྲ་ཤིས་པའི་བཀྲ་ཆང་།
དོན་འགྲུབ་པའི་དོན་ཆང་།
ཚེ་རིང་བའི་ཚེ་ཆང་ཡིན་པས།
སྐུ་མགྲོན་རྣམ་པ་ཚོས་ཐུགས་དགྱེས་ཐོག་ནས་བཞེས་རོགས་མཛོད།
ཕ་རྒྱུད་གངས་རི་ཏི་སི།
གངས་ཕྲན་གཞན་གྱི་འགྲན་ཡ་མེད།
མ་རྒྱུད་མ་ཕམ་གཡུ་མཚོ།
མཚོ་ཕྲན་གཞན་ལ་བསྡུར་ས་མེད།
བུ་ཕ་ལས་ལྷག་པའི་རྟེན་འབྲེལ།
བུ་མོ་མ་ལས་རྒྱལ་བའི་སྨོན་ལམ།
བུ་ཚ་རབས་རྒྱུད་ནས་ཕུན་སུམ་ཚོགས་པའི་སྨོན་ལམ།
མི་ཕྱུག་གི་ཇ་ཆང་འཐུང་ས་ཡོང་བའི་རྟེན་འབྲེལ།
མི་ཆད་ཀྱི་བེར་ག་བཞག་ས་ཡོང་བའི་སྨོན་ལམ།
རྟ་ཆད་ཀྱི་སྒ་ཆས་བཞག་ས་ཡོང་བའི་རྟེན་འབྲེལ།
བྱ་བརྒྱ་འཁོར་བའི་ལྕང་མ་ཡོང་བའི་སྨོན་ལམ།
བྱེའུ་བརྒྱ་འཁོར་བའི་ཚེར་ཕུང་ཡོང་བའི་སྨོན་ལམ།
སྐྱེས་ཐོབ་ཀྱི་ཤེས་རབ་རྒྱས་པའི་སྨོན་ལམ།
སྦྱངས་སྟོབས་ཀྱི་ཡོན་ཏན་ཟབ་པའི་སྨོན་ལམ།
ཐོས་རྒྱ་ཡི་རྣ་ལམ་ཡངས་པའི་སྨོན་ལམ།
ཤེས་བྱ་ཡི་གོ་རྟོགས་ལྡན་པའི་སྨོན་ལམ།
ལོ་བརྒྱ་འཐོབ་པར་གྱུར་ཅིག
སྟོན་བརྒྱ་འཐོང་བར་གྱུར་ཅིག
ཕུ་ལ་སྒྲུབ་པའི་སྒོམ་ཆེན་དང་།
མདའ་ལ་བཞུགས་པའི་ཡོན་བདག་གཉིས།
འཚང་མཉམ་པོར་རྒྱ་བའི་བཀྲ་ཤིས་ཤོག།
བཀྲ་ཤིས་བདེ་ལེགས་ཕུན་སུམ་ཚོགས།
ཨེ་མ་བག་དྲོ་སྐུ་ཁམས་བཟང་།
གཏན་དུ་བདེ་བ་འཐོབ་པར་ཤོག
