བདག་གིས
ཁྱོད་ཀྱིས་གནམ་འཕང་ལ་གཏད་པའི
གཤོག་ཟུང་གི་གསང་བ་ཧྲིལ་བོ་ཤེས་ན་འདོད
ཧ་ཅང་ལྷིང་འཇགས་ཡིན་དུས
བདག་གིས་དལ་གྱིས་བདག་གི་ནམ་མཁའ་ལ་ཅེར་ཚེ
ཐོ་རེངས་ཀྱི་སྐར་མདའ་དེ་དག་འཕུར་གྲུ་ཆུང་ཆུང་མང་པོ་དང་འདྲ་བར
ཕྱོགས་གཞན་ཞིག་ནས་འཕུར་ཡོང་སྟེ་ཁྱོད་ཀྱི་བར་སྣང་དུ་འཚང་།
གལ་ཏེ་ལྷིིང་འཇགས་ཀྱིས་ང་རང་བོར་བ་ཡིན་ན
ངས་ཀྱང་མཚོ་ངོགས་ཀྱི་རླབས་རིིས་ལ་ཡང་བསྐྱར་ཐེངས་གཅིག་བལྟས་ནས
བྲང་ཁོག་ཏུ་རྙུག་མར་གནས་པའི་དགའ་སྐྱོའི་ཟིན་ཐོ་དེ་དག
ཤུགས་ཀྱིས་འཕྱོ་བའི་རྦ་རླབས་དང་བསྲེས་ཏེ་འདོར་བར་བྱ།
གལ་ཏེ་ཁྱོད་ཀྱི་བརྩེ་བ་དེ་བདག་ལ་བརྟེན་ནས་འཚོ་བཞིན་ཡོད་ཚེ
སང་ཉིན་དང་སང་ཉིན་གྱི་རྗེས་སུ་འུ་གཉིས་ཀྱི་མ་འོངས་པ་ཡོད་པས་
ངས་ཀྱང་རྟག་ཏུ་སང་ཉིན་བསླེབ་ཡོང་བར་སྒུག་ཆོག
གལ་ཏེ་སང་ཉིན་གྱི་བྱ་བ་འཁྲུལ་སྣང་དུ་གྱུར་ཏེ་
ཡོད་ཚད་དེ་རིང་མཇུག་རྫོགས་པ་ཡིན་ཚེ
ངས་ཆེས་མཐའ་མའི་དབུགས་ཀྱི་འབྱིན་རྔུབས་ལས་ཀྱང་
ང་ཁྱོད་ལ་དགའ་ཞེས་བརྗོད་ཆོག
2019.12.31
2019.12.31
