ཐ་སྙད་ཚམ་ཚོམ་གྱིས་མཚོན་ཐབས་བྲལ་ཞིང་།།
དཔེ་གཟུགས་འབུམ་ཕྲག་གིས་གཞལ་དུ་དཀའ་བ།།
སེམས་ཀྱི་བྱང་ཐང་ལ་རྒྱུ་བའི་ན་ཟུག།
གཏམ་རྒྱུད་འདང་ཅན་དག་ཅི་ལྟར་འཆད་དགོས།།
མཐའ་དབུས་གཏིང་དབེན་གྱི་བདག་གི་རྟོག་པ།།
བྲིས་ཙམ་ཤེས་པ་ཡི་བསོད་ནམས་ཡོད་དམ།།
ཞོགས་ཐུན་མཚམས་སྤྲིན་ལས་མངོན་པའི་རྣམ་འགྱུར།།
མྱང་མཁན་ལམ་རིང་གི་སྐུ་མགྲོན་སུ་ཡིན།།
མདངས་ཚོགས་ཀུན་འདུས་སུ་འདྲེས་པའི་གཏམ་ལ།།
མི་མཚུངས་དཔྱད་བརྗོད་སོགས་སྤེལ་བ་བདེན་ཀྱང་།།
དོན་གྱི་གསང་གནད་ལ་སྦྲུམ་པའི་གདམས་པ།།
ཁྱོད་དང་ཁྱོད་རྗེས་སུ་འབྲང་བས་རྟོགས་སམ།།
གསང་བའི་ཕོ་བྲང་གིས་ཚུལ་གྱིས་མ་བཞེངས།།
ཡང་གསང་མན་ངག་ལས་བླངས་ཤིང་མ་བྲིས།།
མ་གསང་ཤེལ་དཀར་ལ་འགྲན་པའི་ལབ་གླེང་།།
གསང་ཨང་གྲངས་མེད་ཀྱིས་འབྱེད་དགོས་བྱས་སོང་།།
འཇིག་རྟེན་མེ་ལོང་དུ་ཆགས་པའི་རྡུལ་ཙམ།།
ཁོ་བོ་དེའི་ཁྲོད་དུ་བཞུགས་པ་བདེན་ཨང་།།
ཞེ་འཚེར་གཙང་གཞུང་དུ་ལུས་པ་རྟོགས་ན།།
བྱམས་བྱམས་ཐུགས་རྗེ་ཡིས་ཞགས་པས་དྲོངས་ཤིག།
21/2/2
དཔེ་གཟུགས་འབུམ་ཕྲག་གིས་གཞལ་དུ་དཀའ་བ།།
སེམས་ཀྱི་བྱང་ཐང་ལ་རྒྱུ་བའི་ན་ཟུག།
གཏམ་རྒྱུད་འདང་ཅན་དག་ཅི་ལྟར་འཆད་དགོས།།
མཐའ་དབུས་གཏིང་དབེན་གྱི་བདག་གི་རྟོག་པ།།
བྲིས་ཙམ་ཤེས་པ་ཡི་བསོད་ནམས་ཡོད་དམ།།
ཞོགས་ཐུན་མཚམས་སྤྲིན་ལས་མངོན་པའི་རྣམ་འགྱུར།།
མྱང་མཁན་ལམ་རིང་གི་སྐུ་མགྲོན་སུ་ཡིན།།
མདངས་ཚོགས་ཀུན་འདུས་སུ་འདྲེས་པའི་གཏམ་ལ།།
མི་མཚུངས་དཔྱད་བརྗོད་སོགས་སྤེལ་བ་བདེན་ཀྱང་།།
དོན་གྱི་གསང་གནད་ལ་སྦྲུམ་པའི་གདམས་པ།།
ཁྱོད་དང་ཁྱོད་རྗེས་སུ་འབྲང་བས་རྟོགས་སམ།།
གསང་བའི་ཕོ་བྲང་གིས་ཚུལ་གྱིས་མ་བཞེངས།།
ཡང་གསང་མན་ངག་ལས་བླངས་ཤིང་མ་བྲིས།།
མ་གསང་ཤེལ་དཀར་ལ་འགྲན་པའི་ལབ་གླེང་།།
གསང་ཨང་གྲངས་མེད་ཀྱིས་འབྱེད་དགོས་བྱས་སོང་།།
འཇིག་རྟེན་མེ་ལོང་དུ་ཆགས་པའི་རྡུལ་ཙམ།།
ཁོ་བོ་དེའི་ཁྲོད་དུ་བཞུགས་པ་བདེན་ཨང་།།
ཞེ་འཚེར་གཙང་གཞུང་དུ་ལུས་པ་རྟོགས་ན།།
བྱམས་བྱམས་ཐུགས་རྗེ་ཡིས་ཞགས་པས་དྲོངས་ཤིག།
21/2/2
