སྲིད་པའི་མཚོ་མོ་མེར་གྱིས་འཁྱིལ་བ་ལས།།
ལེགས་འཁྲུངས་རྡུལ་བྲལ་པད་མའི་འབབ་སྟེགས་ཀྱི།།
ཚངས་ཆེན་ཡིད་བརྟན་འགུགས་པའི་ཕོ་ཉ་མོ།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
དཀར་དམར་ཉི་ཟླའི་ཟེར་ལས་ཡོངས་བརྐུས་པའི།།
མཚར་སྡུག་འོད་ཀྱིས་བརླན་པའི་སྐུ་ཡི་སྟོད།།
ནག་སྣུམ་ལན་བུས་ཕྱེད་ཙམ་སྒྲིབ་པ་ཡི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
སྒེག་ལྡན་བཅུ་དྲུག་གཞོན་ནུའི་ལང་ཚོ་ལ།།
སྨད་དུ་སྲབ་འཇལ་གོས་ཀྱི་ཤམ་བུ་ཅན།།
རིན་ཆེན་དང་པོའི་དཔལ་གྱིས་ཡོངས་རྒྱན་པའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
རྨད་བྱུང་འཛུམ་པའི་ཞལ་ཁྱིམ་གོར་མོ་ལས།།
དཀྱུས་རིང་སྤྱན་གྱི་བུང་བ་མ་གཡོས་པར།།
སྒྲུབ་པའི་བུ་ལ་བརྩེ་བས་གཟིགས་མཛད་པའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
བིམ་པའི་མདངས་ཀྱིས་བྱུགས་པའི་མཆུ་སྒྲོས་དང་།།
ཚེམས་ཕྲེང་མུ་ཏིག་དཀར་པོའི་མཛེས་པ་ཅན།།
ཡིད་ཀྱི་འཕགས་མ་ངག་གི་མཛའ་ན་མོ།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
མཉེན་ལྕུག་འཕྲུལ་ལྡེམ་ཕྱག་གི་རྒྱུད་མང་ལས།།
ཟབ་དོན་སྙན་པའི་གདངས་དབྱངས་འབྱིན་པ་ཡིས།།
དུང་བའི་བུ་ལ་སྙན་པའི་འབབ་སྟེར་བའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
ཡིད་འོང་དཀར་འཇམ་གྲང་གི་ངོས་ཡངས་སུ།།
རྗེས་ཆགས་སྨྱོས་བུམ་རབ་ཏུ་སྨིན་པ་ཡིས།།
མོས་པའི་བུ་ལ་ཉམས་ཀྱི་དྲོད་སྦྱིན་པའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
སྲིད་གསུམ་མཛེས་པའི་ཆ་རྣམས་སྐུ་ལ་རྫོགས།།
དོན་གཉིས་བདེ་ཆེན་རོལ་མོ་གསུང་ལ་མངའ།།
དབྱིངས་གཅིག་གདོད་མའི་རྩལ་ཆེན་ཐུགས་ལ་འཁྲུངས།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
དྲན་པའི་མཐུ་ལས་ཡིད་ཀྱི་མུན་པ་སངས།།
མཚན་ཙམ་ཐོས་པས་ངན་འགྲོའི་འཇིགས་ལས་གྲོལ།།
འབྲེལ་ཚད་དོན་ལྡན་འཕགས་བཞི་བསྐྲུན་པའི་ཡུམ།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
དད་གསུམ་འཕྲུལ་གྱིས་བཞེངས་པའི་ཕོ་བྲང་དུ།།
ཡིད་སྤྲུལ་མཆོད་པའི་གསོལ་སྟོན་རབ་བཤམ་ན།།
བདག་མགྲིན་དྷཱི་ཡིག་དཀར་པོའི་གཏན་གྲོགས་སུ།།
དབྱངས་ཀྱི་ཀོང་ཇོ་མ་མ་གཡེང་ད་མྱུར་བྱོན།།
ལེགས་འཁྲུངས་རྡུལ་བྲལ་པད་མའི་འབབ་སྟེགས་ཀྱི།།
ཚངས་ཆེན་ཡིད་བརྟན་འགུགས་པའི་ཕོ་ཉ་མོ།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
དཀར་དམར་ཉི་ཟླའི་ཟེར་ལས་ཡོངས་བརྐུས་པའི།།
མཚར་སྡུག་འོད་ཀྱིས་བརླན་པའི་སྐུ་ཡི་སྟོད།།
ནག་སྣུམ་ལན་བུས་ཕྱེད་ཙམ་སྒྲིབ་པ་ཡི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
སྒེག་ལྡན་བཅུ་དྲུག་གཞོན་ནུའི་ལང་ཚོ་ལ།།
སྨད་དུ་སྲབ་འཇལ་གོས་ཀྱི་ཤམ་བུ་ཅན།།
རིན་ཆེན་དང་པོའི་དཔལ་གྱིས་ཡོངས་རྒྱན་པའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
རྨད་བྱུང་འཛུམ་པའི་ཞལ་ཁྱིམ་གོར་མོ་ལས།།
དཀྱུས་རིང་སྤྱན་གྱི་བུང་བ་མ་གཡོས་པར།།
སྒྲུབ་པའི་བུ་ལ་བརྩེ་བས་གཟིགས་མཛད་པའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
བིམ་པའི་མདངས་ཀྱིས་བྱུགས་པའི་མཆུ་སྒྲོས་དང་།།
ཚེམས་ཕྲེང་མུ་ཏིག་དཀར་པོའི་མཛེས་པ་ཅན།།
ཡིད་ཀྱི་འཕགས་མ་ངག་གི་མཛའ་ན་མོ།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
མཉེན་ལྕུག་འཕྲུལ་ལྡེམ་ཕྱག་གི་རྒྱུད་མང་ལས།།
ཟབ་དོན་སྙན་པའི་གདངས་དབྱངས་འབྱིན་པ་ཡིས།།
དུང་བའི་བུ་ལ་སྙན་པའི་འབབ་སྟེར་བའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
ཡིད་འོང་དཀར་འཇམ་གྲང་གི་ངོས་ཡངས་སུ།།
རྗེས་ཆགས་སྨྱོས་བུམ་རབ་ཏུ་སྨིན་པ་ཡིས།།
མོས་པའི་བུ་ལ་ཉམས་ཀྱི་དྲོད་སྦྱིན་པའི།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
སྲིད་གསུམ་མཛེས་པའི་ཆ་རྣམས་སྐུ་ལ་རྫོགས།།
དོན་གཉིས་བདེ་ཆེན་རོལ་མོ་གསུང་ལ་མངའ།།
དབྱིངས་གཅིག་གདོད་མའི་རྩལ་ཆེན་ཐུགས་ལ་འཁྲུངས།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
དྲན་པའི་མཐུ་ལས་ཡིད་ཀྱི་མུན་པ་སངས།།
མཚན་ཙམ་ཐོས་པས་ངན་འགྲོའི་འཇིགས་ལས་གྲོལ།།
འབྲེལ་ཚད་དོན་ལྡན་འཕགས་བཞི་བསྐྲུན་པའི་ཡུམ།།
དབྱངས་ཀྱི་ཀོང་ཇོ་བདག་མགྲིན་ཁབ་ཏུ་བྱོན།།
དད་གསུམ་འཕྲུལ་གྱིས་བཞེངས་པའི་ཕོ་བྲང་དུ།།
ཡིད་སྤྲུལ་མཆོད་པའི་གསོལ་སྟོན་རབ་བཤམ་ན།།
བདག་མགྲིན་དྷཱི་ཡིག་དཀར་པོའི་གཏན་གྲོགས་སུ།།
དབྱངས་ཀྱི་ཀོང་ཇོ་མ་མ་གཡེང་ད་མྱུར་བྱོན།།
