ཡིད་འཕྲོག་བརྩེ་བའི་རྒྱ་མཚོའི་འགྲམ་དུ་འདང་གི་འཇའ་ཚོན་མཆེད་པ་ན།།
དབང་མེད་དྲན་པའི་རི་ལུང་དག་ནས་མཛེས་སྡུག་ངང་པ་དལ་གྱིས་རྒྱུ།།
སྐྱེ་བ་གཅིག་གི་ཁ་ཡིག་ངོས་ནས་ལས་འཕྲོའི་གློག་ཞགས་འཁྱུག་པ་ན།།
ཡིད་འཛིན་དུང་བའི་སྲོག་གི་མེ་ཏོག་ངོ་མཚར་གཟི་རིས་འབར་བ་ལགས།།
མདངས་ཆགས་པདྨའི་ཆུ་མིག་ཁ་རུ་ལན་གཅིག་བཞད་ལ་བདག་གིས་སྒུག།
དགའ་བའི་རི་མོ་སྙིང་ལ་འཁྱིལ་ཡོད་ཚེ་རབས་ལས་ཀྱི་བརྡ་རྟགས་ཡིན།།
དྲན་པའི་མེ་རོ་ཁོག་ནས་རྡོལ་དུས་སྙིང་སྡུག་ཁྱེད་ཀྱི་རྒྱབ་གཟུགས་ཙམ།།
སྐལ་བཟང་ལམ་གྱི་ལྟེམ་ཁ་ཞིག་ནས་ཨེ་མཇལ་རེ་བའི་མེ་ལྕེ་འབར།།
གཉུག་གཤིས་དག་པའི་མེ་ལོང་ངོས་ཀྱི་ཆུ་འཛིན་སྤྲིན་གྱི་ལྷ་མོ་ཀྱེ།།
ཞི་བའི་ངག་གི་པི་ཝང་དཀྲོལ་ནས་དུང་བའི་མི་ལ་མགོན་དུ་གསོལ།།
མི་ཤིགས་གསང་ཚིག་རྡོ་རྗེའི་མགུར་མ་དག་པའི་དབྱངས་ལ་འདྲེན་པ་ཡིས།།
བདེན་པའི་ངག་གི་ཉམས་བརྒྱ་བཀྲོལ་ནས་རྒྱང་ནས་རྒྱང་འབོད་ཁྱེད་ལ་བྱེད།།
འཛུམ་པའི་སྤྱན་གྱི་བྱིན་རླབས་མ་ཉམས་འཇམ་པའི་འོ་ཞིག་བྱེད་རོགས་དང་།།
འཁོར་བར་འཁོར་བའི་སྙིང་པོ་ཟེར་བ་དེ་ལས་གཞན་ཞིག་གང་དུ་ཡོད།།
འཁོས་ཀ་ཞན་པའི་མི་ཚེ་འདི་ལ་དེ་ནི་བདེ་བའི་བྲོ་བ་ཡིན།།
དབྱངས་ཅན་དྲི་ཡི་སྤོས་དཀར་ལྡིང་བའི་མཇལ་མཉེན་ཁྱེད་ཀྱི་ཞབས་མཐིལ་ལ།།
ཞེན་ཆགས་སྟོང་གི་ཕྱིར་མིག་ཁྲོད་ནས་དད་པའི་ཕྱག་ཀྱང་འཚལ་འདོད་ཡོད།།
བསྐོས་པའི་ལྷ་དང་སྐྱེ་བའི་ཚེ་མདུད་དྲན་པའི་རི་ཡི་སྲུང་མ་ལགས།།
ལོ་ཟླའི་རྩྭ་མཐའ་རླུང་གིས་བསྐྱོད་རུང་དངོས་གྲུབ་ཚན་ཁ་མ་ཉམས་དང་།།
རང་གྲོལ་མདུད་རྩི་དངོས་གྲུབ་འཁྱིལ་བ་གཞན་ལ་རེ་བ་དཔེ་མི་སྲིད།།
སྲིད་པའི་གྲོང་གི་ཐོག་ཁང་དེ་ནས་ཁྱོད་དང་ལན་གཅིག་འཕྲད་ཤུལ་དུ།།
ཉིན་མཚན་དུས་ཀྱི་འཁོར་ཞགས་བར་ནས་འདང་གི་ཉི་ཟླ་ཁྱེད་ཕྱོགས་འཁོར།།
སྣང་བའི་ཨ་ལོང་ཁྱེད་ལ་ཐོགས་པ་དེ་ཡང་དབང་མེད་ལས་ཞིག་རེད།།
ལས་ཀྱི་ན་ཚ་སྙིང་དུས་ཕོག་དུས་ཅི་བྱས་འཇོག་ཐབས་མི་འདུག་གོ།།
མདུན་མའི་དར་སྐུད་ཚུར་ལ་སྲིང་དང་དུང་བའི་མདུད་པ་ང་ཡིས་རྒྱབ།།
སྐྱེ་འཆི་རྟ་ཕོའི་ཡུབ་ལུང་གོང་ནས་སྣ་ཚོགས་གཟུགས་མེད་རི་དྭགས་འདེད།།
སྒྱུ་མའི་སྒར་ཁ་ལན་གསུམ་བརྒལ་ཏེ་ཟླ་འོད་འཁྱིལ་བའི་གྲོང་ཁྱེར་མཐོང་།།
བརྩེ་ལྡན་ན་ཆུང་མཁའ་འགྲོ་དབུས་ནས་དྲུག་འགྱུར་གླུ་ཡི་མཆོད་ཁ་འཕངས།།
གསེར་གཤོག་འདབ་མའི་གདུགས་གུར་འོག་ནས་སྤྲུལ་པའི་དར་ལྗང་ཕྱར་བ་ཡིས།།
དག་གསལ་ཏིག་འཛིན་དབྱངས་ཀྱི་བྱ་གླག་སེང་ལྡེང་ནགས་ལ་གཡས་སྐོར་བྱེད།།
ཉག་གའི་གློག་དམར་ལམ་སང་འཁྱུག་ན་རྟོག་པའི་འོ་མཚོ་རླབས་ཀྱིས་འཕྱུར།།
རྩ་ཆེན་མུ་ཏིག་དར་གོས་ཤོམ་རིང་ཁྱིམ་ནས་རྙེད་ཅིང་ཁྱིམ་དུ་བོར།།
བསམ་མི་ཁྱབ་པའི་རྣམ་ཤེས་སྣ་ཚོགས་སྒྲ་མེད་ལོ་མའི་ཚལ་དུ་ཡིབས།།
དྲང་སྲོང་གནས་པའི་རི་ཁྲོད་བྱིན་ཆེན་ཡང་ཡང་དྲན་ན་སྐྱིད་སྣང་འཆར།།
སྦས་པའི་འོད་ཟེར་ས་ནས་འཁྱུག་ཏེ་གནམ་ཏུ་མཆེད་ཚུལ་མཐོང་འདོད་ཀྱིས།།
སྤྲོས་པའི་ཆུ་མོ་ཤུབ་སྒྲ་དང་བཅས་ཕྱོགས་མཐའ་ཡས་པའི་ཐང་ནས་བཞུར།།
ཞེས་ཀྱང་ལྷས།
དབང་མེད་དྲན་པའི་རི་ལུང་དག་ནས་མཛེས་སྡུག་ངང་པ་དལ་གྱིས་རྒྱུ།།
སྐྱེ་བ་གཅིག་གི་ཁ་ཡིག་ངོས་ནས་ལས་འཕྲོའི་གློག་ཞགས་འཁྱུག་པ་ན།།
ཡིད་འཛིན་དུང་བའི་སྲོག་གི་མེ་ཏོག་ངོ་མཚར་གཟི་རིས་འབར་བ་ལགས།།
མདངས་ཆགས་པདྨའི་ཆུ་མིག་ཁ་རུ་ལན་གཅིག་བཞད་ལ་བདག་གིས་སྒུག།
དགའ་བའི་རི་མོ་སྙིང་ལ་འཁྱིལ་ཡོད་ཚེ་རབས་ལས་ཀྱི་བརྡ་རྟགས་ཡིན།།
དྲན་པའི་མེ་རོ་ཁོག་ནས་རྡོལ་དུས་སྙིང་སྡུག་ཁྱེད་ཀྱི་རྒྱབ་གཟུགས་ཙམ།།
སྐལ་བཟང་ལམ་གྱི་ལྟེམ་ཁ་ཞིག་ནས་ཨེ་མཇལ་རེ་བའི་མེ་ལྕེ་འབར།།
གཉུག་གཤིས་དག་པའི་མེ་ལོང་ངོས་ཀྱི་ཆུ་འཛིན་སྤྲིན་གྱི་ལྷ་མོ་ཀྱེ།།
ཞི་བའི་ངག་གི་པི་ཝང་དཀྲོལ་ནས་དུང་བའི་མི་ལ་མགོན་དུ་གསོལ།།
མི་ཤིགས་གསང་ཚིག་རྡོ་རྗེའི་མགུར་མ་དག་པའི་དབྱངས་ལ་འདྲེན་པ་ཡིས།།
བདེན་པའི་ངག་གི་ཉམས་བརྒྱ་བཀྲོལ་ནས་རྒྱང་ནས་རྒྱང་འབོད་ཁྱེད་ལ་བྱེད།།
འཛུམ་པའི་སྤྱན་གྱི་བྱིན་རླབས་མ་ཉམས་འཇམ་པའི་འོ་ཞིག་བྱེད་རོགས་དང་།།
འཁོར་བར་འཁོར་བའི་སྙིང་པོ་ཟེར་བ་དེ་ལས་གཞན་ཞིག་གང་དུ་ཡོད།།
འཁོས་ཀ་ཞན་པའི་མི་ཚེ་འདི་ལ་དེ་ནི་བདེ་བའི་བྲོ་བ་ཡིན།།
དབྱངས་ཅན་དྲི་ཡི་སྤོས་དཀར་ལྡིང་བའི་མཇལ་མཉེན་ཁྱེད་ཀྱི་ཞབས་མཐིལ་ལ།།
ཞེན་ཆགས་སྟོང་གི་ཕྱིར་མིག་ཁྲོད་ནས་དད་པའི་ཕྱག་ཀྱང་འཚལ་འདོད་ཡོད།།
བསྐོས་པའི་ལྷ་དང་སྐྱེ་བའི་ཚེ་མདུད་དྲན་པའི་རི་ཡི་སྲུང་མ་ལགས།།
ལོ་ཟླའི་རྩྭ་མཐའ་རླུང་གིས་བསྐྱོད་རུང་དངོས་གྲུབ་ཚན་ཁ་མ་ཉམས་དང་།།
རང་གྲོལ་མདུད་རྩི་དངོས་གྲུབ་འཁྱིལ་བ་གཞན་ལ་རེ་བ་དཔེ་མི་སྲིད།།
སྲིད་པའི་གྲོང་གི་ཐོག་ཁང་དེ་ནས་ཁྱོད་དང་ལན་གཅིག་འཕྲད་ཤུལ་དུ།།
ཉིན་མཚན་དུས་ཀྱི་འཁོར་ཞགས་བར་ནས་འདང་གི་ཉི་ཟླ་ཁྱེད་ཕྱོགས་འཁོར།།
སྣང་བའི་ཨ་ལོང་ཁྱེད་ལ་ཐོགས་པ་དེ་ཡང་དབང་མེད་ལས་ཞིག་རེད།།
ལས་ཀྱི་ན་ཚ་སྙིང་དུས་ཕོག་དུས་ཅི་བྱས་འཇོག་ཐབས་མི་འདུག་གོ།།
མདུན་མའི་དར་སྐུད་ཚུར་ལ་སྲིང་དང་དུང་བའི་མདུད་པ་ང་ཡིས་རྒྱབ།།
སྐྱེ་འཆི་རྟ་ཕོའི་ཡུབ་ལུང་གོང་ནས་སྣ་ཚོགས་གཟུགས་མེད་རི་དྭགས་འདེད།།
སྒྱུ་མའི་སྒར་ཁ་ལན་གསུམ་བརྒལ་ཏེ་ཟླ་འོད་འཁྱིལ་བའི་གྲོང་ཁྱེར་མཐོང་།།
བརྩེ་ལྡན་ན་ཆུང་མཁའ་འགྲོ་དབུས་ནས་དྲུག་འགྱུར་གླུ་ཡི་མཆོད་ཁ་འཕངས།།
གསེར་གཤོག་འདབ་མའི་གདུགས་གུར་འོག་ནས་སྤྲུལ་པའི་དར་ལྗང་ཕྱར་བ་ཡིས།།
དག་གསལ་ཏིག་འཛིན་དབྱངས་ཀྱི་བྱ་གླག་སེང་ལྡེང་ནགས་ལ་གཡས་སྐོར་བྱེད།།
ཉག་གའི་གློག་དམར་ལམ་སང་འཁྱུག་ན་རྟོག་པའི་འོ་མཚོ་རླབས་ཀྱིས་འཕྱུར།།
རྩ་ཆེན་མུ་ཏིག་དར་གོས་ཤོམ་རིང་ཁྱིམ་ནས་རྙེད་ཅིང་ཁྱིམ་དུ་བོར།།
བསམ་མི་ཁྱབ་པའི་རྣམ་ཤེས་སྣ་ཚོགས་སྒྲ་མེད་ལོ་མའི་ཚལ་དུ་ཡིབས།།
དྲང་སྲོང་གནས་པའི་རི་ཁྲོད་བྱིན་ཆེན་ཡང་ཡང་དྲན་ན་སྐྱིད་སྣང་འཆར།།
སྦས་པའི་འོད་ཟེར་ས་ནས་འཁྱུག་ཏེ་གནམ་ཏུ་མཆེད་ཚུལ་མཐོང་འདོད་ཀྱིས།།
སྤྲོས་པའི་ཆུ་མོ་ཤུབ་སྒྲ་དང་བཅས་ཕྱོགས་མཐའ་ཡས་པའི་ཐང་ནས་བཞུར།།
ཞེས་ཀྱང་ལྷས།
