ར་བ་གངས་ཀྱིས་རྒྱན་པའི་མཛེས་ལྡན་གྱི་སྐྱེད་ཚལ།།
ཆོས་སྲིད་རྒྱལ་བསྟན་མི་ནུབ་བ་དན་ལྟར་བསྒྲེངས་པ།།
བརྗོད་དཀའ་དོན་གྱི་མཚན་ཙམ་སླར་ཡང་ཞིག་སྨོས་ན།།
ངག་དབང་བློ་གྲོས་རྗེ་བོ་ཕུན་ཚོགས་ཀྱི་མངའ་བདག།
གསེར་ཞལ་དུང་ཟླ་མཁའ་དབྱིངས་རྒྱུ་སྐར་གྱི་དབུས་སུ།།
རེ་བའི་འོད་སྣང་གསལ་བ་བརྗིད་ལྡན་གྱི་ལྷ་མཆོག།
དྲི་མེད་དྭངས་གཙང་ཁོར་ཡུག་ལྷ་ལམ་གྱི་ཚལ་དུ།།
ངོ་མཚར་ཆོས་སྒྲ་སྙན་པ་སྲིད་གསུམ་ལ་འགུལ་བྱུང་།།
ཉིན་མོར་ཐོས་པའི་ལྟ་རྒྱ་འུར་འུར་གྱི་ཡོ་ལང་།།
མཚན་མོར་སྤོང་པའི་བསམ་གཏན་ལྷིང་འཇགས་གེར་གནས་པའི།།
སྡོམ་གསུམ་དག་པའི་ག་པུར་དྲི་ཞིམ་གྱི་ར་བ།།
དད་པའི་རྟེན་ཕུལ་རྒྱལ་བསྟན་མི་ནུབ་ཀྱི་དབང་པོ།།
གྲུ་འཛིན་ནོར་བུའི་དགའ་ཚལ་མ་ལ་ཡི་ཞིང་ཁམས།།
ངུར་སྨྲིག་ག་ཤལ་བཀླུབས་པའི་མཛེས་ལྡན་གྱི་ཡིད་འཕྲོག།
གང་གི་གཟུགས་ལ་ཆགས་པའི་ལུང་རིགས་ཀྱི་དཔའ་བོ།།
རྒྱལ་བསྟན་ཤིང་རྟ་འདྲེན་པའི་བློ་གྲོས་ཀྱི་གཞོན་ཆུང་།།
ལེགས་བཤད་སྦྲང་ཆར་དབྱར་གཞུང་སྐལ་བཟང་གི་དུས་ལ།།
ཤེས་རབ་མེ་ཏོག་འཛུམ་བརྒྱ་ལྷུག་ལྷུག་དེ་གྲོལ་སོང་།།
རི་གླུ་སྙན་སྙན་ལེན་པའི་རྐང་དྲུག་གི་ལྷ་ཚོགས།།
བཤད་སྒྲུབ་འོད་གསལ་དགའ་ཚལ་ཡང་ནས་ཡང་སྨོན་ནོ།།
ཡོངས་གཅོད་རིག་རྩལ་རྫོགས་པའི་བློ་གསལ་གྱི་ཟླ་གཞོན།།
ཆུ་ནང་ཟླ་བར་སྙམ་པའི་ཐལ་ངག་གི་རྒོལ་བ།།
གཞི་གསུམ་སྦྱོར་བ་མ་ངེས་སུན་འབྱིན་གྱི་ཅོང་སྒྲ།།
སྙན་སྙན་ཁུ་བྱུག་བུ་མོའི་མགྲིན་ངག་ལས་སྙན་པ།།
རྒྱལ་ཕིབས་ཞོགས་སྤྲིན་འཐིབ་པའི་བ་གམ་གྱི་ལྡིང་ཁང་།།
བློ་གསལ་ང་རོའི་དབྱངས་སྙན་ལྷང་ལྷང་དུ་འཇེབས་པ།།
མི་འཇིགས་ཕས་རྒོལ་མྱོས་པའི་རྟུལ་ཕོད་ཀྱི་སེང་གེ།
འཛམ་གླིང་གོ་ལ་ཟླུམ་པོའི་ཡང་རྩེ་རུ་བསྙེགས་སོང་།།
ལང་ཚོ་ཟླ་གཞོན་གསལ་བའི་དྭངས་གཙང་གི་ཁྲིམས་ལྡན།།
ངུར་སྨྲིག་ག་ཤལ་སྤུད་པའི་དྲི་མེད་ཀྱི་ཡིད་འོང་།།
དབུ་སྐྲ་རླུང་ལ་སྤུར་པའི་ངེས་འབྱུང་གི་བརྟུལ་ཞུགས།།
བག་ཡངས་བས་མཐའི་ཚལ་གྱི་སློབ་ཚོགས་རངས་རྨད་དོ།།
ལྡེམ་ལྡེམ་ངང་བའི་ལྷ་མོ་ཡིད་འཕྲོག་གི་མངའ་བདག།
མཛེས་མཛེས་སྨིག་འཁྱོག་བསྐལ་མེས་རབ་འཁྱུད་ཀྱི་རྟ་ལྗང་།།
སྙན་སྙན་དྲི་ཟའི་གླིང་བུ་ཁུ་བྱུག་ལས་སྙན་པ།།
མ་བརྩེར་སྙིང་རྗེའི་ཡིད་ལ་དམ་པོར་རེ་ཆིངས་ཤིག།
ཆོས་སྲིད་རྒྱལ་བསྟན་མི་ནུབ་བ་དན་ལྟར་བསྒྲེངས་པ།།
བརྗོད་དཀའ་དོན་གྱི་མཚན་ཙམ་སླར་ཡང་ཞིག་སྨོས་ན།།
ངག་དབང་བློ་གྲོས་རྗེ་བོ་ཕུན་ཚོགས་ཀྱི་མངའ་བདག།
གསེར་ཞལ་དུང་ཟླ་མཁའ་དབྱིངས་རྒྱུ་སྐར་གྱི་དབུས་སུ།།
རེ་བའི་འོད་སྣང་གསལ་བ་བརྗིད་ལྡན་གྱི་ལྷ་མཆོག།
དྲི་མེད་དྭངས་གཙང་ཁོར་ཡུག་ལྷ་ལམ་གྱི་ཚལ་དུ།།
ངོ་མཚར་ཆོས་སྒྲ་སྙན་པ་སྲིད་གསུམ་ལ་འགུལ་བྱུང་།།
ཉིན་མོར་ཐོས་པའི་ལྟ་རྒྱ་འུར་འུར་གྱི་ཡོ་ལང་།།
མཚན་མོར་སྤོང་པའི་བསམ་གཏན་ལྷིང་འཇགས་གེར་གནས་པའི།།
སྡོམ་གསུམ་དག་པའི་ག་པུར་དྲི་ཞིམ་གྱི་ར་བ།།
དད་པའི་རྟེན་ཕུལ་རྒྱལ་བསྟན་མི་ནུབ་ཀྱི་དབང་པོ།།
གྲུ་འཛིན་ནོར་བུའི་དགའ་ཚལ་མ་ལ་ཡི་ཞིང་ཁམས།།
ངུར་སྨྲིག་ག་ཤལ་བཀླུབས་པའི་མཛེས་ལྡན་གྱི་ཡིད་འཕྲོག།
གང་གི་གཟུགས་ལ་ཆགས་པའི་ལུང་རིགས་ཀྱི་དཔའ་བོ།།
རྒྱལ་བསྟན་ཤིང་རྟ་འདྲེན་པའི་བློ་གྲོས་ཀྱི་གཞོན་ཆུང་།།
ལེགས་བཤད་སྦྲང་ཆར་དབྱར་གཞུང་སྐལ་བཟང་གི་དུས་ལ།།
ཤེས་རབ་མེ་ཏོག་འཛུམ་བརྒྱ་ལྷུག་ལྷུག་དེ་གྲོལ་སོང་།།
རི་གླུ་སྙན་སྙན་ལེན་པའི་རྐང་དྲུག་གི་ལྷ་ཚོགས།།
བཤད་སྒྲུབ་འོད་གསལ་དགའ་ཚལ་ཡང་ནས་ཡང་སྨོན་ནོ།།
ཡོངས་གཅོད་རིག་རྩལ་རྫོགས་པའི་བློ་གསལ་གྱི་ཟླ་གཞོན།།
ཆུ་ནང་ཟླ་བར་སྙམ་པའི་ཐལ་ངག་གི་རྒོལ་བ།།
གཞི་གསུམ་སྦྱོར་བ་མ་ངེས་སུན་འབྱིན་གྱི་ཅོང་སྒྲ།།
སྙན་སྙན་ཁུ་བྱུག་བུ་མོའི་མགྲིན་ངག་ལས་སྙན་པ།།
རྒྱལ་ཕིབས་ཞོགས་སྤྲིན་འཐིབ་པའི་བ་གམ་གྱི་ལྡིང་ཁང་།།
བློ་གསལ་ང་རོའི་དབྱངས་སྙན་ལྷང་ལྷང་དུ་འཇེབས་པ།།
མི་འཇིགས་ཕས་རྒོལ་མྱོས་པའི་རྟུལ་ཕོད་ཀྱི་སེང་གེ།
འཛམ་གླིང་གོ་ལ་ཟླུམ་པོའི་ཡང་རྩེ་རུ་བསྙེགས་སོང་།།
ལང་ཚོ་ཟླ་གཞོན་གསལ་བའི་དྭངས་གཙང་གི་ཁྲིམས་ལྡན།།
ངུར་སྨྲིག་ག་ཤལ་སྤུད་པའི་དྲི་མེད་ཀྱི་ཡིད་འོང་།།
དབུ་སྐྲ་རླུང་ལ་སྤུར་པའི་ངེས་འབྱུང་གི་བརྟུལ་ཞུགས།།
བག་ཡངས་བས་མཐའི་ཚལ་གྱི་སློབ་ཚོགས་རངས་རྨད་དོ།།
ལྡེམ་ལྡེམ་ངང་བའི་ལྷ་མོ་ཡིད་འཕྲོག་གི་མངའ་བདག།
མཛེས་མཛེས་སྨིག་འཁྱོག་བསྐལ་མེས་རབ་འཁྱུད་ཀྱི་རྟ་ལྗང་།།
སྙན་སྙན་དྲི་ཟའི་གླིང་བུ་ཁུ་བྱུག་ལས་སྙན་པ།།
མ་བརྩེར་སྙིང་རྗེའི་ཡིད་ལ་དམ་པོར་རེ་ཆིངས་ཤིག།
