ཉེར་གཅིག་མྱུར་འཕྲིན་ལམ་ནས་མི་སྣ་སྣ་ཚོགས་འཕྲིན་གྱི་ཟུར་ནས་འཕྲད། །
དང་གི་ཐོག་མའི་ཁམས་བདེ་འཚམས་འདྲིས་བཀྲ་ཤིས་བདེ་ལེགས་འཛུམ་གྱིས་བསུས། །
ཉིན་གཅིག་ཉིན་གཉིས་སོང་རྗེས་ངོ་ཤེས་གླེང་མོའི་དབྱིངས་སུ་ཚུད་ཅིང་དགོད། །
ཡིད་གཉིས་མཐུན་ཅིང་ཕན་ཚུན་མཛའ་བརྩེ་ཟབ་མོ་ཐ་གུའི་འཁྱུད་ཅིང་རོལ། །
སྔོན་བསགས་ལས་དང་ལས་སྨོན་བཟང་པོས་ཉེར་ལེན་བྱས་པའི་ནུས་མཐུ་ཡིས། །
གཡང་དཀར་ཁྱུ་ཚོགས་གྲལ་ལྟར་བསྒྲིགས་པའི་གྲོང་ཁྱེར་ཚོང་རའི་དབུས་འདི་རུ། །
མི་ཚོགས་བརྒྱ་སྟོང་ཀློང་ནས་ཁྱེད་ཀྱི་དྲི་ཞིམ་ལྷང་ངེར་མདངས་བཞིན་འཕྲོ། །
གཡས་གཡོན་ཚོང་རའི་དབུས་སུ་ཁྱེད་ཀྱི་བཞིན་རས་ཐོག་མ་འདི་ནས་མཇལ། །
ད་ཐེངས་མཇལ་བའི་ལོ་རྒྱུས་མ་གཏོགས་རྒྱབ་ལྗོངས་ཆ་རྒྱུས་ཅི་ཡང་མེད། །
བརྩེ་དུང་མེ་ལྕེ་རབ་ཏུ་འབར་ནས་འཐམས་འཁྱུད་མཚན་གཅིག་སྐྱེལ་མྱོང་མེད། །
མཇལ་བའི་ཁྲོད་ནས་གད་མོ་ཙམ་ལས་འདོད་གཏམ་ཙམ་ཡང་བཤད་མྱོང་མེད། །
གཞན་གྱི་བལྟས་ན་སྤུན་མཆེད་ཙམ་ལས་བློ་གཞན་འཆར་བ་ག་ལ་སྲིད། །
སུན་སྒྲ་དབེན་པའི་གངས་ལྷ་མེ་ཏོག་ཇ་ཁང་ནང་དུ་ཡིད་ཀྱི་སྟོན་མོ་བཤམས། །
དམར་ཆུང་སེམས་ཀྱི་བུ་ཆུང་ལང་ཤོར་འཕུར་ལྡིང་གཅིག་གིས་ཁྱེད་སར་ལྡིང་། །
ཇ་འཐུང་ཕོར་བའི་ཟུར་ནས་ཁྱེད་ལ་རིག་རིག་ལན་བརྒྱས་བལྟ་བར་ཤོར། །
ག་ཚོད་བལྟས་ཀྱང་ངོམ་པ་མེད་ཅིང་ཐུབ་པའི་སྣང་བརྙན་དང་འདྲ་བ། །
ན་གཞོན་ཡིན་ཟེར་ཀྲོག་ཀྲོག་ཆ་ཆས་འདྲ་མིན་ཙམ་གྱི་དྲི་མ་མེད། །
ཡ་རབས་ཕྱག་དང་གུས་ལུགས་ཟབ་ཅིང་ཀུན་ལ་ཉེ་རིང་རྩ་ནས་མེད། །
ཕོ་བརྒྱ་འཕྲོག་ཅིང་མོ་བརྒྱ་མ་བཟོད་ཁྲག་རླུང་ཚང་ནས་བརྒྱལ་བ་མེད། །
ཕ་མའི་གསུང་ལྟར་རང་རང་ལས་ལ་བརྩོད་བཞིན་མི་རྣམས་འཛུམ་གྱིས་བསུ། །
ཁྱེད་ཀྱི་རྣམ་འགྱུར་རེ་རེས་མི་ཆེན་ཡིན་ཡང་སེམས་པ་འཕྲོག་པར་བྱེད། །
ལུས་ཀྱི་འཇོ་སྒེག་ལྡེམ་ལྡེམ་གཡོ་བ་ཕྲ་ལྕུག་སྨྱུག་གསར་ཅན་དང་མཚུངས། །
འདོད་པའི་ཆར་ཞིག་གཡོ་བས་བུ་ཆུང་མིག་མདའི་ལྐོག་མདའ་ཁྱེད་ལ་གཏད། །
ཚུལ་ལ་འཛུམ་གྱི་པད་ཆུང་མཚེར་བཞིན་བརྩེ་སེམས་མཚོན་པའི་བརྡ་ཞིག་མེད། །
དྭངས་ཤིང་བསིལ་བའི་ཉ་གང་ཟླ་བར་འགྲན་པའི་མིག་གཉིས་ཁྲ་འཁྱིལ་ཝེར། །
མཁུར་ཚོས་དམར་མདངས་རན་ལ་ཁམ་བུའི་མདོག་དང་ལྡན་བཞིན་ཤ་འཇམ་མ། །
གཤིས་འཇམ་རི་དྭགས་མིག་ཅན་ཁྱེད་ཉིད་མྱང་སྟོད་གཞུང་ལ་ཨ་ཡོད་བསམ། །
དེང་དུས་གཞིས་རྩེའི་གཞོན་ནུ་ཆང་འཐུང་མ་གཡེངས་ཁོ་མོ་སྒུག་བར་ཤོག །
མུ་ཏིག་གྲལ་ལྟར་བསྒྲིགས་པའི་ཚེམས་ཕྲེང་དཀར་པོ་འོད་ཆུང་རླབས་ཀྱིས་མཛེས། །
བིམྤ་ལྟར་དམར་སྐྱེ་རྣམས་མཆུ་ཡི་མདའ་རེ་འཕན་འདོད་ངམ་གྱིས་འཕྱུར། །
ལག་གཉིས་རིང་ཐུང་གཉོམ་བཞིན་ལག་འཁྱུད་བྱེད་ན་འདོད་པའི་སྐྱེ་བོ་དག །
སྐེད་སྐབས་ལྡེམ་འཁྱུག་སྒྱུ་རྩལ་རེ་རེས་ཕོ་སྐྱེས་དར་མའི་སྙིང་ཁམས་དཀྲུགས། །
མགྲིན་གྱི་འགྱུར་ཁུག་སྙན་ཞིང་བཟང་ལ་ཁུག་རྟའི་སྐད་ལྟར་འཇེབས། །
ངོས་གཉོམ་ལེགས་ལ་མ་ལེ་འོག་ཏུ་མྱོས་བུམ་གཟུགས་བརྙན་འབུར་འབུར་ཅན། །
དམར་པོའི་ལྕེ་འདི་འགུལ་ཡང་ཕན་ཚུན་དགའ་པོ་ཡོད་ཟེར་ཚིག་ཙམ་མེད།
སྒོ་ལྔའི་དབང་པོ་ཁྱེད་ལ་ཤོར་བཞིན་ཉིན་མཚན་དབྱེར་མེད་དྲན་པས་མནར། །
རིག་འཛིན་ཚངས་དབྱངས་རྒྱ་མཚོ་དགའ་ལོར་ཆགས་ནས་གཟན་ཤམ་རླུང་ལ་བསྐུར། །
དགེ་ཆོས་ཆང་དང་བུ་མོར་དགའ་སྟེ་ཆོས་ཁྲིམས་དར་གྱི་མདུད་པ་བཅད། །
སྐྱེས་ཆེན་དམ་པས་མཛེས་མའི་དོན་དུ་བློས་གཏོང་འདི་ཙམ་བྱེད་ཕོད་ན། །
འདོད་སྲེད་ཆང་གིས་སྨྱོན་པར་བཏང་པའི་དབྱུག་སྲས་སྙན་ངག་ལོས་ལ་འབྲི། །
ནག་ནོག་དྲི་མའི་སྐྱོན་གྱིས་མ་གོས་ཞལ་རས་ཟླ་བ་དཀར་པོའི་ངོས། །
སྤྲིན་མེད་ཐོ་རེངས་སྐར་ཆེན་ནང་བཞིན་ནག་ནོག་སྦགས་པ་ཅུང་ཟད་མེད། །
དབྱིབས་མཛེས་རྣ་བའི་བུ་གའི་ཟུར་ནས་འོད་མདངས་འཁྱུག་པའི་རྣ་རྒྱན་མཚར། །
མཚར་སྡུག་བཀྲ་བའི་མཚོ་བྱུང་མ་འདི་མི་ཡི་གཟུགས་སུ་བྱོན་པ་བཞིན། །
ན་ཚོད་ཆེ་ཆུང་ཅིར་ཡང་མཚུངས་ཤིང་ཁོ་མོ་ཁྱིམ་ཐབ་མ་བཟུང་འདུག །
ཁ་འབྲས་མཚར་བའི་མཛེས་མའི་ཕུད་དུ་ཀེར་ན་ཀེར་རིན་ཆོག་པ་གཅིག །
བདག་གི་སྙིང་ཁ་ལྷོག་ལྷོག་ཁྱེད་ལ་གཏད་དེ་ཡོངས་རྫོགས་འཕྲོག་པར་བྱེད། །
འཆི་མེད་བུ་མོ་མཚར་ཡང་ཁོང་ལས་ལྷག་པ་ཡིད་ཆེས་ག་ལ་ཕོད། །
གཟུགས་ཀྱིས་ཁ་དོག་ཨུཏྤལ་འགྲན་བཞིན་མཛངས་མའི་ཡོན་ཏན་བརྒྱད་ཀྱིས་ཕྱུག །
མངའ་རིས་དབུས་གཙང་སྒང་དྲུག་ཡུལ་འདིར་བུ་མོ་འདི་བཞིན་ཨེ་ཡོད་སྙམ། །
གཡུ་སྦྲང་གཞོན་ནུ་དྲི་ཞིམ་མེ་ཏོག་འཁོར་འཁོར་འདི་ལ་ཡང་དུ་འཁོར། །
རང་སྲོག་རྟ་རྔ་ཙམ་འདི་ཁྱེད་ཀྱི་དོན་དུ་བརླག་ནའང་འགྱོད་པ་དབེན། །
མཚན་མོ་ཉལ་བའི་གཉིད་དང་ཉིན་མོ་འགུལ་བའི་ལས་ཞོར་མཐའ་དག་ཏུ། །
བརྩེ་སེམས་རི་རབ་ལྷུན་པོའི་སྟེང་དུ་ཁྱེད་ཀྱི་བྲོ་གར་འཁྲབ་སྣང་འཆར། །
ཉིན་མཚན་ཁོར་མོ་ཡུག་ཏུ་ཁྱེད་ཀྱི་མིང་ལ་ཟླས་བརྗོད་བྱས་དྲགས་ནས། །
འགྲམ་པའི་རུས་ཟད་ཁྱེད་ལ་དགའ་བའི་ནམ་ཚོད་སུ་ཡིས་དཔོག་པར་ནུས། །
མཚན་གྱི་གུང་འདིར་ཉིང་འཁྲུལ་ནང་དུ་ལྷ༵ག་པ༵་བུ༵་ཁྲི༵ད་གཏང་བའི་མོད། །
གཉིད་ལས་སད་ཚེ་སྔ་ལྟས་ཡ་མཚན་འཆར་བཞིན་སེམས་པ་སྐྱོ་ཤས་བརླན། །
རང་རང་ཁ་ཕྱོགས་མི་མཐུན་ལམ་སྟེང་ལམ་གཅིག་འགྲུལ་པ་མིན་པར་ཤེས། །
བརྩེ་བ་དྲོན་མོས་ལག་བརྡ་གཏོང་བཞིན་བྲལ་དགོས་ནམ་མཁའི་དགོངས་པ་རེད། །
ཚེ་འདི་ངོ་ཤེས་བྱུང་བའི་སྐལ་བ་འདི་ལས་མེད་པས་དང་ལེན་བྱོས། །
ཚེ་གང་རྟེན་གྲོགས་སྒྲིག་པའི་འབྲས་བུ་མེད་པར་སུ་ལའང་ཁག་འགེལ་མེད། །
ཚེ་འདི་གང་འདོད་སྒྲུབ་པའི་མཛངས་མ་ཁྱེད་ལ་རྟག་ཏུ་སྨོན་ལམ་འདེབས། །
ཕྱི་མ་དག་པ་ལྷ་ཡི་ཞིང་དུ་འཛོམས་པའི་དཀོན་ཅོག་སྨོན་ལམ་ཞུ། །
དང་གི་ཐོག་མའི་ཁམས་བདེ་འཚམས་འདྲིས་བཀྲ་ཤིས་བདེ་ལེགས་འཛུམ་གྱིས་བསུས། །
ཉིན་གཅིག་ཉིན་གཉིས་སོང་རྗེས་ངོ་ཤེས་གླེང་མོའི་དབྱིངས་སུ་ཚུད་ཅིང་དགོད། །
ཡིད་གཉིས་མཐུན་ཅིང་ཕན་ཚུན་མཛའ་བརྩེ་ཟབ་མོ་ཐ་གུའི་འཁྱུད་ཅིང་རོལ། །
སྔོན་བསགས་ལས་དང་ལས་སྨོན་བཟང་པོས་ཉེར་ལེན་བྱས་པའི་ནུས་མཐུ་ཡིས། །
གཡང་དཀར་ཁྱུ་ཚོགས་གྲལ་ལྟར་བསྒྲིགས་པའི་གྲོང་ཁྱེར་ཚོང་རའི་དབུས་འདི་རུ། །
མི་ཚོགས་བརྒྱ་སྟོང་ཀློང་ནས་ཁྱེད་ཀྱི་དྲི་ཞིམ་ལྷང་ངེར་མདངས་བཞིན་འཕྲོ། །
གཡས་གཡོན་ཚོང་རའི་དབུས་སུ་ཁྱེད་ཀྱི་བཞིན་རས་ཐོག་མ་འདི་ནས་མཇལ། །
ད་ཐེངས་མཇལ་བའི་ལོ་རྒྱུས་མ་གཏོགས་རྒྱབ་ལྗོངས་ཆ་རྒྱུས་ཅི་ཡང་མེད། །
བརྩེ་དུང་མེ་ལྕེ་རབ་ཏུ་འབར་ནས་འཐམས་འཁྱུད་མཚན་གཅིག་སྐྱེལ་མྱོང་མེད། །
མཇལ་བའི་ཁྲོད་ནས་གད་མོ་ཙམ་ལས་འདོད་གཏམ་ཙམ་ཡང་བཤད་མྱོང་མེད། །
གཞན་གྱི་བལྟས་ན་སྤུན་མཆེད་ཙམ་ལས་བློ་གཞན་འཆར་བ་ག་ལ་སྲིད། །
སུན་སྒྲ་དབེན་པའི་གངས་ལྷ་མེ་ཏོག་ཇ་ཁང་ནང་དུ་ཡིད་ཀྱི་སྟོན་མོ་བཤམས། །
དམར་ཆུང་སེམས་ཀྱི་བུ་ཆུང་ལང་ཤོར་འཕུར་ལྡིང་གཅིག་གིས་ཁྱེད་སར་ལྡིང་། །
ཇ་འཐུང་ཕོར་བའི་ཟུར་ནས་ཁྱེད་ལ་རིག་རིག་ལན་བརྒྱས་བལྟ་བར་ཤོར། །
ག་ཚོད་བལྟས་ཀྱང་ངོམ་པ་མེད་ཅིང་ཐུབ་པའི་སྣང་བརྙན་དང་འདྲ་བ། །
ན་གཞོན་ཡིན་ཟེར་ཀྲོག་ཀྲོག་ཆ་ཆས་འདྲ་མིན་ཙམ་གྱི་དྲི་མ་མེད། །
ཡ་རབས་ཕྱག་དང་གུས་ལུགས་ཟབ་ཅིང་ཀུན་ལ་ཉེ་རིང་རྩ་ནས་མེད། །
ཕོ་བརྒྱ་འཕྲོག་ཅིང་མོ་བརྒྱ་མ་བཟོད་ཁྲག་རླུང་ཚང་ནས་བརྒྱལ་བ་མེད། །
ཕ་མའི་གསུང་ལྟར་རང་རང་ལས་ལ་བརྩོད་བཞིན་མི་རྣམས་འཛུམ་གྱིས་བསུ། །
ཁྱེད་ཀྱི་རྣམ་འགྱུར་རེ་རེས་མི་ཆེན་ཡིན་ཡང་སེམས་པ་འཕྲོག་པར་བྱེད། །
ལུས་ཀྱི་འཇོ་སྒེག་ལྡེམ་ལྡེམ་གཡོ་བ་ཕྲ་ལྕུག་སྨྱུག་གསར་ཅན་དང་མཚུངས། །
འདོད་པའི་ཆར་ཞིག་གཡོ་བས་བུ་ཆུང་མིག་མདའི་ལྐོག་མདའ་ཁྱེད་ལ་གཏད། །
ཚུལ་ལ་འཛུམ་གྱི་པད་ཆུང་མཚེར་བཞིན་བརྩེ་སེམས་མཚོན་པའི་བརྡ་ཞིག་མེད། །
དྭངས་ཤིང་བསིལ་བའི་ཉ་གང་ཟླ་བར་འགྲན་པའི་མིག་གཉིས་ཁྲ་འཁྱིལ་ཝེར། །
མཁུར་ཚོས་དམར་མདངས་རན་ལ་ཁམ་བུའི་མདོག་དང་ལྡན་བཞིན་ཤ་འཇམ་མ། །
གཤིས་འཇམ་རི་དྭགས་མིག་ཅན་ཁྱེད་ཉིད་མྱང་སྟོད་གཞུང་ལ་ཨ་ཡོད་བསམ། །
དེང་དུས་གཞིས་རྩེའི་གཞོན་ནུ་ཆང་འཐུང་མ་གཡེངས་ཁོ་མོ་སྒུག་བར་ཤོག །
མུ་ཏིག་གྲལ་ལྟར་བསྒྲིགས་པའི་ཚེམས་ཕྲེང་དཀར་པོ་འོད་ཆུང་རླབས་ཀྱིས་མཛེས། །
བིམྤ་ལྟར་དམར་སྐྱེ་རྣམས་མཆུ་ཡི་མདའ་རེ་འཕན་འདོད་ངམ་གྱིས་འཕྱུར། །
ལག་གཉིས་རིང་ཐུང་གཉོམ་བཞིན་ལག་འཁྱུད་བྱེད་ན་འདོད་པའི་སྐྱེ་བོ་དག །
སྐེད་སྐབས་ལྡེམ་འཁྱུག་སྒྱུ་རྩལ་རེ་རེས་ཕོ་སྐྱེས་དར་མའི་སྙིང་ཁམས་དཀྲུགས། །
མགྲིན་གྱི་འགྱུར་ཁུག་སྙན་ཞིང་བཟང་ལ་ཁུག་རྟའི་སྐད་ལྟར་འཇེབས། །
ངོས་གཉོམ་ལེགས་ལ་མ་ལེ་འོག་ཏུ་མྱོས་བུམ་གཟུགས་བརྙན་འབུར་འབུར་ཅན། །
དམར་པོའི་ལྕེ་འདི་འགུལ་ཡང་ཕན་ཚུན་དགའ་པོ་ཡོད་ཟེར་ཚིག་ཙམ་མེད།
སྒོ་ལྔའི་དབང་པོ་ཁྱེད་ལ་ཤོར་བཞིན་ཉིན་མཚན་དབྱེར་མེད་དྲན་པས་མནར། །
རིག་འཛིན་ཚངས་དབྱངས་རྒྱ་མཚོ་དགའ་ལོར་ཆགས་ནས་གཟན་ཤམ་རླུང་ལ་བསྐུར། །
དགེ་ཆོས་ཆང་དང་བུ་མོར་དགའ་སྟེ་ཆོས་ཁྲིམས་དར་གྱི་མདུད་པ་བཅད། །
སྐྱེས་ཆེན་དམ་པས་མཛེས་མའི་དོན་དུ་བློས་གཏོང་འདི་ཙམ་བྱེད་ཕོད་ན། །
འདོད་སྲེད་ཆང་གིས་སྨྱོན་པར་བཏང་པའི་དབྱུག་སྲས་སྙན་ངག་ལོས་ལ་འབྲི། །
ནག་ནོག་དྲི་མའི་སྐྱོན་གྱིས་མ་གོས་ཞལ་རས་ཟླ་བ་དཀར་པོའི་ངོས། །
སྤྲིན་མེད་ཐོ་རེངས་སྐར་ཆེན་ནང་བཞིན་ནག་ནོག་སྦགས་པ་ཅུང་ཟད་མེད། །
དབྱིབས་མཛེས་རྣ་བའི་བུ་གའི་ཟུར་ནས་འོད་མདངས་འཁྱུག་པའི་རྣ་རྒྱན་མཚར། །
མཚར་སྡུག་བཀྲ་བའི་མཚོ་བྱུང་མ་འདི་མི་ཡི་གཟུགས་སུ་བྱོན་པ་བཞིན། །
ན་ཚོད་ཆེ་ཆུང་ཅིར་ཡང་མཚུངས་ཤིང་ཁོ་མོ་ཁྱིམ་ཐབ་མ་བཟུང་འདུག །
ཁ་འབྲས་མཚར་བའི་མཛེས་མའི་ཕུད་དུ་ཀེར་ན་ཀེར་རིན་ཆོག་པ་གཅིག །
བདག་གི་སྙིང་ཁ་ལྷོག་ལྷོག་ཁྱེད་ལ་གཏད་དེ་ཡོངས་རྫོགས་འཕྲོག་པར་བྱེད། །
འཆི་མེད་བུ་མོ་མཚར་ཡང་ཁོང་ལས་ལྷག་པ་ཡིད་ཆེས་ག་ལ་ཕོད། །
གཟུགས་ཀྱིས་ཁ་དོག་ཨུཏྤལ་འགྲན་བཞིན་མཛངས་མའི་ཡོན་ཏན་བརྒྱད་ཀྱིས་ཕྱུག །
མངའ་རིས་དབུས་གཙང་སྒང་དྲུག་ཡུལ་འདིར་བུ་མོ་འདི་བཞིན་ཨེ་ཡོད་སྙམ། །
གཡུ་སྦྲང་གཞོན་ནུ་དྲི་ཞིམ་མེ་ཏོག་འཁོར་འཁོར་འདི་ལ་ཡང་དུ་འཁོར། །
རང་སྲོག་རྟ་རྔ་ཙམ་འདི་ཁྱེད་ཀྱི་དོན་དུ་བརླག་ནའང་འགྱོད་པ་དབེན། །
མཚན་མོ་ཉལ་བའི་གཉིད་དང་ཉིན་མོ་འགུལ་བའི་ལས་ཞོར་མཐའ་དག་ཏུ། །
བརྩེ་སེམས་རི་རབ་ལྷུན་པོའི་སྟེང་དུ་ཁྱེད་ཀྱི་བྲོ་གར་འཁྲབ་སྣང་འཆར། །
ཉིན་མཚན་ཁོར་མོ་ཡུག་ཏུ་ཁྱེད་ཀྱི་མིང་ལ་ཟླས་བརྗོད་བྱས་དྲགས་ནས། །
འགྲམ་པའི་རུས་ཟད་ཁྱེད་ལ་དགའ་བའི་ནམ་ཚོད་སུ་ཡིས་དཔོག་པར་ནུས། །
མཚན་གྱི་གུང་འདིར་ཉིང་འཁྲུལ་ནང་དུ་ལྷ༵ག་པ༵་བུ༵་ཁྲི༵ད་གཏང་བའི་མོད། །
གཉིད་ལས་སད་ཚེ་སྔ་ལྟས་ཡ་མཚན་འཆར་བཞིན་སེམས་པ་སྐྱོ་ཤས་བརླན། །
རང་རང་ཁ་ཕྱོགས་མི་མཐུན་ལམ་སྟེང་ལམ་གཅིག་འགྲུལ་པ་མིན་པར་ཤེས། །
བརྩེ་བ་དྲོན་མོས་ལག་བརྡ་གཏོང་བཞིན་བྲལ་དགོས་ནམ་མཁའི་དགོངས་པ་རེད། །
ཚེ་འདི་ངོ་ཤེས་བྱུང་བའི་སྐལ་བ་འདི་ལས་མེད་པས་དང་ལེན་བྱོས། །
ཚེ་གང་རྟེན་གྲོགས་སྒྲིག་པའི་འབྲས་བུ་མེད་པར་སུ་ལའང་ཁག་འགེལ་མེད། །
ཚེ་འདི་གང་འདོད་སྒྲུབ་པའི་མཛངས་མ་ཁྱེད་ལ་རྟག་ཏུ་སྨོན་ལམ་འདེབས། །
ཕྱི་མ་དག་པ་ལྷ་ཡི་ཞིང་དུ་འཛོམས་པའི་དཀོན་ཅོག་སྨོན་ལམ་ཞུ། །
སྤྱི་ལོ་ 2019 ཟླ་བ་ 5 ཚེས་ 20 ཉིན་གཞིས་ཀ་རྩེ་བོད་ཁྱིམ་མགྲོན་ཁང་དུ་བྲིས།
