སྟོན་མཚན་ཀུན་གསལ་བཻཌཱུའི་ངོགས་སུ་དགུ་ཚིགས་འཕྲེང་ལྟར་བརྒྱུས་པ་ཡི།།
དབུས་སུ་མཛེས་སྡུག་རྣམ་པར་བཀྲ་བའི་དཀར་གསལ་དུང་གི་ཟླ་བ་ནི།།
ལྟ་བས་མི་ངོམས་ལང་ཚོའི་ཆ་ལ་རིག་བྱེད་དབྱངས་ཀྱིས་མི་མཚོན་པར།།
སྙན་ངག་མཁན་པོའི་པིར་གྱི་རྩེ་ནས་ཅུང་ཙམ་ལུད་པའི་རི་མོ་ཡིས།།
ཁོ་བོའི་ཡིད་ཀྱི་གསང་བ་གཏོར་བཞིན་དབྱངས་ཀྱི་རྒྱ་མཚོ་བསྐྱོམས་པས་ན།།
འཆར་ཡན་ཚོར་བའི་སྒོ་མོ་འབྱེད་ཅིང་སྙན་པའི་གདངས་ཤིག་འཐེན་འདོད་ཀྱང་།།
གློ་བུར་མི་འདོད་ལྷག་རླུང་གཟེར་མོས་གནམ་མཐའི་སྤྲིན་པ་གཏོར་བ་དང་།།
ཆིམ་ཆིམ་གཡོ་བའི་ཟླ་བའི་མདངས་ཀྱང་སྤྲིན་གྱི་རྒྱ་རུ་ཚུད་པས་ན།།
ཐལ་འདོད་ཡིད་ཀྱི་ཚོར་བ་རྣོན་པོ་ཟླ་བའི་ཕྱོགས་སུ་མ་འཁོར་བར།།
སྟོན་ཀའི་དུས་ཀྱི་རྣམ་འགྱུར་སྟེང་དུ་འཆར་སྣང་རླུང་བུས་བསྐྱོད་དང་ལྷན།།
འབྲི་འདོད་ཡིད་ཀྱི་དབྱངས་རྟ་སྙན་མོས་སྟོན་ཟླ་ངག་ལ་མ་གྱེར་བར།།
སྣ་ཚོགས་སེམས་ཀྱི་འཆར་སྒོའི་ཀློང་ནས་རེ་ཞིག་དུས་འདི་དབྱངས་སུ་བཀོད།།
གངས་ཀྱི་རི་ལ་ན་བུན་འཁྱིལ་བཞིན་རིམ་གྱིས་སྨུག་པས་རི་ཀླུང་བཀང་།།
དབྱིངས་ནས་ཟགས་པའི་ཁངས་སྐྱ་འདི་ཡང་སྒེའུ་ཁུང་ངོགས་སུ་རླུང་གིས་སྤུར།།
འཚུབ་མ་སྐྱ་བོ་རེས་ཀྱིས་ལྡང་པས་རྩ་སྐྱ་ཐལ་རྡུལ་གནམ་ལ་མཆོད།།
གྲང་བས་མྱོས་པའི་སྟོན་ལྗོངས་རིང་མོ་བསམ་ན་ཡིད་སེམས་ལྷག་ཏུ་འཁྱག།
སྡོང་ལོ་སེར་པོ་རླུང་གིས་སྤུར་བཞིན་རི་རྩེར་སྤྲིན་དང་སྨུག་པས་བཅད།།
ཁུ་བྱུག་འཕུར་བའི་ཤུལ་དུ་ལྷག་པའི་ལ་ཁའི་མེ་ཏོག་སད་ཀྱིས་བཅོམས།།
གནམ་སའི་མདོག་རྒྱ་ཡིད་ལ་གནག་པ་སྟོན་ཀའི་རི་ཀླུང་གསེར་ལྡན་མ།།
སུན་སྣང་རླུང་གི་ཤུགས་ཀྱིས་སྤུར་བའི་བདག་ཡིད་ཁྱེད་ལ་འཕྲེང་ཐབས་ཅི།།
ཁ་བའི་འདབ་མ་ལང་ལོང་གཡོ་ཞིང་རྫ་ཆབ་དྭངས་མོ་ལྷུང་ལྷུང་བཞུར།།
ལྷག་པས་སྒུལ་བའི་ཤུག་ལོའི་གསེང་ནས་བྱ་ཁྱུ་འཕུར་བའི་རྣམ་པ་ལས།།
སྟོན་རླུང་བསིལ་མོའི་རྐྱེན་ལས་བྱུང་བའི་ཁུ་བྱུག་ཤོར་བའི་ཚོར་བ་དེ།།
སླར་ཡང་ཁོ་བོའི་སེམས་སུ་ལྷུང་བས་ཡུད་ཙམ་ཕྱི་དྲན་ཀློང་དུ་གཤེགས།།
རྫ་མགོའི་རྩེ་མོ་གངས་ཀྱིས་བཀླུབས་ཤིང་ནགས་ཀྱི་ལྗོན་པ་རླུང་གིས་བསྐྱོད།།
ཡིད་འོང་མཚོ་མོ་འཁྱག་པས་གོས་ཤིང་དལ་འགྲོ་བུ་མོའི་གཤོག་རྩལ་ཉམས།།
སྨུག་པའི་ཅོད་པཎ་ཐོད་དུ་བསྒྲོགས་པའི་སྟོན་ཀའི་རི་ཚོགས་འདི་མཐོང་ན།།
སྐྱོ་བས་གཙེས་པའི་སེམས་པ་འདི་ཡང་ལྷག་རླུང་མཉམ་དུ་གང་སར་གཡུགས།།
དབྱར་གྱི་དཔལ་མོ་རིང་ནས་གྱེས་པས་རི་ཀླུང་ཐང་གསུམ་སྐྱ་ཡར་རེ།།
ཁུ་བྱུག་འཕུར་ཡུན་ཧ་ཅང་རིང་པས་ལྗོན་པའི་འདབ་ལོ་སེར་ཁྲིག་ཁྲིག།
སྦྲང་ཆར་ཟིལ་མ་འབབ་རྒྱུན་ཆད་པས་སྟོན་རླུང་བསིལ་མོ་གྲང་ཤུར་ཤུར།།
རྩྭ་སྐྱ་གནམ་ལ་སྤུར་བའི་ཁྲོད་ནས་ཡ་ཆུང་སེམས་པ་སྐྱོ་ལྷང་ལྷང་།།
དབུས་སུ་མཛེས་སྡུག་རྣམ་པར་བཀྲ་བའི་དཀར་གསལ་དུང་གི་ཟླ་བ་ནི།།
ལྟ་བས་མི་ངོམས་ལང་ཚོའི་ཆ་ལ་རིག་བྱེད་དབྱངས་ཀྱིས་མི་མཚོན་པར།།
སྙན་ངག་མཁན་པོའི་པིར་གྱི་རྩེ་ནས་ཅུང་ཙམ་ལུད་པའི་རི་མོ་ཡིས།།
ཁོ་བོའི་ཡིད་ཀྱི་གསང་བ་གཏོར་བཞིན་དབྱངས་ཀྱི་རྒྱ་མཚོ་བསྐྱོམས་པས་ན།།
འཆར་ཡན་ཚོར་བའི་སྒོ་མོ་འབྱེད་ཅིང་སྙན་པའི་གདངས་ཤིག་འཐེན་འདོད་ཀྱང་།།
གློ་བུར་མི་འདོད་ལྷག་རླུང་གཟེར་མོས་གནམ་མཐའི་སྤྲིན་པ་གཏོར་བ་དང་།།
ཆིམ་ཆིམ་གཡོ་བའི་ཟླ་བའི་མདངས་ཀྱང་སྤྲིན་གྱི་རྒྱ་རུ་ཚུད་པས་ན།།
ཐལ་འདོད་ཡིད་ཀྱི་ཚོར་བ་རྣོན་པོ་ཟླ་བའི་ཕྱོགས་སུ་མ་འཁོར་བར།།
སྟོན་ཀའི་དུས་ཀྱི་རྣམ་འགྱུར་སྟེང་དུ་འཆར་སྣང་རླུང་བུས་བསྐྱོད་དང་ལྷན།།
འབྲི་འདོད་ཡིད་ཀྱི་དབྱངས་རྟ་སྙན་མོས་སྟོན་ཟླ་ངག་ལ་མ་གྱེར་བར།།
སྣ་ཚོགས་སེམས་ཀྱི་འཆར་སྒོའི་ཀློང་ནས་རེ་ཞིག་དུས་འདི་དབྱངས་སུ་བཀོད།།
གངས་ཀྱི་རི་ལ་ན་བུན་འཁྱིལ་བཞིན་རིམ་གྱིས་སྨུག་པས་རི་ཀླུང་བཀང་།།
དབྱིངས་ནས་ཟགས་པའི་ཁངས་སྐྱ་འདི་ཡང་སྒེའུ་ཁུང་ངོགས་སུ་རླུང་གིས་སྤུར།།
འཚུབ་མ་སྐྱ་བོ་རེས་ཀྱིས་ལྡང་པས་རྩ་སྐྱ་ཐལ་རྡུལ་གནམ་ལ་མཆོད།།
གྲང་བས་མྱོས་པའི་སྟོན་ལྗོངས་རིང་མོ་བསམ་ན་ཡིད་སེམས་ལྷག་ཏུ་འཁྱག།
སྡོང་ལོ་སེར་པོ་རླུང་གིས་སྤུར་བཞིན་རི་རྩེར་སྤྲིན་དང་སྨུག་པས་བཅད།།
ཁུ་བྱུག་འཕུར་བའི་ཤུལ་དུ་ལྷག་པའི་ལ་ཁའི་མེ་ཏོག་སད་ཀྱིས་བཅོམས།།
གནམ་སའི་མདོག་རྒྱ་ཡིད་ལ་གནག་པ་སྟོན་ཀའི་རི་ཀླུང་གསེར་ལྡན་མ།།
སུན་སྣང་རླུང་གི་ཤུགས་ཀྱིས་སྤུར་བའི་བདག་ཡིད་ཁྱེད་ལ་འཕྲེང་ཐབས་ཅི།།
ཁ་བའི་འདབ་མ་ལང་ལོང་གཡོ་ཞིང་རྫ་ཆབ་དྭངས་མོ་ལྷུང་ལྷུང་བཞུར།།
ལྷག་པས་སྒུལ་བའི་ཤུག་ལོའི་གསེང་ནས་བྱ་ཁྱུ་འཕུར་བའི་རྣམ་པ་ལས།།
སྟོན་རླུང་བསིལ་མོའི་རྐྱེན་ལས་བྱུང་བའི་ཁུ་བྱུག་ཤོར་བའི་ཚོར་བ་དེ།།
སླར་ཡང་ཁོ་བོའི་སེམས་སུ་ལྷུང་བས་ཡུད་ཙམ་ཕྱི་དྲན་ཀློང་དུ་གཤེགས།།
རྫ་མགོའི་རྩེ་མོ་གངས་ཀྱིས་བཀླུབས་ཤིང་ནགས་ཀྱི་ལྗོན་པ་རླུང་གིས་བསྐྱོད།།
ཡིད་འོང་མཚོ་མོ་འཁྱག་པས་གོས་ཤིང་དལ་འགྲོ་བུ་མོའི་གཤོག་རྩལ་ཉམས།།
སྨུག་པའི་ཅོད་པཎ་ཐོད་དུ་བསྒྲོགས་པའི་སྟོན་ཀའི་རི་ཚོགས་འདི་མཐོང་ན།།
སྐྱོ་བས་གཙེས་པའི་སེམས་པ་འདི་ཡང་ལྷག་རླུང་མཉམ་དུ་གང་སར་གཡུགས།།
དབྱར་གྱི་དཔལ་མོ་རིང་ནས་གྱེས་པས་རི་ཀླུང་ཐང་གསུམ་སྐྱ་ཡར་རེ།།
ཁུ་བྱུག་འཕུར་ཡུན་ཧ་ཅང་རིང་པས་ལྗོན་པའི་འདབ་ལོ་སེར་ཁྲིག་ཁྲིག།
སྦྲང་ཆར་ཟིལ་མ་འབབ་རྒྱུན་ཆད་པས་སྟོན་རླུང་བསིལ་མོ་གྲང་ཤུར་ཤུར།།
རྩྭ་སྐྱ་གནམ་ལ་སྤུར་བའི་ཁྲོད་ནས་ཡ་ཆུང་སེམས་པ་སྐྱོ་ལྷང་ལྷང་།།
2021.9.28 ཁམས་ཀྱི་སྨན་ཁང་ཞིག་ནས་སྦྱར་བའོ། །
