སྣང་བའི་རྟ་ཕོ། འཚོ་བས་ཀུ་རེ་རྩེད་ཐེངས་རེར།
ཨང་དང་པོ། - མཛངས་འཛུམ། (ཛམ་ཐང)
ཚ་གདུག་ལ་གཡོལ་བའི་དྲན་པ་རྙེད།
ཆུ་གྲང་ཕོར་བ་གང་གིས་ཡིད་ཀྱི་ངལ་བ་སེལ་ན།
མཐའ་ཡས་པའི་རྨི་ལམ་ཡང་ཐག་རིང་ན་མི་འདུག
ཚེ་ཡི་སྐུད་པ་སྐྲ་ཡི་ཉག་མ་བཞིན་ཕྲའང་།
འཇིག་རྟེན་ན་དར་རྒུད་ཀྱི་གཏམ་རྒྱུད་ཤིན་ཏུ་མང་བས།
ལུས་ངག་གི་རང་དབང་སྡེབ་ཚོང་དགོས་ས་མ་རེད།
དུས་ཚིགས་ཀྱིས་ཅི་ཞིག་འཆད་ཐུབ།
སྔར་དྲན་མ་མྱོང་བ་དག་ལམ་སང་གོམས་པར་གྱུར་དུས།
གསལ་བཤད་ཀྱིས་སྟོང་བའི་སྣང་བ་རབ་རིབ་ཅིག
ཐང་ཆད་པའི་དུས་ཚོད་ནི་འདང་རྒྱག་སའི་གོ་སྐབས་རེད་ཨང་།
ན་ཚ་གཟེར་ཟུག་གི་རྐྱེན་ངན་མེད་ན།
ཡིད་འོང་གི་མཚར་སྡུག་ལ་ཞེན་ཆགས་ཀྱིས་དངན་པ་མི་བྱེད་དོ། །
2021/9/7
སྣང་སེམས་དགའ་སྐྱོའི་གདགས་སྲིབ།
ཨང་གཉིས་པ། སེའུ།
འཚོ་བའི་སྙིང་པོ་གང་ཡིན་མ་འདྲི་ལགས།།
ས་རྡོ་འཚང་བའི་རྫ་བུམ་གས་ནས་བྱུང་།།
སྣང་བྱེད་སྐོར་སའི་རྒྱང་རིང་མ་བཤུམ་ལགས།།
རེ་དོགས་སྨུག་པས་མཐོང་ལམ་བསྒྲིབས་ནས་འདུག །
ལས་ཉོན་ཆར་ཞོད་འབབ་ཤུགས་མ་ཆེ་ཞིག །
ང་རང་ཐར་བའི་སྐྱིབས་སུ་གབ་ནས་ཡོད།།
བག་མེད་མི་དགེའི་འུག་པ་མ་དགོད་རོགས།།
འཁོར་བའི་མུན་ལས་བདག་ཉིད་འཐོར་འགྲོ་འོ།།
ཡུན་ཐུང་ལོ་ཟླའི་གདགས་སྲིབ་མ་བྲེལ་ཞིག །
ལང་ཚོའི་རྨི་ལམ་རྒྱང་དུ་སྤྱུག་སྙིང་མེད།།
མི་རྟག་གཉེར་མའི་མཚོ་རླབས་མ་སྐྱོམ་ཞིག །
འཛུམ་གྱི་རིན་དོད་ད་དུང་འཕྲོད་ནས་མེད།།
བྱེ་ཐང་བཞད་པའི་མེ་ཏོག་མ་རྙིད་ཅིག །
རྒྱང་ནས་འཕུར་བའི་ཕྱེ་ལེབ་ལམ་དུ་ཡོད།།
སྨིག་རྒྱུའི་འཇིངས་ཀྱི་ཆུ་བོ་མ་སྐམ་ཞིག །
སྟོང་འདང་མེ་ཏོག་བཞད་ལ་ཁྱེད་ཉིད་མཁོ།།
སྟོན་རླུང་ཟུག་མོས་འཚང་ག་མ་རྒྱག་ཅིག །
དབྱར་ཟླའི་མགུལ་ལ་ད་རུང་འཁྱུད་དེ་ཡོད།།
ལྷོ་རིའི་མཐོངས་ཀྱི་སྟོན་ཟླ་མ་འཛུམ་ཞིག །
སྤྲིན་སྔོན་ཁྲོས་པའི་གློག་འགྱུ་ཁེར་པོའི་གྲོགས།།
ལྗོན་ཤིང་སེར་པོའི་ལོ་མ་མ་གཏོར་ཞིག །
དབྱར་ཟླ་ཞིག་གི་སྣང་བརྙན་བྲིས་ཟིན་མེད།།
རྫ་རིའི་འོག་གི་ཆུ་མོ་མ་ངུ་ལགས།།
དུས་ཚིགས་ཤིག་གི་རང་འཚང་བརྟོལ་ཐུབ་མེད།།
སྣང་སེམས་འཁེང་པའི་བུ་ཡུག་མ་གཡུག་རོགས།།
ཞེ་བློ་གསོ་བའི་ཐ་སྙད་སྒྲིག་ཚར་མེད།།
ཁྲེལ་གཞུང་འཁྱོག་པོའི་ཁ་ཡིག་མ་རྫོད་རོགས།།
རྨ་ཁ་སོས་པའི་ཆོད་སེམས་སྐྱེས་ཐུབ་མེད།།
2021/09/06
གཉིད་མི་ཁུག་པའི་མཚན་མོར།
ཨང་གསུམ་པ། མེ་དོང་།
སེམས་པ་ཞིག་ཤོར་སོང་བ་ལྟར
སྟོང་ལྷང་ལྷང་གི་སེམས་ཀྱི་འཕར་ལྡིང་ཇེ་ཆེ་རུ་སོང་།
དེ་ནི་སྙིང་ཉེ་མས་ང་ལ་ཉེན་བརྡ་ཞིག་གཏོང་བ་ཨེ་ཡིན་ནམ
བློ་བདེ་གུ་ཡང་ངང་བག་ལ་ཉལ་བའི་སེམས་དེ་འུར་འུར་ཟིང་ཟིང་དུ་གྱུར
བསམ་གཞིག་གི་ཁྲོད་དུ་ཡོད་པའི་མཚན་ལྗོངས་ཀྱི་ང་ཡི་སེམས་པ།
ཧེ་ལེ་བེར་སེམས་པ་ལ་སེམས་པས་ཟུར་ཟ་བྱེད་ཀྱིན་བྱེད་ཀྱིན་གཉིད་མ་ཁུག
མཚམས་ཤིག་ལ་རེ་དོགས་ཀྱིས་ཁེངས་པའི་རི་མོ་ཞིག་ཀྱང་འབྲི་མགོ་བཟུང་བྱུང་།
དེ་ནི་རྨ་ཁ་ཞིག་སྟེ་དབྱངས་ནས་གྱེར་བའི་མཚན་ལྗོངས་དེའི་ངུ་སྐད་དེ་རེད།
མཚན་མོ་དེ་སུ་ཞིག་གི་ཆེད་དུ་སུན་སྣང་གིས་འཁང་ར་བྱེད་ཀྱིན་ཡོད
དེ་ནི་སྣང་བ་ཡན་པ་ཞིག་གི་གཏམ་རྒྱུད་དེའི་རྒྱབ་ལོག་གི་གསང་བ་སྒྲོག་བྱུང་།
ཨང་དང་པོ། - མཛངས་འཛུམ། (ཛམ་ཐང)
ཚ་གདུག་ལ་གཡོལ་བའི་དྲན་པ་རྙེད།
ཆུ་གྲང་ཕོར་བ་གང་གིས་ཡིད་ཀྱི་ངལ་བ་སེལ་ན།
མཐའ་ཡས་པའི་རྨི་ལམ་ཡང་ཐག་རིང་ན་མི་འདུག
ཚེ་ཡི་སྐུད་པ་སྐྲ་ཡི་ཉག་མ་བཞིན་ཕྲའང་།
འཇིག་རྟེན་ན་དར་རྒུད་ཀྱི་གཏམ་རྒྱུད་ཤིན་ཏུ་མང་བས།
ལུས་ངག་གི་རང་དབང་སྡེབ་ཚོང་དགོས་ས་མ་རེད།
དུས་ཚིགས་ཀྱིས་ཅི་ཞིག་འཆད་ཐུབ།
སྔར་དྲན་མ་མྱོང་བ་དག་ལམ་སང་གོམས་པར་གྱུར་དུས།
གསལ་བཤད་ཀྱིས་སྟོང་བའི་སྣང་བ་རབ་རིབ་ཅིག
ཐང་ཆད་པའི་དུས་ཚོད་ནི་འདང་རྒྱག་སའི་གོ་སྐབས་རེད་ཨང་།
ན་ཚ་གཟེར་ཟུག་གི་རྐྱེན་ངན་མེད་ན།
ཡིད་འོང་གི་མཚར་སྡུག་ལ་ཞེན་ཆགས་ཀྱིས་དངན་པ་མི་བྱེད་དོ། །
2021/9/7
སྣང་སེམས་དགའ་སྐྱོའི་གདགས་སྲིབ།
ཨང་གཉིས་པ། སེའུ།
འཚོ་བའི་སྙིང་པོ་གང་ཡིན་མ་འདྲི་ལགས།།
ས་རྡོ་འཚང་བའི་རྫ་བུམ་གས་ནས་བྱུང་།།
སྣང་བྱེད་སྐོར་སའི་རྒྱང་རིང་མ་བཤུམ་ལགས།།
རེ་དོགས་སྨུག་པས་མཐོང་ལམ་བསྒྲིབས་ནས་འདུག །
ལས་ཉོན་ཆར་ཞོད་འབབ་ཤུགས་མ་ཆེ་ཞིག །
ང་རང་ཐར་བའི་སྐྱིབས་སུ་གབ་ནས་ཡོད།།
བག་མེད་མི་དགེའི་འུག་པ་མ་དགོད་རོགས།།
འཁོར་བའི་མུན་ལས་བདག་ཉིད་འཐོར་འགྲོ་འོ།།
ཡུན་ཐུང་ལོ་ཟླའི་གདགས་སྲིབ་མ་བྲེལ་ཞིག །
ལང་ཚོའི་རྨི་ལམ་རྒྱང་དུ་སྤྱུག་སྙིང་མེད།།
མི་རྟག་གཉེར་མའི་མཚོ་རླབས་མ་སྐྱོམ་ཞིག །
འཛུམ་གྱི་རིན་དོད་ད་དུང་འཕྲོད་ནས་མེད།།
བྱེ་ཐང་བཞད་པའི་མེ་ཏོག་མ་རྙིད་ཅིག །
རྒྱང་ནས་འཕུར་བའི་ཕྱེ་ལེབ་ལམ་དུ་ཡོད།།
སྨིག་རྒྱུའི་འཇིངས་ཀྱི་ཆུ་བོ་མ་སྐམ་ཞིག །
སྟོང་འདང་མེ་ཏོག་བཞད་ལ་ཁྱེད་ཉིད་མཁོ།།
སྟོན་རླུང་ཟུག་མོས་འཚང་ག་མ་རྒྱག་ཅིག །
དབྱར་ཟླའི་མགུལ་ལ་ད་རུང་འཁྱུད་དེ་ཡོད།།
ལྷོ་རིའི་མཐོངས་ཀྱི་སྟོན་ཟླ་མ་འཛུམ་ཞིག །
སྤྲིན་སྔོན་ཁྲོས་པའི་གློག་འགྱུ་ཁེར་པོའི་གྲོགས།།
ལྗོན་ཤིང་སེར་པོའི་ལོ་མ་མ་གཏོར་ཞིག །
དབྱར་ཟླ་ཞིག་གི་སྣང་བརྙན་བྲིས་ཟིན་མེད།།
རྫ་རིའི་འོག་གི་ཆུ་མོ་མ་ངུ་ལགས།།
དུས་ཚིགས་ཤིག་གི་རང་འཚང་བརྟོལ་ཐུབ་མེད།།
སྣང་སེམས་འཁེང་པའི་བུ་ཡུག་མ་གཡུག་རོགས།།
ཞེ་བློ་གསོ་བའི་ཐ་སྙད་སྒྲིག་ཚར་མེད།།
ཁྲེལ་གཞུང་འཁྱོག་པོའི་ཁ་ཡིག་མ་རྫོད་རོགས།།
རྨ་ཁ་སོས་པའི་ཆོད་སེམས་སྐྱེས་ཐུབ་མེད།།
2021/09/06
གཉིད་མི་ཁུག་པའི་མཚན་མོར།
ཨང་གསུམ་པ། མེ་དོང་།
སེམས་པ་ཞིག་ཤོར་སོང་བ་ལྟར
སྟོང་ལྷང་ལྷང་གི་སེམས་ཀྱི་འཕར་ལྡིང་ཇེ་ཆེ་རུ་སོང་།
དེ་ནི་སྙིང་ཉེ་མས་ང་ལ་ཉེན་བརྡ་ཞིག་གཏོང་བ་ཨེ་ཡིན་ནམ
བློ་བདེ་གུ་ཡང་ངང་བག་ལ་ཉལ་བའི་སེམས་དེ་འུར་འུར་ཟིང་ཟིང་དུ་གྱུར
བསམ་གཞིག་གི་ཁྲོད་དུ་ཡོད་པའི་མཚན་ལྗོངས་ཀྱི་ང་ཡི་སེམས་པ།
ཧེ་ལེ་བེར་སེམས་པ་ལ་སེམས་པས་ཟུར་ཟ་བྱེད་ཀྱིན་བྱེད་ཀྱིན་གཉིད་མ་ཁུག
མཚམས་ཤིག་ལ་རེ་དོགས་ཀྱིས་ཁེངས་པའི་རི་མོ་ཞིག་ཀྱང་འབྲི་མགོ་བཟུང་བྱུང་།
དེ་ནི་རྨ་ཁ་ཞིག་སྟེ་དབྱངས་ནས་གྱེར་བའི་མཚན་ལྗོངས་དེའི་ངུ་སྐད་དེ་རེད།
མཚན་མོ་དེ་སུ་ཞིག་གི་ཆེད་དུ་སུན་སྣང་གིས་འཁང་ར་བྱེད་ཀྱིན་ཡོད
དེ་ནི་སྣང་བ་ཡན་པ་ཞིག་གི་གཏམ་རྒྱུད་དེའི་རྒྱབ་ལོག་གི་གསང་བ་སྒྲོག་བྱུང་།
