ལྷད་མེད་དུང་སེམས་ཀྱི་དབྱངས་རྟ།།
ལྷང་ལྷང་རྒྱང་རིང་ནས་འབུད་ན།།
ཚོར་བའི་ན་ཟུག་གི་མིད་པ།།
ཟིམ་ཟིམ་སྤྱན་ཆབ་འདི་ཚ་བ།།
ཟ་ཟའི་རྨི་ལམ་གྱི་ཟླ་བ།།
རྒྱུ་སྐར་གྲངས་མེད་ཀྱི་འཁྱུད་པ།།
ལུས་གཙང་སེམས་གཙང་གི་མེ་ཏོག།
ཆབ་དང་ཆུ་བོ་ཡིས་རྒྱན་པ།།
བྱང་གླུ་སིང་སིང་ལྟར་འཐེན་པའི།།
མཚོ་ཁའི་ལུག་ཆུང་གི་རྫི་བོ།།
ཞེན་འཁྲིས་སུ་ཞིག་ལ་དྲངས་པ།།
ཧ་ཅང་སྙན་འཇེབས་འདི་ཅི་ཡིན།།
ས་སྲོད་ལྷིང་འཇགས་ཀྱི་ཀླུང་དུ།།
ཁུ་སིམ་དབྱངས་རྟ་ལ་རོལ་བའི།།
འཇམ་པོའི་དྲི་བཞོན་གྱིས་ཁུད་དུ།།
བདེ་ལྡན་དག་ཞིང་ལས་སྐྱིད་པ།།
སྟོན་ཟླ་ལྭ་དཀར་གྱི་ལྗོངས་ལ།།
ཤིང་ལོ་འདར་འདར་གྱིས་ལྡེམ་པ།།
བྱེའུ་ཆུང་དྲི་བཞོན་གྱིས་འཁྱེར་བ།།
སྨུག་པ་ལང་ལོང་འདི་མཐུག་པ།།
དར་དཀར་རྐང་ལམ་གྱི་མཛེས་སྡུག།
ལྗོངས་དང་ལྗོངས་སུ་ཞིག་རྒྱུ་ན།།
སྔར་མེད་ཚོར་སྣང་གི་བདེ་སྐྱིད།།
དབང་མེད་གླུ་ཆུང་ཞིག་ཤོར་ཐལ།།
ངུར་སྨྲིག་ག་ཤལ་གྱི་བཙུན་ཆུང་།།
གང་གི་ཐུགས་རྒྱུད་ལ་འཁྲུངས་པ།།
དགོན་པའི་གཡེར་དྲིལ་གྱི་དབྱངས་སྙན།།
འཕྱོར་མོའི་རྣ་བར་དུ་སྙན་པ།།
༢༠༢༡ \ ༡༠ \ ༡༡
ལྷང་ལྷང་རྒྱང་རིང་ནས་འབུད་ན།།
ཚོར་བའི་ན་ཟུག་གི་མིད་པ།།
ཟིམ་ཟིམ་སྤྱན་ཆབ་འདི་ཚ་བ།།
ཟ་ཟའི་རྨི་ལམ་གྱི་ཟླ་བ།།
རྒྱུ་སྐར་གྲངས་མེད་ཀྱི་འཁྱུད་པ།།
ལུས་གཙང་སེམས་གཙང་གི་མེ་ཏོག།
ཆབ་དང་ཆུ་བོ་ཡིས་རྒྱན་པ།།
བྱང་གླུ་སིང་སིང་ལྟར་འཐེན་པའི།།
མཚོ་ཁའི་ལུག་ཆུང་གི་རྫི་བོ།།
ཞེན་འཁྲིས་སུ་ཞིག་ལ་དྲངས་པ།།
ཧ་ཅང་སྙན་འཇེབས་འདི་ཅི་ཡིན།།
ས་སྲོད་ལྷིང་འཇགས་ཀྱི་ཀླུང་དུ།།
ཁུ་སིམ་དབྱངས་རྟ་ལ་རོལ་བའི།།
འཇམ་པོའི་དྲི་བཞོན་གྱིས་ཁུད་དུ།།
བདེ་ལྡན་དག་ཞིང་ལས་སྐྱིད་པ།།
སྟོན་ཟླ་ལྭ་དཀར་གྱི་ལྗོངས་ལ།།
ཤིང་ལོ་འདར་འདར་གྱིས་ལྡེམ་པ།།
བྱེའུ་ཆུང་དྲི་བཞོན་གྱིས་འཁྱེར་བ།།
སྨུག་པ་ལང་ལོང་འདི་མཐུག་པ།།
དར་དཀར་རྐང་ལམ་གྱི་མཛེས་སྡུག།
ལྗོངས་དང་ལྗོངས་སུ་ཞིག་རྒྱུ་ན།།
སྔར་མེད་ཚོར་སྣང་གི་བདེ་སྐྱིད།།
དབང་མེད་གླུ་ཆུང་ཞིག་ཤོར་ཐལ།།
ངུར་སྨྲིག་ག་ཤལ་གྱི་བཙུན་ཆུང་།།
གང་གི་ཐུགས་རྒྱུད་ལ་འཁྲུངས་པ།།
དགོན་པའི་གཡེར་དྲིལ་གྱི་དབྱངས་སྙན།།
འཕྱོར་མོའི་རྣ་བར་དུ་སྙན་པ།།
༢༠༢༡ \ ༡༠ \ ༡༡
