བརྟན་དང་མི་བརྟན་འབྱུང་ཁུངས་ལས།།
ཕ་རོལ་ཕལ་བའི་སེམས་ཁམས་ལ།།
སྐྱིད་སྡུག་འདྲེས་པའི་ལོ་ཟླ་འཁྱིལ།།
ངེས་མེད་འཁོར་བ་རང་གཤིས་ཡིན།།
དལ་བརྒྱད་འབྱོར་བཅུ་མི་ལུས་ཡིན།།
འཁོར་བའི་མཐའ་མེད་ཨ་ཐང་ཆད།།
སྐྱོ་བའི་གླུ་ཞིག་ངག་ནས་ཤོར།།
ནམ་མཁའ་སྤྲིན་པ་ཟད་མཐའ་མེད།།
ས་གཞི་ཆུ་བོ་འཛིན་ཐབས་མེད།།
སྟོད་སྨན་བར་གསུམ་བྲལ་ཐབས་མེད།།
སྒྱུ་འཕྲུལ་ཟློས་གར་འཁྲབ་པ་བཞིན།།
ངེས་མེད་མི་རྟག་རླུང་ལ་སྐུར།།
སྐྱོ་སེམས་མི་ཚེ་མནར་གཅོད་དེར།།
འཁོར་བའི་གྲོང་ཁྱེར་མཐར་ནས་ལྷག །
གསོན་དུས་ཆོས་ཞིག་མ་སྒྲུབ་ན།།
ཤི་དུས་ཕུང་པོ་རུས་པ་ཡིན།།
ཤེས་བཞིན་རང་གིས་མ་འབད་ན།།
འགྱོད་དུས་དོན་མེད་རང་གིས་ཤོར།།
སྐྱིད་དུས་དགའ་བ་མ་བྱེད་ན།།
སྡུག་དུས་སུས་ཀྱང་འགོག་ཐབས་མེད།།
མི་རྟག་པ་ཡི་འབྱུང་ཁུངས་ཡིན།།
ལོངས་སྤྱོད་ཕུན་སུམ་ཚོགས་ན་ཡང་།།
དཔལ་འབྱོར་གཞན་ལས་མང་ན་ཡང་།།
གོ་ས་མཐོ་དམན་འཕྱས་ཀྱས་རུང་།།
དཔལ་རྩལ་སྟོབས་ཤུགས་ཆེ་ཡང་རུང་།།
འཇིག་རྟེན་ཟང་ཟིང་གླིང་དཀྱིལ་ན།།
མི་ཚེ་ཟེར་བ་འཚོལ་ན་ཡང་།།
འཁོར་བ་འཁོར་བའི་སྡུག་བསྔལ་ཡིན།།
དལ་བརྒྱད་འབྱོར་བཅུ་མི་ལུས་འདི།།
མི་རྟག་སྒྱུ་མའི་རོལ་རྩེད་ཡིན།།
མཛའ་བརྩེ་དུང་སེམས་གླེང་མཁན་ཚོ།།
འཇིག་རྟེན་འཁོར་བ་དཀྱིས་ནས་རྫོགས།།
ཅི་འདྲ་ཡིད་སེམས་སྐྱོ་བ་ལ།།
ཇི་འདྲའི་བསམ་མེད་ཡིད་རེ་ཕམ།།
འཇིག་རྟེན་འཁོར་བ་མི་རྟག་ཡིན།།
ཕ་རོལ་ཕལ་བའི་སེམས་ཁམས་ལ།།
སྐྱིད་སྡུག་འདྲེས་པའི་ལོ་ཟླ་འཁྱིལ།།
ངེས་མེད་འཁོར་བ་རང་གཤིས་ཡིན།།
དལ་བརྒྱད་འབྱོར་བཅུ་མི་ལུས་ཡིན།།
འཁོར་བའི་མཐའ་མེད་ཨ་ཐང་ཆད།།
སྐྱོ་བའི་གླུ་ཞིག་ངག་ནས་ཤོར།།
ནམ་མཁའ་སྤྲིན་པ་ཟད་མཐའ་མེད།།
ས་གཞི་ཆུ་བོ་འཛིན་ཐབས་མེད།།
སྟོད་སྨན་བར་གསུམ་བྲལ་ཐབས་མེད།།
སྒྱུ་འཕྲུལ་ཟློས་གར་འཁྲབ་པ་བཞིན།།
ངེས་མེད་མི་རྟག་རླུང་ལ་སྐུར།།
སྐྱོ་སེམས་མི་ཚེ་མནར་གཅོད་དེར།།
འཁོར་བའི་གྲོང་ཁྱེར་མཐར་ནས་ལྷག །
གསོན་དུས་ཆོས་ཞིག་མ་སྒྲུབ་ན།།
ཤི་དུས་ཕུང་པོ་རུས་པ་ཡིན།།
ཤེས་བཞིན་རང་གིས་མ་འབད་ན།།
འགྱོད་དུས་དོན་མེད་རང་གིས་ཤོར།།
སྐྱིད་དུས་དགའ་བ་མ་བྱེད་ན།།
སྡུག་དུས་སུས་ཀྱང་འགོག་ཐབས་མེད།།
མི་རྟག་པ་ཡི་འབྱུང་ཁུངས་ཡིན།།
ལོངས་སྤྱོད་ཕུན་སུམ་ཚོགས་ན་ཡང་།།
དཔལ་འབྱོར་གཞན་ལས་མང་ན་ཡང་།།
གོ་ས་མཐོ་དམན་འཕྱས་ཀྱས་རུང་།།
དཔལ་རྩལ་སྟོབས་ཤུགས་ཆེ་ཡང་རུང་།།
འཇིག་རྟེན་ཟང་ཟིང་གླིང་དཀྱིལ་ན།།
མི་ཚེ་ཟེར་བ་འཚོལ་ན་ཡང་།།
འཁོར་བ་འཁོར་བའི་སྡུག་བསྔལ་ཡིན།།
དལ་བརྒྱད་འབྱོར་བཅུ་མི་ལུས་འདི།།
མི་རྟག་སྒྱུ་མའི་རོལ་རྩེད་ཡིན།།
མཛའ་བརྩེ་དུང་སེམས་གླེང་མཁན་ཚོ།།
འཇིག་རྟེན་འཁོར་བ་དཀྱིས་ནས་རྫོགས།།
ཅི་འདྲ་ཡིད་སེམས་སྐྱོ་བ་ལ།།
ཇི་འདྲའི་བསམ་མེད་ཡིད་རེ་ཕམ།།
འཇིག་རྟེན་འཁོར་བ་མི་རྟག་ཡིན།།
