གཙང་བོ་ངོགས་ཀྱི་ལྗོང་ཤིང་རྩེའི།།
གཤོག་པའི་མདངས་ནི་ཅུང་ཤོར་བའི།།
ཀ་ཡེ་བྱེ་འུ་ཅི་ལ་སྐྱོ།།
རྨི་ལམ་དབུས་ཀྱི་ལྕུགས་ཕྲན་གྱི།།
གར་གྱི་སྟངས་སྟབས་བྱེད་པ་བཞིན།།
འགྱུར་བ་མྱུར་བའི་འགྲོས་ལྡན་པའི།།
འཁོར་བའི་རི་གྲོང་སེམས་ཅན་བཅས།།
ཚོད་ཟིན་འདུག་པར་གནས་མིན་པས།།
ཁྱོད་ཀྱིས་སྙིང་ཉེ་དྲན་མིན་པར།།
བྱེའུ་དེ་གཞན་དུ་འཕུར་བ་ལ།།
སེམས་ནད་བྱེད་པར་ཡོན་ཏན་མེད།།
གཙང་བོ་ཉིད་ལ་བློ་མ་འདྲི།།
ཁྱོད་རང་འཆི་བས་མྱུར་ཟིན་འགྱུར།།
དེ་བས་བློ་ནི་མཉམ་དགའི་ངང་།།
ང་ཡི་ངོགས་སུ་འཕུར་ཤོག་ཨེ།།
སྒྲོ་ལ་འཕྱོ་ཆུས་ཅུང་བརླན་པའི།།
ཆུ་ངོགས་རྡོ་བ་སྔོན་པོའི་སྟེང་།།
མིག་ཆུས་མིག་ལ་རབ་རིབ་ཀྱི།།
སྣང་བརྙན་སྟེར་བའི་བྱེ་འུ་ཨེ།།
ང་ནི་དབེན་པའི་སྦྱིལ་བུ་རུ།།
མགུར་གྱི་ཆང་རག་འཐུང་བཞིན་འགྲོ།།
ཁྱོད་ལ་མི་འཐད་ཚིག་མེད་ན།།
ཅིས་ཀྱང་ང་དང་སྡེབས་ཏེ་འགྲོ།།
དབེན་པར་ཡོན་ཏན་ཀུན་འདུས་ཤིས།།
སྙན་ངག་ཕྱེ་ལེབ་ངང་གིས་ལྡིང་།།
ནང་སེམས་གངས་དང་རྫ་ལ་འཁྱུད།།
དེ་རུ་རང་བྱུང་མགྲིན་གླུ་ནི།།
སུས་ཀྱང་མ་མྱོང་མངོན་ཆུང་གིས།།
ང་དང་ཁྱོད་ཀྱིས་མྱོང་བར་འགྱུར།།
ཀ་ཡེ་བྱེ་འུ་འགྲོ་བར་བྱ།།
འཁོར་བའི་སེམས་ཀྱི་འཛིན་སྟངས་ཉིད།།
ཆུ་རུ་གཡུགས་ཤིག་ཆུར་གཡུགས།།
ད་འགྲོ་ཐར་བའི་ཞིང་ཁམས་ཀྱི།།
མཉམ་དགའི་གནས་སུ་གླུ་ལེན་བྱ།།
༢༠༢༢ ༧ ༣
གཤོག་པའི་མདངས་ནི་ཅུང་ཤོར་བའི།།
ཀ་ཡེ་བྱེ་འུ་ཅི་ལ་སྐྱོ།།
རྨི་ལམ་དབུས་ཀྱི་ལྕུགས་ཕྲན་གྱི།།
གར་གྱི་སྟངས་སྟབས་བྱེད་པ་བཞིན།།
འགྱུར་བ་མྱུར་བའི་འགྲོས་ལྡན་པའི།།
འཁོར་བའི་རི་གྲོང་སེམས་ཅན་བཅས།།
ཚོད་ཟིན་འདུག་པར་གནས་མིན་པས།།
ཁྱོད་ཀྱིས་སྙིང་ཉེ་དྲན་མིན་པར།།
བྱེའུ་དེ་གཞན་དུ་འཕུར་བ་ལ།།
སེམས་ནད་བྱེད་པར་ཡོན་ཏན་མེད།།
གཙང་བོ་ཉིད་ལ་བློ་མ་འདྲི།།
ཁྱོད་རང་འཆི་བས་མྱུར་ཟིན་འགྱུར།།
དེ་བས་བློ་ནི་མཉམ་དགའི་ངང་།།
ང་ཡི་ངོགས་སུ་འཕུར་ཤོག་ཨེ།།
སྒྲོ་ལ་འཕྱོ་ཆུས་ཅུང་བརླན་པའི།།
ཆུ་ངོགས་རྡོ་བ་སྔོན་པོའི་སྟེང་།།
མིག་ཆུས་མིག་ལ་རབ་རིབ་ཀྱི།།
སྣང་བརྙན་སྟེར་བའི་བྱེ་འུ་ཨེ།།
ང་ནི་དབེན་པའི་སྦྱིལ་བུ་རུ།།
མགུར་གྱི་ཆང་རག་འཐུང་བཞིན་འགྲོ།།
ཁྱོད་ལ་མི་འཐད་ཚིག་མེད་ན།།
ཅིས་ཀྱང་ང་དང་སྡེབས་ཏེ་འགྲོ།།
དབེན་པར་ཡོན་ཏན་ཀུན་འདུས་ཤིས།།
སྙན་ངག་ཕྱེ་ལེབ་ངང་གིས་ལྡིང་།།
ནང་སེམས་གངས་དང་རྫ་ལ་འཁྱུད།།
དེ་རུ་རང་བྱུང་མགྲིན་གླུ་ནི།།
སུས་ཀྱང་མ་མྱོང་མངོན་ཆུང་གིས།།
ང་དང་ཁྱོད་ཀྱིས་མྱོང་བར་འགྱུར།།
ཀ་ཡེ་བྱེ་འུ་འགྲོ་བར་བྱ།།
འཁོར་བའི་སེམས་ཀྱི་འཛིན་སྟངས་ཉིད།།
ཆུ་རུ་གཡུགས་ཤིག་ཆུར་གཡུགས།།
ད་འགྲོ་ཐར་བའི་ཞིང་ཁམས་ཀྱི།།
མཉམ་དགའི་གནས་སུ་གླུ་ལེན་བྱ།།
༢༠༢༢ ༧ ༣
