རྩྭ་ཐང་གི་རལ་བ།
གླག་བུ་དོན་བཀྲ། (གླག་ཐ།)
འཁྱག་གིས་བསྡམ་པའི་དུས་ཚིགས་འདིར།
རྩྭ་ཐང་གི་རལ་བའི་ཁྲོད་དུ།
ཐལ་རྡུལ་མང་དག་ཅིག་འཚང་འདུག
ཅི་ཕྱིར་མགོ་བོ་དགྱེ་དགྱེ་བྱས་ནས་ལན་གཅིག་མི་སྤྲུག
ནོར་འཛིན་མ།
ཕ་ཡུལ་ན་ད་ལྟ།
ཁྱོད་ཀྱི་ངོ་གདོང་གི་སྐྱོ་ཉམས་ལས་ཅི་ཡང་མཐོང་རྒྱུ་མི་འདུག
ང་ཁྱོད་ཀྱི་གྲིབ་གཟུགས་ཁྲོད་དུ་ཡོད།
ཉི་ཟླའི་འཆར་ནུབ་ལ།
ཅི་ཞིག་བྲིས་ན་འབྱུང་འགྱུར་གྱི་འཚོ་བའི་ཁ་ཕྱོགས་རྙེད།
འཁྱག་གིས་བསྡམ་པའི་དུས་ཚིགས་འདིར།
མཚམས་སྤྲིན་དམར་པོ་ལ་དྲོད་ཅིག་མི་འདུག
ཁྱོད་ཀྱིས་ང་ལ་དམར་པོ་མེ་ལས་ཚ་བས་སྙིང་གཏམ་ཞིག་བཤད་རོགས།
༢༠༢༢.༢.༥.ལ་གླག་བུ་དོན་བཀྲས།
ངོ་གདོང་དེ།
ཞག་མ་སུམ་བརྒྱ་དྲུག་བཅུའི་སྐུད་སྣེ་ལ་དཔྱངས་བའི།
ང་དང་ངའི་ངོ་གདོང་གི་སྡིག་སྒྲིབ་དག
ལས་ཀྱི་མེ་ལོང་དུ་བབས་ཚེ།
སུ་ཞིག་གིས་ང་ལ་ཁྲུས་རྫིང་ཆུང་ཆུང་ཞིག་བཟོ།
ཉིན་ཁ་ཤས་ཤིག་གི་རྗེས་ནས་ང་མལ་ལས་ལང་ཚེ།
ཡང་ཞག་མ་སུམ་བརྒྱ་དྲུག་བཅུའི་སྐུད་སྣེ་ལ་འཐམ་ནས།
ངས་སྡིག་སྒྲིབ་མང་པོ་ཞིག་སྟུད་མར་བསགས་སྲིད་དམ།
གལ་ཏེ་བསགས་སྲིད་ན།
ང་ལ་ཁྲུས་བུམ་ཐེགས་པའི་བུ་མོ་དེས།
རྣམ་སྨིན་ལྕི་བའི་ངོ་གདོང་དེ་དངོས་སུ་སྟོན་རོགས།
༢༠༢༢.༢.༨.
གླག་བུ་དོན་བཀྲ། (གླག་ཐ།)
འཁྱག་གིས་བསྡམ་པའི་དུས་ཚིགས་འདིར།
རྩྭ་ཐང་གི་རལ་བའི་ཁྲོད་དུ།
ཐལ་རྡུལ་མང་དག་ཅིག་འཚང་འདུག
ཅི་ཕྱིར་མགོ་བོ་དགྱེ་དགྱེ་བྱས་ནས་ལན་གཅིག་མི་སྤྲུག
ནོར་འཛིན་མ།
ཕ་ཡུལ་ན་ད་ལྟ།
ཁྱོད་ཀྱི་ངོ་གདོང་གི་སྐྱོ་ཉམས་ལས་ཅི་ཡང་མཐོང་རྒྱུ་མི་འདུག
ང་ཁྱོད་ཀྱི་གྲིབ་གཟུགས་ཁྲོད་དུ་ཡོད།
ཉི་ཟླའི་འཆར་ནུབ་ལ།
ཅི་ཞིག་བྲིས་ན་འབྱུང་འགྱུར་གྱི་འཚོ་བའི་ཁ་ཕྱོགས་རྙེད།
འཁྱག་གིས་བསྡམ་པའི་དུས་ཚིགས་འདིར།
མཚམས་སྤྲིན་དམར་པོ་ལ་དྲོད་ཅིག་མི་འདུག
ཁྱོད་ཀྱིས་ང་ལ་དམར་པོ་མེ་ལས་ཚ་བས་སྙིང་གཏམ་ཞིག་བཤད་རོགས།
༢༠༢༢.༢.༥.ལ་གླག་བུ་དོན་བཀྲས།
ངོ་གདོང་དེ།
ཞག་མ་སུམ་བརྒྱ་དྲུག་བཅུའི་སྐུད་སྣེ་ལ་དཔྱངས་བའི།
ང་དང་ངའི་ངོ་གདོང་གི་སྡིག་སྒྲིབ་དག
ལས་ཀྱི་མེ་ལོང་དུ་བབས་ཚེ།
སུ་ཞིག་གིས་ང་ལ་ཁྲུས་རྫིང་ཆུང་ཆུང་ཞིག་བཟོ།
ཉིན་ཁ་ཤས་ཤིག་གི་རྗེས་ནས་ང་མལ་ལས་ལང་ཚེ།
ཡང་ཞག་མ་སུམ་བརྒྱ་དྲུག་བཅུའི་སྐུད་སྣེ་ལ་འཐམ་ནས།
ངས་སྡིག་སྒྲིབ་མང་པོ་ཞིག་སྟུད་མར་བསགས་སྲིད་དམ།
གལ་ཏེ་བསགས་སྲིད་ན།
ང་ལ་ཁྲུས་བུམ་ཐེགས་པའི་བུ་མོ་དེས།
རྣམ་སྨིན་ལྕི་བའི་ངོ་གདོང་དེ་དངོས་སུ་སྟོན་རོགས།
༢༠༢༢.༢.༨.
