མགུར་མཁའ་ལ་ལྡིང་མ་ཞེས་བྱ་བ།
ཐོར་བུ།(དཀར་མཛེས)
རྫ་འདབས་སྨུག་པ་ལང་ལོང་གི།
དབེན་གནས་ཉམས་དགའི་ཆུ་ངོགས་སུ།།
འཆི་བ་སྒོམ་པའི་རྣལ་འབྱོལ་གྱི།།
མགུར་གྱི་རྐང་ལག་ག་ལེར་འགུལ།།
རི་དྭགས་གཤར་བའི་རྫ་ལམ་དུ།།
མགུར་གྱི་རྐང་རྗེས་སྣང་གསར་མས།།
ཉི་འོད་འཐུང་བཞིན་ང་ལ་ལྟ།།
ནང་སེམས་ཕྱེ་ལེབ་བུ་མོ་ཡི།།
ཡིད་ཀྱི་སྣེ་མོ་འཇུས་ཏེ་འཐེན།།
ང་ནི་དབང་མེད་བག་མེད་པར།།
དེ་ཡི་རྗེས་སུ་ངང་གིས་འགྲོ།།
གངས་རི་ཐོད་དཀར་མར་ཞོལ་དུ།།
རྫོགས་ཆེན་རྟ་མཆོག་ལ་ཞོན་པའི།།
ངག་གི་རྩ་མདུད་ཡེ་གྲོལ་བའི།།
ཀློང་ཆེན་དབྱངས་ཅན་ངག་འཕྲུལ་གྱིས།།
སྣང་སྟོང་འཇའ་གཟུགས་ཁ་དོག་གཉིས།།
བསྲེས་ཏེ་ང་ལ་སྟོན་ཙམ་བྱེད།།
ང་ཡིད་རྟོག་པ་རླུང་ཞོན་མ།།
ཞལ་ངོ་འཛུམ་བཞིན་རྗེས་སུ་འགྲོ།།
ལུས་ཀྱི་གོས་ཧྲུལ་ཕར་གཡུགས་ཏེ།།
ཆོས་དབྱིངས་མཁའ་རུ་ལྡིང་བར་བརྩོན།།
བྲག་དཀར་དབུ་མ་རྟ་སོ་རྫོང་།།
ཕྱག་ཆེན་མཁའ་འགྲོ་སྣ་ཚོགས་ཀྱི།།
བྲོ་ཡི་གར་སྟབས་ལ་རོལ་བའི།།
གངས་ཀྱི་རྣལ་འབྱོར་མི་ལ་ཡིས།།
ནང་སེམས་རྗེན་པའི་སངས་རྒྱས་ཀྱི།།
ཞལ་ཕྱག་ང་ལ་སྟོན་ཙམ་བྱེད།།
དེ་དུས་སྤྲེལ་གྱི་གདུང་རྒྱུད་པ།།
ངས་ནི་ཚེ་འདིའི་བྱ་བཞག་གི།
སྣེ་མོ་བཏང་སྟེ་འགྲོ་ཆས་བྱེད།།
ནང་དུ་སྡིག་པ་ཟ་བྱེད་ཀྱི།།
རྡོ་རྗེ་སེམས་དཔའི་དྲི་མ་ནི།།
མཚམས་མེད་ཡང་ཡང་འཐིལ་བར་བྱེད།།
ཨེ་མ་ངག་གི་གཡེལ་དྲིལ་ལ།།
དབང་མེད་མགུར་གྱི་རླུང་གིས་སྒུལ།།
དེ་དུས་སོར་མོའི་བུང་བ་ནི།།
དབྱངས་གསལ་མེ་ཏོག་ཚལ་དུ་ལྡིང་།།
མངྒལཾ།།
༢༠༢༢ ༩ ༢
ཐོར་བུ།(དཀར་མཛེས)
རྫ་འདབས་སྨུག་པ་ལང་ལོང་གི།
དབེན་གནས་ཉམས་དགའི་ཆུ་ངོགས་སུ།།
འཆི་བ་སྒོམ་པའི་རྣལ་འབྱོལ་གྱི།།
མགུར་གྱི་རྐང་ལག་ག་ལེར་འགུལ།།
རི་དྭགས་གཤར་བའི་རྫ་ལམ་དུ།།
མགུར་གྱི་རྐང་རྗེས་སྣང་གསར་མས།།
ཉི་འོད་འཐུང་བཞིན་ང་ལ་ལྟ།།
ནང་སེམས་ཕྱེ་ལེབ་བུ་མོ་ཡི།།
ཡིད་ཀྱི་སྣེ་མོ་འཇུས་ཏེ་འཐེན།།
ང་ནི་དབང་མེད་བག་མེད་པར།།
དེ་ཡི་རྗེས་སུ་ངང་གིས་འགྲོ།།
གངས་རི་ཐོད་དཀར་མར་ཞོལ་དུ།།
རྫོགས་ཆེན་རྟ་མཆོག་ལ་ཞོན་པའི།།
ངག་གི་རྩ་མདུད་ཡེ་གྲོལ་བའི།།
ཀློང་ཆེན་དབྱངས་ཅན་ངག་འཕྲུལ་གྱིས།།
སྣང་སྟོང་འཇའ་གཟུགས་ཁ་དོག་གཉིས།།
བསྲེས་ཏེ་ང་ལ་སྟོན་ཙམ་བྱེད།།
ང་ཡིད་རྟོག་པ་རླུང་ཞོན་མ།།
ཞལ་ངོ་འཛུམ་བཞིན་རྗེས་སུ་འགྲོ།།
ལུས་ཀྱི་གོས་ཧྲུལ་ཕར་གཡུགས་ཏེ།།
ཆོས་དབྱིངས་མཁའ་རུ་ལྡིང་བར་བརྩོན།།
བྲག་དཀར་དབུ་མ་རྟ་སོ་རྫོང་།།
ཕྱག་ཆེན་མཁའ་འགྲོ་སྣ་ཚོགས་ཀྱི།།
བྲོ་ཡི་གར་སྟབས་ལ་རོལ་བའི།།
གངས་ཀྱི་རྣལ་འབྱོར་མི་ལ་ཡིས།།
ནང་སེམས་རྗེན་པའི་སངས་རྒྱས་ཀྱི།།
ཞལ་ཕྱག་ང་ལ་སྟོན་ཙམ་བྱེད།།
དེ་དུས་སྤྲེལ་གྱི་གདུང་རྒྱུད་པ།།
ངས་ནི་ཚེ་འདིའི་བྱ་བཞག་གི།
སྣེ་མོ་བཏང་སྟེ་འགྲོ་ཆས་བྱེད།།
ནང་དུ་སྡིག་པ་ཟ་བྱེད་ཀྱི།།
རྡོ་རྗེ་སེམས་དཔའི་དྲི་མ་ནི།།
མཚམས་མེད་ཡང་ཡང་འཐིལ་བར་བྱེད།།
ཨེ་མ་ངག་གི་གཡེལ་དྲིལ་ལ།།
དབང་མེད་མགུར་གྱི་རླུང་གིས་སྒུལ།།
དེ་དུས་སོར་མོའི་བུང་བ་ནི།།
དབྱངས་གསལ་མེ་ཏོག་ཚལ་དུ་ལྡིང་།།
མངྒལཾ།།
༢༠༢༢ ༩ ༢
