ཀ་རྩོམ་གྱི་བསླབ་བྱ་གཟི་བྱུར་གསབ་མའི་འཕྱང་ཕྲུལ།
སོར་གདུབ།(ནག་ཆུ)
མི་འཇིགས་གདོང་ལྔས་བཏེགས་པའི་ཁྲི་སྟེང་དུ། །
ངུར་སྨྲིག་འཇམ་དབྱངས་ཐུགས་སྲས་ཙོང་ཁ་བ། །
བསླུ་མེད་དཀོན་མཆོག་མི་ཡི་གར་རོལ་བས། །
ཐུགས་རྗེའི་ལྕགས་ཀྱུས་འགྲོ་དྲུག་སེམས་ཅན་འཛིན། །
སྐྱིད་སྡུག་ཟློས་གར་འཁྲབ་པའི་འཇིག་རྟེན་ནས། །
མགོན་ཁྱེད་སྐད་ཅིག་མི་འབྲལ་སྙིང་དབུས་སྒོམ། །
ཕྱི་ནང་གསང་གི་བར་ཆད་གང་འཕྲད་ཀྱང་། །
ཡེ་ཤེས་སྤྱན་གྱིས་གཟིགས་ལ་གདོང་གྲོགས་མཛོད། །
སྐྱེས་སྟོབས་བློ་རྩལ་དབེན་པའི་བླུན་པོ་ངས། །
དོན་ཟབ་ཚིག་ལ་རྒྱན་གྱིས་སྤུད་པ་ཡི། །
སྙན་པོའི་རྩོམ་ཞིག་འབྲི་བར་སོར་རྩེ་འཚབ། །
དེས་ན་བདག་གི་སོར་མོ་བསྐྱོར་བར་མཛོད། །
ཀ་བས་གདུང་མ་འདེགས་པའི་དཔེ་བཞིན་དུ། །
ཁ་བ་བོད་པའི་ཆོས་རིག་གོམས་གསུམ་འདི། །
ག་འདྲར་བྱེད་ཀྱང་ང་ཚོས་མ་སྐྱོངས་ན། །
ང་ཚོས་མེས་པོའི་མཛད་རྗེས་ཇི་ལྟར་གླེང་། །
ང་ཚོའི་སྐད་ཡིག་མེས་པོའི་བཞག་པ་འདི། །
ག་ལེར་དར་རྒྱས་གཏང་ན་མ་འོངས་པར། །
ཁ་བ་གངས་ཅན་ཞེས་པའི་ཐ་སྙད་འདི། །
ཀ་བ་བཞིན་དུ་བརྟན་ནས་བརྟན་དུ་འགྲོ །
ཅ་མིན་བཅོས་ལོག་ལུགས་སྲོལ་མང་དག་ཅིག །
ཆ་མེད་ཡུལ་ཁམས་གཞན་ལ་དར་བ་དེར། །
ཇ་ལ་ཤིན་ཏུ་ཆགས་པའི་རྒན་རྒོན་དང་། །
ཉ་ཆུའི་འབྲེལ་བ་བཞིན་དུ་མ་བྱེད་རོགས། །
ཉ་བྱ་སྒོ་ཕྱུགས་སྲོག་བསླུ་ཚེ་ཐར་བཏང་། །
ཇ་རྩམ་ལ་སོགས་བོད་ཟས་ལ་རོལ་ནས། །
ཆ་ལུགས་རང་སྲོལ་འཛིན་པའི་བོད་མི་ཞིག །
ཅ་རེ་མཐོང་ཐོས་ཟེར་བ་དཀའ་ཙམ་གདའ། །
ཏཱ་ལ་ལྟ་བུའི་རྒྱ་ཆེའི་རིག་གཞུང་དང་། །
ཐ་སྙད་དུ་མས་གྲུབ་པའི་གསུང་རྩོམ་དག །
ད་ལྟ་ཉིད་དུ་གནམ་ནས་མ་ལྷུང་ལ། །
ན་རྩྭ་བཞིན་དུ་ས་ལས་སྐྱེས་པ་མིན། །
ན་ཆུང་མ་ལུས་རིག་པའི་གནས་ལ་འབད། །
ད་ལྟ་ལྷག་པར་བོད་ཀྱི་སྐད་ཡིག་སྦྱོངས། །
ཐ་སྙད་རིན་ཆེན་དུང་ཟླ་མ་ནུབ་ན། །
ཏ་ཐཱ་ག་ཏའི་བསྟན་པ་ཅིས་ཕྱིར་ཉམ། །
པ་ཊའི་རི་མོ་ལྷག་ཏུ་མཛེས་པའི་སྟེང་། །
ཕ་ལམ་ཁྲ་ཡིས་རྒྱན་པ་ཇི་བཞིན་དུ། །
བ་ཉལ་མཛོ་གྲོད་སྤྱོད་པ་རབ་སྤངས་ནས། །
མ་སྨད་བཅུ་ཕྲག་རིག་གནས་སྐྱོངས་བར་མཛོད། །
མ་རིག་བསལ་བའི་ཡོན་ཏན་ལྡན་པ་དང་། །
བ་སྤུ་གཡོ་བར་ནུས་པའི་གསུང་རྩོམ་དག །
ཕ་མས་བུ་ལ་གཅེས་པ་ཇི་བཞིན་དང་། །
པ་སངས་ལྟར་དཀར་ལྷག་བསམ་དག་པོས་སྐྱོངས། །
ཙ་རི་ཊ་སོགས་གནས་གསུམ་མཁའ་འགྲོའི་ཚོཊ། །
ཚ་བ་མེ་ལྟར་འབར་བའི་དུག་གསུམ་སྤངས། །
ཛ་ལང་སྤྱོད་པ་མོ་གཤམ་བུ་ཡི་ཟླ། །
ཝ་སྐྱེས་ཟིལ་གནོན་གདོང་ལྔའི་རྗེས་སུ་འགྲོ །
ཝ་མོ་བཞིན་དུ་གཡོ་སྒྱུ་ཆེ་དྲག་ན། །
ཛ་དྲག་དངངས་འཚབ་ཅན་གྱི་མཇུག་འབྲས་དང་། །
ཚ་གཟེར་རྒྱུ་འབྲས་རང་ཐོག་འཁོར་ངེས་པས། །
རྩྭ་ལྟར་གཡོ་སྒྱུའི་ལས་རྣམས་འདོར་བར་མཛོད། །
ཞ་བོའི་གྲོགས་སུ་འཁར་བ་བསྟེན་པ་བཞིན། །
ཟ་འོག་རས་ཀྱིས་བཏུམས་པའི་དཔེ་རྙིང་དག །
འ་ཅག་ན་གཞོན་རྣམས་ཀྱིས་ཉམས་བླངས་ན། །
ཡ་རབས་བླང་དོར་མི་རྟོགས་དོགས་པ་ཅི། །
ཡ་མེད་རིག་གཞུང་མ་ལུས་མེས་དབོན་ཚོས། །
འ་ཅག་ཆེད་དུ་ཁྲག་དང་རྔུལ་ཆུས་མཛད། །
ཟ་མ་བཞིན་དུ་དྲོ་བ་མ་མྱང་ན། །
ཞ་ར་མིན་པའི་ར་སྤྲོད་གང་གིས་བྱ། །
ར་གན་གསེར་ལ་བརྫུས་བའི་དཔེ་ཇི་བཞིན། །
ལ་རྒྱ་ཟེར་བ་གང་ཡིན་མ་ནོར་རོགས། །
ཤ་རུས་གཅིག་པའི་སྤུན་དང་མ་མཐུན་ན། །
ས་ཆེན་འགེངས་པའི་འུར་གཏམ་མ་བརྗོད་རོཊ །
ས་བཅུ་ལམ་ལྔ་བགྲོད་པའི་གང་ཟག་ཚོ། །
ཤ་ཚ་སྙིང་རྗེ་ཆོས་ཀྱི་བརྩ་བ་ཡིན། །
ལ་གཏམ་ལུང་གཏམ་འཆལ་གཏམ་མ་གསན་རོཊ། །
ར་བཟི་བཞིན་དུ་དྲན་ཚད་མ་བསྙད་རོགས། །
ཧ་ཧ་གད་མོ་དགོད་སའི་ཀ་རྩོམ་འདི། །
ཨ་ཏི་ཤ་ཡི་སྤྲུལ་བ་ཙོང་ཁ་བས། །
ཨ་མའི་བུ་ངའི་སྨྱུག་སོར་སྐྱོངས་བའི་ཚེ། །
ཧ་ཅང་དོན་ཟབ་སྙན་པའི་རྩོམ་ཞིག་གྲུབ། །
སོར་གདུབ།(ནག་ཆུ)
མི་འཇིགས་གདོང་ལྔས་བཏེགས་པའི་ཁྲི་སྟེང་དུ། །
ངུར་སྨྲིག་འཇམ་དབྱངས་ཐུགས་སྲས་ཙོང་ཁ་བ། །
བསླུ་མེད་དཀོན་མཆོག་མི་ཡི་གར་རོལ་བས། །
ཐུགས་རྗེའི་ལྕགས་ཀྱུས་འགྲོ་དྲུག་སེམས་ཅན་འཛིན། །
སྐྱིད་སྡུག་ཟློས་གར་འཁྲབ་པའི་འཇིག་རྟེན་ནས། །
མགོན་ཁྱེད་སྐད་ཅིག་མི་འབྲལ་སྙིང་དབུས་སྒོམ། །
ཕྱི་ནང་གསང་གི་བར་ཆད་གང་འཕྲད་ཀྱང་། །
ཡེ་ཤེས་སྤྱན་གྱིས་གཟིགས་ལ་གདོང་གྲོགས་མཛོད། །
སྐྱེས་སྟོབས་བློ་རྩལ་དབེན་པའི་བླུན་པོ་ངས། །
དོན་ཟབ་ཚིག་ལ་རྒྱན་གྱིས་སྤུད་པ་ཡི། །
སྙན་པོའི་རྩོམ་ཞིག་འབྲི་བར་སོར་རྩེ་འཚབ། །
དེས་ན་བདག་གི་སོར་མོ་བསྐྱོར་བར་མཛོད། །
ཀ་བས་གདུང་མ་འདེགས་པའི་དཔེ་བཞིན་དུ། །
ཁ་བ་བོད་པའི་ཆོས་རིག་གོམས་གསུམ་འདི། །
ག་འདྲར་བྱེད་ཀྱང་ང་ཚོས་མ་སྐྱོངས་ན། །
ང་ཚོས་མེས་པོའི་མཛད་རྗེས་ཇི་ལྟར་གླེང་། །
ང་ཚོའི་སྐད་ཡིག་མེས་པོའི་བཞག་པ་འདི། །
ག་ལེར་དར་རྒྱས་གཏང་ན་མ་འོངས་པར། །
ཁ་བ་གངས་ཅན་ཞེས་པའི་ཐ་སྙད་འདི། །
ཀ་བ་བཞིན་དུ་བརྟན་ནས་བརྟན་དུ་འགྲོ །
ཅ་མིན་བཅོས་ལོག་ལུགས་སྲོལ་མང་དག་ཅིག །
ཆ་མེད་ཡུལ་ཁམས་གཞན་ལ་དར་བ་དེར། །
ཇ་ལ་ཤིན་ཏུ་ཆགས་པའི་རྒན་རྒོན་དང་། །
ཉ་ཆུའི་འབྲེལ་བ་བཞིན་དུ་མ་བྱེད་རོགས། །
ཉ་བྱ་སྒོ་ཕྱུགས་སྲོག་བསླུ་ཚེ་ཐར་བཏང་། །
ཇ་རྩམ་ལ་སོགས་བོད་ཟས་ལ་རོལ་ནས། །
ཆ་ལུགས་རང་སྲོལ་འཛིན་པའི་བོད་མི་ཞིག །
ཅ་རེ་མཐོང་ཐོས་ཟེར་བ་དཀའ་ཙམ་གདའ། །
ཏཱ་ལ་ལྟ་བུའི་རྒྱ་ཆེའི་རིག་གཞུང་དང་། །
ཐ་སྙད་དུ་མས་གྲུབ་པའི་གསུང་རྩོམ་དག །
ད་ལྟ་ཉིད་དུ་གནམ་ནས་མ་ལྷུང་ལ། །
ན་རྩྭ་བཞིན་དུ་ས་ལས་སྐྱེས་པ་མིན། །
ན་ཆུང་མ་ལུས་རིག་པའི་གནས་ལ་འབད། །
ད་ལྟ་ལྷག་པར་བོད་ཀྱི་སྐད་ཡིག་སྦྱོངས། །
ཐ་སྙད་རིན་ཆེན་དུང་ཟླ་མ་ནུབ་ན། །
ཏ་ཐཱ་ག་ཏའི་བསྟན་པ་ཅིས་ཕྱིར་ཉམ། །
པ་ཊའི་རི་མོ་ལྷག་ཏུ་མཛེས་པའི་སྟེང་། །
ཕ་ལམ་ཁྲ་ཡིས་རྒྱན་པ་ཇི་བཞིན་དུ། །
བ་ཉལ་མཛོ་གྲོད་སྤྱོད་པ་རབ་སྤངས་ནས། །
མ་སྨད་བཅུ་ཕྲག་རིག་གནས་སྐྱོངས་བར་མཛོད། །
མ་རིག་བསལ་བའི་ཡོན་ཏན་ལྡན་པ་དང་། །
བ་སྤུ་གཡོ་བར་ནུས་པའི་གསུང་རྩོམ་དག །
ཕ་མས་བུ་ལ་གཅེས་པ་ཇི་བཞིན་དང་། །
པ་སངས་ལྟར་དཀར་ལྷག་བསམ་དག་པོས་སྐྱོངས། །
ཙ་རི་ཊ་སོགས་གནས་གསུམ་མཁའ་འགྲོའི་ཚོཊ། །
ཚ་བ་མེ་ལྟར་འབར་བའི་དུག་གསུམ་སྤངས། །
ཛ་ལང་སྤྱོད་པ་མོ་གཤམ་བུ་ཡི་ཟླ། །
ཝ་སྐྱེས་ཟིལ་གནོན་གདོང་ལྔའི་རྗེས་སུ་འགྲོ །
ཝ་མོ་བཞིན་དུ་གཡོ་སྒྱུ་ཆེ་དྲག་ན། །
ཛ་དྲག་དངངས་འཚབ་ཅན་གྱི་མཇུག་འབྲས་དང་། །
ཚ་གཟེར་རྒྱུ་འབྲས་རང་ཐོག་འཁོར་ངེས་པས། །
རྩྭ་ལྟར་གཡོ་སྒྱུའི་ལས་རྣམས་འདོར་བར་མཛོད། །
ཞ་བོའི་གྲོགས་སུ་འཁར་བ་བསྟེན་པ་བཞིན། །
ཟ་འོག་རས་ཀྱིས་བཏུམས་པའི་དཔེ་རྙིང་དག །
འ་ཅག་ན་གཞོན་རྣམས་ཀྱིས་ཉམས་བླངས་ན། །
ཡ་རབས་བླང་དོར་མི་རྟོགས་དོགས་པ་ཅི། །
ཡ་མེད་རིག་གཞུང་མ་ལུས་མེས་དབོན་ཚོས། །
འ་ཅག་ཆེད་དུ་ཁྲག་དང་རྔུལ་ཆུས་མཛད། །
ཟ་མ་བཞིན་དུ་དྲོ་བ་མ་མྱང་ན། །
ཞ་ར་མིན་པའི་ར་སྤྲོད་གང་གིས་བྱ། །
ར་གན་གསེར་ལ་བརྫུས་བའི་དཔེ་ཇི་བཞིན། །
ལ་རྒྱ་ཟེར་བ་གང་ཡིན་མ་ནོར་རོགས། །
ཤ་རུས་གཅིག་པའི་སྤུན་དང་མ་མཐུན་ན། །
ས་ཆེན་འགེངས་པའི་འུར་གཏམ་མ་བརྗོད་རོཊ །
ས་བཅུ་ལམ་ལྔ་བགྲོད་པའི་གང་ཟག་ཚོ། །
ཤ་ཚ་སྙིང་རྗེ་ཆོས་ཀྱི་བརྩ་བ་ཡིན། །
ལ་གཏམ་ལུང་གཏམ་འཆལ་གཏམ་མ་གསན་རོཊ། །
ར་བཟི་བཞིན་དུ་དྲན་ཚད་མ་བསྙད་རོགས། །
ཧ་ཧ་གད་མོ་དགོད་སའི་ཀ་རྩོམ་འདི། །
ཨ་ཏི་ཤ་ཡི་སྤྲུལ་བ་ཙོང་ཁ་བས། །
ཨ་མའི་བུ་ངའི་སྨྱུག་སོར་སྐྱོངས་བའི་ཚེ། །
ཧ་ཅང་དོན་ཟབ་སྙན་པའི་རྩོམ་ཞིག་གྲུབ། །
