རིག་རྩལ་ཚངས་དབྱངས་གློག་གི་རོལ་རྩེད་དུ། །
སྙན་འཇེབས་རྒྱུད་མངས་དཀྲོལ་བའི་མཚོ་བྱུང་མས། །
ཡིད་ཀྱི་དགའ་སྟོན་མཆོད་པའི་ཇ་ཆང་ལ། །
བཅུད་ལྡན་དྲོ་མྱངས་ངལ་བ་བདག་གིས་བྱས། །
ཡུལ་ལུང་ཕ་རོལ་བརྒལ་བའི་རི་གྲོང་དུ། །
སེམས་འགྱུ་རླུང་གིས་གཡོ་བའི་མི་ཚོགས་དབུས། །
ཁྱེད་ཉིད་ཤེས་རབ་རྩལ་གྱིས་བཞེངས་པ་ཡི། །
གསེར་གྱི་སྙན་ངག་དུམ་བུ་གནས་དེར་ཐོར། །
ངག་གི་རྦ་རླབས་རྩེན་པའི་ས་གཞི་རུ། །
དོན་གྱི་ཡལ་ག་རྒྱས་པའི་འཁྲི་ཤིང་ཞིག །
བསྙོན་དུ་མེད་པ་འཛམ་གླིང་ཤར་ནུབ་ཏུ། །
ཀུན་གྱིས་ཡིད་དབང་གསོས་སའི་གནས་སུ་གྱུར། །
ཚོར་འདུ་ངག་རིག་དབྱངས་ལ་རབ་ཆགས་པའི། །
སྒེག་ལྡན་དཔྱིད་ཀྱི་བུ་མོའི་མགྲིན་གླུ་ཡིས། །
སྙན་པའི་ཟློས་གར་བཞད་པའི་ཆུ་འགྲམ་དུ། །
ཚིག་གི་མེ་ཏོག་མགོ་ལྕོག་ལྡེམ་པར་བྱས། །
ནགས་ཀྱི་ཙན་དན་ལྗོན་པའི་ལོ་མ་ལ། །
སྙན་ཚིག་སྤྲིན་གྱི་སྒྲ་དབྱངས་ཕབས་པ་ན། །
གཞན་གསོས་བུ་མོའི་སྐད་ལ་ཟླ་བྲལ་ཡང་། །
ཡུད་ཙམ་ཧང་སང་མི་འགྱུར་རང་དབང་ཅི། །
ཤུགས་འབྱུང་ངག་གླུ་རིང་མོའི་ཀློང་འགྲམ་དུ། །
དལ་འབབ་དྭངས་གཙང་ཆུ་སྒྲ་ཡོད་ན་ཡང་། །
ཤེས་རབ་ལྡིང་ཁང་རྩལ་ལས་འཕོས་པ་ཡི། །
མཇམ་མཉེན་སྙན་ཚིག་སྒྲ་ལ་འགྲན་ཡ་མེད། །
སྣང་བ་གླུ་རུ་བརྒྱུས་པའི་འཇིག་རྟེན་ནས། །
གོམས་འགྲོས་རྩལ་གྱིས་བྱུང་བའི་སྙན་ཚིག་ཞིག །
བཅོས་མིན་འཛུམ་པའི་ཞལ་རས་དང་མཉམ་དུ། །
རྒྱང་རིང་ཟླ་བའི་ཕྱོགས་སུ་བསྐུར་བར་བྱས། །
འཁོར་འདས་གཉིས་ཀྱི་དབྱེ་མཚམས་འབྱེད་པ་ན། །
གཞི་ནས་མ་བརྗེད་སེམས་ཀྱི་སྲུང་མ་ཞིག །
ལོ་ཟླའི་ཆར་དང་བུ་ཡུག་གངས་ཁྲོད་དུ། །
མིག་གིས་བལྟས་ཤིང་སེམས་ཀྱིས་བཙལ་བར་བྱས། །
འགལ་འདུ་ཁྲོད་ཀྱི་སྨྱོས་པའི་བུ་ལོ་དེས། །
སེམས་ཀྱིས་སྲུང་པའི་ངག་རིག་དགའ་མ་ཞིག །
སྐྱེ་དགུའི་མུན་པས་རྒུད་པའི་གླིང་འདི་ནས། །
སྙན་པའི་འོ་ཆུ་དང་འདྲེས་ཁྱེད་ལ་འདྲེན། །
སྒྱུ་འཕྲུལ་དྲན་འགུལ་ངག་རིག་དབྱངས་ལ་ཐོགས། །
སེམས་ཚོར་གཉུག་མ་དོན་གྱི་ཚིག་ལ་འཕྲེང་། །
བརྩེ་སེམས་དར་སྐུད་འཐེན་པའི་གྲུ་ཁ་ནས། །
དགྱེས་པའི་འཛུམ་བག་རྗེན་གཅེར་མངོན་པར་བྱེད། །
སྙན་ཚིག་སྒྲ་ཡི་གཞུང་ལམ་རིང་མོ་འདི། །
དབྱངས་ཅན་དགྱེས་པའི་རྫས་སུ་འབུལ་བར་བྱེད། །
ངག་རིག་དུང་དཀར་གཡས་སུ་འཁྱིལ་བ་ནས། །
སེམས་ཚོར་སྒྱུ་མའི་བྲོ་གར་ང་ཡིས་འཁྲབ། །
སྙན་འཇེབས་རྒྱུད་མངས་དཀྲོལ་བའི་མཚོ་བྱུང་མས། །
ཡིད་ཀྱི་དགའ་སྟོན་མཆོད་པའི་ཇ་ཆང་ལ། །
བཅུད་ལྡན་དྲོ་མྱངས་ངལ་བ་བདག་གིས་བྱས། །
ཡུལ་ལུང་ཕ་རོལ་བརྒལ་བའི་རི་གྲོང་དུ། །
སེམས་འགྱུ་རླུང་གིས་གཡོ་བའི་མི་ཚོགས་དབུས། །
ཁྱེད་ཉིད་ཤེས་རབ་རྩལ་གྱིས་བཞེངས་པ་ཡི། །
གསེར་གྱི་སྙན་ངག་དུམ་བུ་གནས་དེར་ཐོར། །
ངག་གི་རྦ་རླབས་རྩེན་པའི་ས་གཞི་རུ། །
དོན་གྱི་ཡལ་ག་རྒྱས་པའི་འཁྲི་ཤིང་ཞིག །
བསྙོན་དུ་མེད་པ་འཛམ་གླིང་ཤར་ནུབ་ཏུ། །
ཀུན་གྱིས་ཡིད་དབང་གསོས་སའི་གནས་སུ་གྱུར། །
ཚོར་འདུ་ངག་རིག་དབྱངས་ལ་རབ་ཆགས་པའི། །
སྒེག་ལྡན་དཔྱིད་ཀྱི་བུ་མོའི་མགྲིན་གླུ་ཡིས། །
སྙན་པའི་ཟློས་གར་བཞད་པའི་ཆུ་འགྲམ་དུ། །
ཚིག་གི་མེ་ཏོག་མགོ་ལྕོག་ལྡེམ་པར་བྱས། །
ནགས་ཀྱི་ཙན་དན་ལྗོན་པའི་ལོ་མ་ལ། །
སྙན་ཚིག་སྤྲིན་གྱི་སྒྲ་དབྱངས་ཕབས་པ་ན། །
གཞན་གསོས་བུ་མོའི་སྐད་ལ་ཟླ་བྲལ་ཡང་། །
ཡུད་ཙམ་ཧང་སང་མི་འགྱུར་རང་དབང་ཅི། །
ཤུགས་འབྱུང་ངག་གླུ་རིང་མོའི་ཀློང་འགྲམ་དུ། །
དལ་འབབ་དྭངས་གཙང་ཆུ་སྒྲ་ཡོད་ན་ཡང་། །
ཤེས་རབ་ལྡིང་ཁང་རྩལ་ལས་འཕོས་པ་ཡི། །
མཇམ་མཉེན་སྙན་ཚིག་སྒྲ་ལ་འགྲན་ཡ་མེད། །
སྣང་བ་གླུ་རུ་བརྒྱུས་པའི་འཇིག་རྟེན་ནས། །
གོམས་འགྲོས་རྩལ་གྱིས་བྱུང་བའི་སྙན་ཚིག་ཞིག །
བཅོས་མིན་འཛུམ་པའི་ཞལ་རས་དང་མཉམ་དུ། །
རྒྱང་རིང་ཟླ་བའི་ཕྱོགས་སུ་བསྐུར་བར་བྱས། །
འཁོར་འདས་གཉིས་ཀྱི་དབྱེ་མཚམས་འབྱེད་པ་ན། །
གཞི་ནས་མ་བརྗེད་སེམས་ཀྱི་སྲུང་མ་ཞིག །
ལོ་ཟླའི་ཆར་དང་བུ་ཡུག་གངས་ཁྲོད་དུ། །
མིག་གིས་བལྟས་ཤིང་སེམས་ཀྱིས་བཙལ་བར་བྱས། །
འགལ་འདུ་ཁྲོད་ཀྱི་སྨྱོས་པའི་བུ་ལོ་དེས། །
སེམས་ཀྱིས་སྲུང་པའི་ངག་རིག་དགའ་མ་ཞིག །
སྐྱེ་དགུའི་མུན་པས་རྒུད་པའི་གླིང་འདི་ནས། །
སྙན་པའི་འོ་ཆུ་དང་འདྲེས་ཁྱེད་ལ་འདྲེན། །
སྒྱུ་འཕྲུལ་དྲན་འགུལ་ངག་རིག་དབྱངས་ལ་ཐོགས། །
སེམས་ཚོར་གཉུག་མ་དོན་གྱི་ཚིག་ལ་འཕྲེང་། །
བརྩེ་སེམས་དར་སྐུད་འཐེན་པའི་གྲུ་ཁ་ནས། །
དགྱེས་པའི་འཛུམ་བག་རྗེན་གཅེར་མངོན་པར་བྱེད། །
སྙན་ཚིག་སྒྲ་ཡི་གཞུང་ལམ་རིང་མོ་འདི། །
དབྱངས་ཅན་དགྱེས་པའི་རྫས་སུ་འབུལ་བར་བྱེད། །
ངག་རིག་དུང་དཀར་གཡས་སུ་འཁྱིལ་བ་ནས། །
སེམས་ཚོར་སྒྱུ་མའི་བྲོ་གར་ང་ཡིས་འཁྲབ། །
