མཐའ་བྲལ་ཆུ་གཏེར་ཀུན་གསལ་ལྷ་ལམ་ན།།
སྤྲིན་གྱི་མེ་ཏོག་གསར་བའི་མགོ་ལྕོག་ལྡེམ།།
དེ་སྟེང་རིག་བྱེད་འབུམ་གྱི་ཡོངས་གཏམས་པའི།།
ངག་དབང་དབྱངས་ཅན་ལྷ་མོ་ངོ་མཚར་མ།།
ཡིད་འོང་བྲག་སྐྱིབ་གུ་ཡངས་ཉམས་དགའ་བར།།
ཡིད་འཇོག་སྣང་བའི་གང་ཤར་གཟུགས་བརྙན་ལ།།
ཡིད་ལུས་མག་མོག་སྣ་ཚོགས་རི་མོའི་གར།།
ཡིད་འཇགས་གླུ་དབྱངས་བླངས་བ་ཤིན་ཏུ་དྲན།།
བརྗིད་ཆགས་གངས་དཀར་རི་ཁ་བས་བརྒྱན།།
དྭངས་གསལ་ཆུ་གཙང་བསིལ་མ་རབ་ཏུ་འཕྱོ།།
ཏིང་འཛིན་ཀློང་ལས་གུ་ཡངས་ཐོལ་གྱིས་གླུ།།
ཡང་ཡང་རྣ་བའི་བཅུད་དུ་སིམས་པ་དྲན།།
དལ་འགྲོས་གོམ་པའི་འདེགས་འཇོག་མི་སྤོ་བར།།
སྐྱེ་རྒུའི་ས་ལམ་བཟང་པོ་འཚོལ་མཛད་པའི།།
རི་ལུང་སྟོང་གི་ཆོད་པའི་ཕར་ངོགས་སུ།།
གཅིག་པུར་ལྷོད་ཀྱིས་བཞུགས་པ་རབ་ཏུ་དྲན།།
ཆུ་ཤེལ་དྲི་བྲལ་ཟླ་བའི་བསིལ་བ་འཇམ།།
ལྷིང་འཇགས་མཚན་གྱི་འཁོར་ཡུག་ཀུན་ནས་སྨིན།།
གཡོ་མེད་བསམ་གཏན་སྒྱུ་མའི་གུར་ཁྱིམ་ནང་།།
རྩེ་གཅིག་ཞི་བར་གནས་པའི་དྲང་སྲོང་དྲན།།
རི་ཁྲོད་འདུ་འཛི་མེད་པའི་བས་མཐའ་རུ།།
ཅ་ཅོའི་སྨྲ་བ་བོར་ཞིང་ཁེར་རྐྱང་ངང་།།
སེམས་ཀྱི་ཡིན་ལུགས་ངོས་ལ་ཞི་བའི་ལམ།།
ནན་ནན་འཚོལ་བར་མཛད་པའི་ཐུབ་པ་དྲན།།
རེ་དོགས་འཛིན་ཞེན་གཉེར་མ་ཀུན་རྟོག་རིས།།
གཞི་མེད་རིག་སྟོང་ངང་ལ་གདེང་བསྐྱེད་པའི།།
བྱར་མེད་ངེས་འབྱུང་རྣོན་པོས་ལྕེ་གཅོད་པའི།།
འཁྲུལ་བ་དབྱིངས་སུ་ཟད་པའི་བདེན་སྨྲ་དྲན།།
མི་འཕྲོག་དད་པའི་གཞལ་ཡས་ཁང་བཟང་ནང་།།
རྨད་བྱུང་དམ་ཆོས་བདུད་རྩི་གསོལ་མཛད་པའི།།
ཡང་དག་སླབ་གསུམ་ནོར་བུས་རྒྱུད་གཏམས་པ།།
ངེས་དོན་རྟགས་ཀྱི་འཁོར་ལོའི་སྡོམ་བརྩོན་དྲན།།
གསང་གསུམ་བྱེ་བའི་མཛོད་འཛིན་ཀུན་ཏུ་བཟང་།།
ཟབ་དོན་ཚུལ་བཞིན་མཁྱེན་པའི་རྫོགས་ཆེན་པ།།
མདོ་སྔགས་བསྟན་པའི་མངའ་བདག་གངས་ཅན་པ།།
ལྟོ་སྐྱ་གོས་ཧྲུལ་ཅན་གྱི་བྱ་བྲལ་དྲན།།
མ་བརྟགས་ཐོལ་བྱུང་བྲིས་པའི་ཚིག་གི་ཚོགས།།
དོན་མེད་འཆལ་གཏམ་རྒྱུ་རུ་འགྱུར་ངེས་ཀྱང་།།
གངས་རིའི་འོད་ཀྱི་སྐར་མ་དྲང་སྲོང་སྡེ།།
དལ་ཅིག་དྲན་པའི་མཐའ་རུ་རི་མོ་བྲིས།།
མཐོ་བོད་གངས་ཅན་ལྗོངས་ཀྱི་བས་མཐའ་རུ།།
བསླབ་བརྩོན་ཐོས་བསམ་སྒོམ་པ་མཐར་འཁྱོལ་བའི།།
གདོད་མའི་དྲང་སྲོང་ཆེན་པོའི་རྗེས་འཚོལ་བ།།
གཡོ་མེད་དཀའ་ཐུབ་སྤྱོད་རྣམས་རྒྱལ་གྱུར་ཅིག།
སྤྲིན་གྱི་མེ་ཏོག་གསར་བའི་མགོ་ལྕོག་ལྡེམ།།
དེ་སྟེང་རིག་བྱེད་འབུམ་གྱི་ཡོངས་གཏམས་པའི།།
ངག་དབང་དབྱངས་ཅན་ལྷ་མོ་ངོ་མཚར་མ།།
ཡིད་འོང་བྲག་སྐྱིབ་གུ་ཡངས་ཉམས་དགའ་བར།།
ཡིད་འཇོག་སྣང་བའི་གང་ཤར་གཟུགས་བརྙན་ལ།།
ཡིད་ལུས་མག་མོག་སྣ་ཚོགས་རི་མོའི་གར།།
ཡིད་འཇགས་གླུ་དབྱངས་བླངས་བ་ཤིན་ཏུ་དྲན།།
བརྗིད་ཆགས་གངས་དཀར་རི་ཁ་བས་བརྒྱན།།
དྭངས་གསལ་ཆུ་གཙང་བསིལ་མ་རབ་ཏུ་འཕྱོ།།
ཏིང་འཛིན་ཀློང་ལས་གུ་ཡངས་ཐོལ་གྱིས་གླུ།།
ཡང་ཡང་རྣ་བའི་བཅུད་དུ་སིམས་པ་དྲན།།
དལ་འགྲོས་གོམ་པའི་འདེགས་འཇོག་མི་སྤོ་བར།།
སྐྱེ་རྒུའི་ས་ལམ་བཟང་པོ་འཚོལ་མཛད་པའི།།
རི་ལུང་སྟོང་གི་ཆོད་པའི་ཕར་ངོགས་སུ།།
གཅིག་པུར་ལྷོད་ཀྱིས་བཞུགས་པ་རབ་ཏུ་དྲན།།
ཆུ་ཤེལ་དྲི་བྲལ་ཟླ་བའི་བསིལ་བ་འཇམ།།
ལྷིང་འཇགས་མཚན་གྱི་འཁོར་ཡུག་ཀུན་ནས་སྨིན།།
གཡོ་མེད་བསམ་གཏན་སྒྱུ་མའི་གུར་ཁྱིམ་ནང་།།
རྩེ་གཅིག་ཞི་བར་གནས་པའི་དྲང་སྲོང་དྲན།།
རི་ཁྲོད་འདུ་འཛི་མེད་པའི་བས་མཐའ་རུ།།
ཅ་ཅོའི་སྨྲ་བ་བོར་ཞིང་ཁེར་རྐྱང་ངང་།།
སེམས་ཀྱི་ཡིན་ལུགས་ངོས་ལ་ཞི་བའི་ལམ།།
ནན་ནན་འཚོལ་བར་མཛད་པའི་ཐུབ་པ་དྲན།།
རེ་དོགས་འཛིན་ཞེན་གཉེར་མ་ཀུན་རྟོག་རིས།།
གཞི་མེད་རིག་སྟོང་ངང་ལ་གདེང་བསྐྱེད་པའི།།
བྱར་མེད་ངེས་འབྱུང་རྣོན་པོས་ལྕེ་གཅོད་པའི།།
འཁྲུལ་བ་དབྱིངས་སུ་ཟད་པའི་བདེན་སྨྲ་དྲན།།
མི་འཕྲོག་དད་པའི་གཞལ་ཡས་ཁང་བཟང་ནང་།།
རྨད་བྱུང་དམ་ཆོས་བདུད་རྩི་གསོལ་མཛད་པའི།།
ཡང་དག་སླབ་གསུམ་ནོར་བུས་རྒྱུད་གཏམས་པ།།
ངེས་དོན་རྟགས་ཀྱི་འཁོར་ལོའི་སྡོམ་བརྩོན་དྲན།།
གསང་གསུམ་བྱེ་བའི་མཛོད་འཛིན་ཀུན་ཏུ་བཟང་།།
ཟབ་དོན་ཚུལ་བཞིན་མཁྱེན་པའི་རྫོགས་ཆེན་པ།།
མདོ་སྔགས་བསྟན་པའི་མངའ་བདག་གངས་ཅན་པ།།
ལྟོ་སྐྱ་གོས་ཧྲུལ་ཅན་གྱི་བྱ་བྲལ་དྲན།།
མ་བརྟགས་ཐོལ་བྱུང་བྲིས་པའི་ཚིག་གི་ཚོགས།།
དོན་མེད་འཆལ་གཏམ་རྒྱུ་རུ་འགྱུར་ངེས་ཀྱང་།།
གངས་རིའི་འོད་ཀྱི་སྐར་མ་དྲང་སྲོང་སྡེ།།
དལ་ཅིག་དྲན་པའི་མཐའ་རུ་རི་མོ་བྲིས།།
མཐོ་བོད་གངས་ཅན་ལྗོངས་ཀྱི་བས་མཐའ་རུ།།
བསླབ་བརྩོན་ཐོས་བསམ་སྒོམ་པ་མཐར་འཁྱོལ་བའི།།
གདོད་མའི་དྲང་སྲོང་ཆེན་པོའི་རྗེས་འཚོལ་བ།།
གཡོ་མེད་དཀའ་ཐུབ་སྤྱོད་རྣམས་རྒྱལ་གྱུར་ཅིག།
