བརྩེ་འདང་གི་སྙིགས་མ།
ZMལབ་པ།
འབུམ་ལྷ་སྲས། གསེར་རྟ།
ལས་ཀྱི་རླུང་ཆེན་ནམ་དང་གང་ལ་ལྡང་། །
དེ་ཡིས་བདག་གི་ཚེ་སྲོག་ཇི་ལྟར་འབྲི། །
སྐྱོ་སྡུག་འབུམ་དང་ཁྲི་ཡི་བསྡུས་གཟུགས་ལས། །
མི་བཟོད་ཚེར་མའི་བཙོན་ཁང་གཅིག་རེ་ཙམ། །
གཅིག་པུར་གནས་འདིར་འོང་ལ་སྐྱོ་དོན་ཅི། །
ཡབ་ཡུམ་བརྩེ་བའི་ཁུད་དུ་ཉལ་བས་ཆོག །
འཆི་བར་གདོང་ཐུག་བྱེད་ལའང་འཇིགས་དོན་གང་། །
ཀུན་མཐུན་ཆོས་ཉིད་གཅིག་གི་ལམ་བུ་ཨང་། །
རང་བྱུང་སེམས་ལས་འཕོས་པའི་དམ་ཚིག་ལས། །
མ་འདྲིས་འདང་གི་རི་མོའི་ཆང་ཕབ་ཀྱང་། །
ལོ་ཟླ་བདག་ཀྱང་ལྷན་དུ་རྒ་འགྱུར་ཚེ། །
ཉེ་བའི་མི་དག་གྱེས་པ་སྐྱོ་བའི་གནས། །
ནམ་ཞིག་བདག་ཉིད་ནད་ཀྱི་བཙོན་རར་ཚུད། །
རླུང་རྟ་རྒུད་ཅིང་ཉམ་དམས་དོང་དུ་ལྷུང་། །
དུས་དེར་རེ་བའི་དགོས་འདོད་ཁྱོད་མེད་ཚེ། །
སྡུག་གི་འཁོར་ལོ་བརྩི་ཐབས་ཇི་ལྟར་འགྲིགས། །
ཉི་ཟླར་འོད་ཟེར་མེད་པར་མི་འཇིགས་ལ། །
བར་དོའི་ཐང་ཆེན་བགྲོད་ལ་སྐྲག་དོན་གང་། །
བརྩེ་སེམས་འོ་ཇའི་བྲོ་བར་ཐག་རིང་ཚེ། །
དངངས་བ་རླབས་ཀྱི་འཕྱོ་འཇགས་ཞི་ཐབས་དབེན། །
23/3/8
གཉིད་དང་འདྲེས་པ།
འབུམ་ལྷ་སྲས། གསེར་རྟ།
བདག་ནི་སྙོམ་ལས་འཕེལ་བའི་གཞིས་ཁྱིམ་དུ། །
ཡུན་རིང་གཉིད་དུ་ཡུར་ཞིང་དུས་དག་ཟད། །
སྣང་བྱེད་དྲོད་ཀྱི་ནུས་པ་གཅིག་བསྡུས་བཞིན། །
ཚ་གདུག་ངལ་དུབ་རླབས་ཀྱིས་མལ་ནས་བསླངས། །
ཕྱི་དྲོའི་ཉི་འོད་སྒེའུ་ཁུང་འགྲམ་དུ་ལྷུང་། །
གང་ཉིད་འཛུམ་ལས་གསེར་མདངས་མར་ཁུ་མཆེད། །
ལྗོངས་འདིར་མཛེས་སྡུག་སྣང་བ་གཞན་ཞིག་བསྟར། །
དྲི་གཞོན་ལྡང་ཞིང་རྩྭ་ལོ་དལ་བུར་བསྒུལ། །
བྱིས་སྒྲུང་ཁྲོད་ཀྱི་མཛེས་རིས་མིག་ཏུ་མངོན། །
འདུ་ཤེས་སེམས་ལ་བསྐོར་བའི་སྐད་ཅིག་ངོར། །
སྒྱིད་ལུག་ནམ་ཟླའི་གྲངས་ཀ་ཡིད་ལ་འཁོར། །
ཀུན་མཁྱེན་གཤོག་རུ་ཆད་པའི་རྐྱེན་དག་ཤེས། །
བྱིའུ་ཆུང་རྒུམ་བུའི་སླད་དུ་གང་སར་འཕུར། །
མི་རྣམ་འདུན་པའི་དོན་དུ་དལ་མེད་རྒྱུ། །
ཁོ་བོ་གཉིད་ལ་ཆགས་ཤིང་ཚེ་སྲོག་བཏང་། །
སྐྱོ་བ་སེམས་སུ་གཟར་ཏེ་མགོ་བོ་དུད། །
23/4/22/
ZMལབ་པ།
འབུམ་ལྷ་སྲས། གསེར་རྟ།
ལས་ཀྱི་རླུང་ཆེན་ནམ་དང་གང་ལ་ལྡང་། །
དེ་ཡིས་བདག་གི་ཚེ་སྲོག་ཇི་ལྟར་འབྲི། །
སྐྱོ་སྡུག་འབུམ་དང་ཁྲི་ཡི་བསྡུས་གཟུགས་ལས། །
མི་བཟོད་ཚེར་མའི་བཙོན་ཁང་གཅིག་རེ་ཙམ། །
གཅིག་པུར་གནས་འདིར་འོང་ལ་སྐྱོ་དོན་ཅི། །
ཡབ་ཡུམ་བརྩེ་བའི་ཁུད་དུ་ཉལ་བས་ཆོག །
འཆི་བར་གདོང་ཐུག་བྱེད་ལའང་འཇིགས་དོན་གང་། །
ཀུན་མཐུན་ཆོས་ཉིད་གཅིག་གི་ལམ་བུ་ཨང་། །
རང་བྱུང་སེམས་ལས་འཕོས་པའི་དམ་ཚིག་ལས། །
མ་འདྲིས་འདང་གི་རི་མོའི་ཆང་ཕབ་ཀྱང་། །
ལོ་ཟླ་བདག་ཀྱང་ལྷན་དུ་རྒ་འགྱུར་ཚེ། །
ཉེ་བའི་མི་དག་གྱེས་པ་སྐྱོ་བའི་གནས། །
ནམ་ཞིག་བདག་ཉིད་ནད་ཀྱི་བཙོན་རར་ཚུད། །
རླུང་རྟ་རྒུད་ཅིང་ཉམ་དམས་དོང་དུ་ལྷུང་། །
དུས་དེར་རེ་བའི་དགོས་འདོད་ཁྱོད་མེད་ཚེ། །
སྡུག་གི་འཁོར་ལོ་བརྩི་ཐབས་ཇི་ལྟར་འགྲིགས། །
ཉི་ཟླར་འོད་ཟེར་མེད་པར་མི་འཇིགས་ལ། །
བར་དོའི་ཐང་ཆེན་བགྲོད་ལ་སྐྲག་དོན་གང་། །
བརྩེ་སེམས་འོ་ཇའི་བྲོ་བར་ཐག་རིང་ཚེ། །
དངངས་བ་རླབས་ཀྱི་འཕྱོ་འཇགས་ཞི་ཐབས་དབེན། །
23/3/8
གཉིད་དང་འདྲེས་པ།
འབུམ་ལྷ་སྲས། གསེར་རྟ།
བདག་ནི་སྙོམ་ལས་འཕེལ་བའི་གཞིས་ཁྱིམ་དུ། །
ཡུན་རིང་གཉིད་དུ་ཡུར་ཞིང་དུས་དག་ཟད། །
སྣང་བྱེད་དྲོད་ཀྱི་ནུས་པ་གཅིག་བསྡུས་བཞིན། །
ཚ་གདུག་ངལ་དུབ་རླབས་ཀྱིས་མལ་ནས་བསླངས། །
ཕྱི་དྲོའི་ཉི་འོད་སྒེའུ་ཁུང་འགྲམ་དུ་ལྷུང་། །
གང་ཉིད་འཛུམ་ལས་གསེར་མདངས་མར་ཁུ་མཆེད། །
ལྗོངས་འདིར་མཛེས་སྡུག་སྣང་བ་གཞན་ཞིག་བསྟར། །
དྲི་གཞོན་ལྡང་ཞིང་རྩྭ་ལོ་དལ་བུར་བསྒུལ། །
བྱིས་སྒྲུང་ཁྲོད་ཀྱི་མཛེས་རིས་མིག་ཏུ་མངོན། །
འདུ་ཤེས་སེམས་ལ་བསྐོར་བའི་སྐད་ཅིག་ངོར། །
སྒྱིད་ལུག་ནམ་ཟླའི་གྲངས་ཀ་ཡིད་ལ་འཁོར། །
ཀུན་མཁྱེན་གཤོག་རུ་ཆད་པའི་རྐྱེན་དག་ཤེས། །
བྱིའུ་ཆུང་རྒུམ་བུའི་སླད་དུ་གང་སར་འཕུར། །
མི་རྣམ་འདུན་པའི་དོན་དུ་དལ་མེད་རྒྱུ། །
ཁོ་བོ་གཉིད་ལ་ཆགས་ཤིང་ཚེ་སྲོག་བཏང་། །
སྐྱོ་བ་སེམས་སུ་གཟར་ཏེ་མགོ་བོ་དུད། །
23/4/22/
འབུམ་ལྷ་སྲས། དངོས་མིང་ཐུབ་བསྟན་དཔལ་ལྡན།
མདོ་ཁམས་གསེར་རྟའི་མི། སྙན་ངག་ལ་དད་མོས་བྱེད་མཁན་ཞིག འདས་པའི་ཆར་དུས་དེབ་《གུར་ཀུམ་ཆུན་པོ།》《ཁམས་པའི་རྩོམ་རིག་སྒྱུ་རྩལ།》《པདྨའི་ཚལ།》《སྲིད་པའི་གཏོ་སྒྲོམ།》《དཔལ་འཛོམས་ལོ་དེབ།》《ཨ་མྲའི་ལྗོན་ཤིང་།》《མཚོ་སྔོན་ཁྲིམས་ལུགས་ཚགས་པར་》དང་ 《མཚོ་སྔོན་བོད་ཡིག་གསར་འགྱུར།》《མཐོང་གྲོལ་དྲྭ་བ།》《ཁམས་པའི་ཚགས་པར།》《ཀན་ལྷོའི་གསར་འགྱུར།》《 གཞིས་ཀ་རྩེ་ཉིན་རེའི་ཚགས་པར། 》《སྦྲ་ནག་ཚགས་པར་》དང་《རྔ་བའི་ཚགས་པར།] ད་དུང་《ཁམས་པའི་སློབ་ཁྲིད་ཐོན་ཁུངས་དྲྭ་བ། 》《རྒྱལ་ཡོངས་ས་ཆེན་དྲྭ་བ་》སོགས་བོད་ཡུལ་གྱི་དྲྭ་ཚུགས་དང་སྤྱི་སྟེགས་འགའ་རེར་སྙན་ངག་སྤེལ་མྱོང་ལ་ད་དུང་ན་གཞོན་འགའ་དང་ལྷན་དུ་ 《སྒོ་ཐེམ། 》དང་ 《 ཚོར་བའི་སྒྲུང་》ཞེས་པའི་སྙན་དེབ་དང་ཟིན་བྲིས་ཀྱི་སྒེར་དེབ་《བྱམས་བརྩེའི་སྟོབས། 》སོགས་སྤེལ་མྱོང་། ཞོར་དུ་《བྱམས་བརྩེ་པད་དཀར་གྱི་བདག་མོ་》དང་《ནང་སེམས་གྲང་བའི་སྟོན་དུས། 》《 དབེན་ཁྲོད་ཀྱི་དྲན་གདུང་ 》སོགས་གྱེར་འདོན་རེ་ལ་ཚོད་ལྟ་བྱེད་ཀྱིན་ཡོད།
མདོ་ཁམས་གསེར་རྟའི་མི། སྙན་ངག་ལ་དད་མོས་བྱེད་མཁན་ཞིག འདས་པའི་ཆར་དུས་དེབ་《གུར་ཀུམ་ཆུན་པོ།》《ཁམས་པའི་རྩོམ་རིག་སྒྱུ་རྩལ།》《པདྨའི་ཚལ།》《སྲིད་པའི་གཏོ་སྒྲོམ།》《དཔལ་འཛོམས་ལོ་དེབ།》《ཨ་མྲའི་ལྗོན་ཤིང་།》《མཚོ་སྔོན་ཁྲིམས་ལུགས་ཚགས་པར་》དང་ 《མཚོ་སྔོན་བོད་ཡིག་གསར་འགྱུར།》《མཐོང་གྲོལ་དྲྭ་བ།》《ཁམས་པའི་ཚགས་པར།》《ཀན་ལྷོའི་གསར་འགྱུར།》《 གཞིས་ཀ་རྩེ་ཉིན་རེའི་ཚགས་པར། 》《སྦྲ་ནག་ཚགས་པར་》དང་《རྔ་བའི་ཚགས་པར།] ད་དུང་《ཁམས་པའི་སློབ་ཁྲིད་ཐོན་ཁུངས་དྲྭ་བ། 》《རྒྱལ་ཡོངས་ས་ཆེན་དྲྭ་བ་》སོགས་བོད་ཡུལ་གྱི་དྲྭ་ཚུགས་དང་སྤྱི་སྟེགས་འགའ་རེར་སྙན་ངག་སྤེལ་མྱོང་ལ་ད་དུང་ན་གཞོན་འགའ་དང་ལྷན་དུ་ 《སྒོ་ཐེམ། 》དང་ 《 ཚོར་བའི་སྒྲུང་》ཞེས་པའི་སྙན་དེབ་དང་ཟིན་བྲིས་ཀྱི་སྒེར་དེབ་《བྱམས་བརྩེའི་སྟོབས། 》སོགས་སྤེལ་མྱོང་། ཞོར་དུ་《བྱམས་བརྩེ་པད་དཀར་གྱི་བདག་མོ་》དང་《ནང་སེམས་གྲང་བའི་སྟོན་དུས། 》《 དབེན་ཁྲོད་ཀྱི་དྲན་གདུང་ 》སོགས་གྱེར་འདོན་རེ་ལ་ཚོད་ལྟ་བྱེད་ཀྱིན་ཡོད།
