སྐར་མའི་ལུས་འདར་ཡོམ་པའི་ནམ་མཁའ་ན། །
ཟླ་བ་སྤྲིན་གསེབ་ཉལ་བའི་མཚན་ལྗོངས་སུ། །
དུང་གི་ཟླ་བའི་འོད་ཆེན་འཛུམ་ཞལ་ཅན། །
ཞེན་ཆགས་ན་བུན་འཁྲིགས་སའི་ཡུ་མོ་ཡིན། །
ཆར་ཟིལ་འདབ་མ་བརྒྱན་པའི་ནམ་ཟླ་རུ། །
རི་གཞུངས་རྩྭ་ལྗང་འབུས་པའི་དབྱར་ཀ་ན། །
རྫི་གླུ་ངག་ལ་འགུག་པའི་འགྱུར་ཁུག་གིས། །
ན་མཉམ་གཞོན་པའི་སེམས་པ་འཕྲོག་མཁན་ཡིན། །
གངས་རིའི་གཟི་བྱིན་འབར་བའི་དགུན་གསུམ་ན། །
གྲང་རླུང་བར་མེད་རྒྱུ་བའི་རྒོངས་ཀ་རེར། །
དྲན་གདུང་མཚོ་མོ་འཁྱིལ་བའི་རྫིང་བུ་དབུས། །
ཞལ་དཀར་འཛུམ་རིས་པདྨོ་བསྐྱོམ་ས་ཡིན། །
ཀུན་རྫོབ་རྣམ་རྟོག་ཚོན་རིས་མོད་པོ་དཀྱིལ། །
མཛེས་སྨིན་ཞལ་རས་ཟླ་བའི་ཟེགས་མ་ཅན། །
དྲན་པའི་ཡོ་གོར་ནང་གི་དུང་སེམས་མ། །
སྙན་ཚིག་འདབ་མའི་དབུས་བཞད་ཟེའུ་འབྲུ་ཡིན། །
ཚོར་མགུར་དབྱངས་ལ་བརྒྱུས་པའི་ལོ་ཟླ་རུ། །
ཁེར་རྐྱང་རི་ཀླུང་བརྒལ་བའི་གཞོན་པའི་དུས། །
ཟླ་བའི་འཛུམ་ལ་སྐར་མའི་སྤྱན་རས་འཚེར། །
གཞོན་སྐྱེས་སྙིང་གི་སྡུ་གུ་དྲན་ཤིང་ཡིན། །
རི་བོར་ནགས་ཀྱིས་བཅིངས་པའི་ལུང་པ་ན། །
གཙང་ཆུ་ཤང་ཤང་འབབ་པའི་སྡེ་མཐའ་རུ། །
གཞོན་ཤ་ལང་ཚོ་དར་མའི་སོ་དཀར་དགོད། །
སེམས་པའི་ཕྱི་ནང་བརླན་མཁན་ཆར་བ་ཡིན། །
ཟླ་བ་སྤྲིན་གསེབ་ཉལ་བའི་མཚན་ལྗོངས་སུ། །
དུང་གི་ཟླ་བའི་འོད་ཆེན་འཛུམ་ཞལ་ཅན། །
ཞེན་ཆགས་ན་བུན་འཁྲིགས་སའི་ཡུ་མོ་ཡིན། །
ཆར་ཟིལ་འདབ་མ་བརྒྱན་པའི་ནམ་ཟླ་རུ། །
རི་གཞུངས་རྩྭ་ལྗང་འབུས་པའི་དབྱར་ཀ་ན། །
རྫི་གླུ་ངག་ལ་འགུག་པའི་འགྱུར་ཁུག་གིས། །
ན་མཉམ་གཞོན་པའི་སེམས་པ་འཕྲོག་མཁན་ཡིན། །
གངས་རིའི་གཟི་བྱིན་འབར་བའི་དགུན་གསུམ་ན། །
གྲང་རླུང་བར་མེད་རྒྱུ་བའི་རྒོངས་ཀ་རེར། །
དྲན་གདུང་མཚོ་མོ་འཁྱིལ་བའི་རྫིང་བུ་དབུས། །
ཞལ་དཀར་འཛུམ་རིས་པདྨོ་བསྐྱོམ་ས་ཡིན། །
ཀུན་རྫོབ་རྣམ་རྟོག་ཚོན་རིས་མོད་པོ་དཀྱིལ། །
མཛེས་སྨིན་ཞལ་རས་ཟླ་བའི་ཟེགས་མ་ཅན། །
དྲན་པའི་ཡོ་གོར་ནང་གི་དུང་སེམས་མ། །
སྙན་ཚིག་འདབ་མའི་དབུས་བཞད་ཟེའུ་འབྲུ་ཡིན། །
ཚོར་མགུར་དབྱངས་ལ་བརྒྱུས་པའི་ལོ་ཟླ་རུ། །
ཁེར་རྐྱང་རི་ཀླུང་བརྒལ་བའི་གཞོན་པའི་དུས། །
ཟླ་བའི་འཛུམ་ལ་སྐར་མའི་སྤྱན་རས་འཚེར། །
གཞོན་སྐྱེས་སྙིང་གི་སྡུ་གུ་དྲན་ཤིང་ཡིན། །
རི་བོར་ནགས་ཀྱིས་བཅིངས་པའི་ལུང་པ་ན། །
གཙང་ཆུ་ཤང་ཤང་འབབ་པའི་སྡེ་མཐའ་རུ། །
གཞོན་ཤ་ལང་ཚོ་དར་མའི་སོ་དཀར་དགོད། །
སེམས་པའི་ཕྱི་ནང་བརླན་མཁན་ཆར་བ་ཡིན། །
