—— བོད་མི་རིགས་ཀྱི་རིག་གནས་དང་ཚེ་སྲོག་སྐྱོབ་དགོས་ན་ཕ་སྐད་སྦྱོང་བ་ཙམ་དང་བོད་ལ་གོན་སྟངས་ཤིག་གིས་གཏན་ནས་སྐྱོབ་མི་ཐུབ།
ང་རང་ནི་མི་རིགས་ཀྱི་ཉེན་ཚབ་རང་བཞིན་ལ་བསམ་བློ་གཏོང་བའི་དཔྱོད་ཤེས་པ་ཞིག་མིན་ལ། མི་རིགས་ཀྱི་ཉིན་ཚབ་རང་བཞིན་ལ་ལེགས་ཉེས་ཤན་འབྱེད་བྱེད་པའི་ཤེས་ཡོན་པ་ཞིག་ཀྱང་མིན། རིག་གནས་ཀྱི་རྒྱབ་ལྗོངས་མཐུག་པོ་ལྡན་པའི་ཡོན་ཏན་པ་ཞིག་ཡེ་ནས་མིན།ཡིན་ནའང་། ང་རང་ནི་མི་རིགས་ཀྱི་ཉེན་ཚབ་རང་བཞིན་ལ་རང་ནུས་ཀྱིས་འབད་པ་བྱེད་ཐུབ་ཙམ་དང་རང་གི་ནུས་པའི་ལྕོགས་ཚོད་ཀྱིས་དོན་ཆུང་ཙག་ཙིག་ལ་ཞིབ་ཚགས་ལྡན་པའི་སྒོ་ནས་འཇུག་འདོད་ཡོད་ལ། རང་ལ་ལྡན་པའི་སློབ་གསོའི་ལག་ལེན་ལ་ཚོད་ལྟ་རང་བཞིན་གྱིས་ངས་རང་ཉིད་བསྔོག་འདོད་པ་ཙམ་ཡིན།
སྤྱིར་ན་ང་ཡང་རང་གི་ཁ་ཡ་ན་ཟླ་གཞན་ཚོ་དང་འདྲ་བར་བསམ་བློའི་བགྲོ་གླེང་དང་སྙན་ངག་སྒྲུང་གཏམ་ལ་སོགས་ཀྱི་རྩོམ་རིག་ལ་དགའ་བ་ཆེ། དེ་བཞིན་རང་ཀྱི་ལྟ་བ་བརྗོད་པར་དགའ་ལ། མི་རིགས་ཀྱི་ངོས་ནས་མ་འཁྱོངས་ས་དང་མི་འཇོན་པའི་སྲོལ་རྒྱུན་སློབ་གསོ་ལ་དགག་པ་བྱེད། ད་དུང་སྐྱབས་བཅོལ་བག་འཁུམ་དང་བླ་སྤྲུལ་མཆོད་བཀུར་གྱི་གོམས་གཤིས་སྣ་ཚོགས་ཤིག་ལ་གཏོར་བཤིག་ངན་དམོད་ཀྱི་ལས་དག་བརྩམས་མྱོང་ཡོད་ལ་དེ་རུ་སུན་འབྱིན་གང་མང་རེ་ཡང་བྱས་ཡོད་ངེས། དེའི་རྐྱེན། ཡུལ་སྡེ་མི་དམངས་ཀྱིས་ངན་མཚང་སྡང་མིག་གིས་བལྟས་ཡོད་པའང་གདོན་མི་ཟ།
ད་སྐབས་ལས་སྣ་ཚོགས་ཀྱི་མགོ་མཇུག་བར་གསུམ་ལ་སྡོམ་ཚིག་བཀོད་དེ་ཕྱིར་ལྟ་དང་རྒྱང་ལྟ་གང་ལ་བྱས་ཀྱང་ངལ་བ་འབྲས་མེད་ཅིག་ཡིན་པ་ཤེས་འོངས། ང་ཡི་འཇོན་ནུས་དང་རིག་སྟོབས་འདི་ཙམ་གྱིས་རྙེང་ཞེན་མཁྲེགས་འཛིན་ཅན་གྱི་སྲོལ་ཆགས་རྒན་པོ་རྣམས་ལ་འགྱུར་བ་གཏོང་མི་ཐུབ་ལ། ཁ་ཡ་ན་ཟླ་རྣམས་ཀྱི་རང་ལྟ་མཆོག་འཛིན་གྱི་བསམ་བློ་སྒུལ་མི་ཐུབ་པ་མངོན་གསལ་རེད།
དེ་བས་ངས་འདི་ལྟར་ལམ་འདི་བདམས་པ་ཡིན། རང་སྦྱོང་རང་སྟོབས་འོག་ཚད་ལྡན་སློབ་གསོའི་གཞུང་རྩོམ་བཀླགས་ཤིང་བསམ་གཞིག་བཏངས་པའི་མཐར་ཐུག་རང་ནུས་ཅི་ལྕོགས་ཀྱིས་ཞབས་འདེགས་ཞུ་མི་ཐུབ་རུང་ཞབས་འདྲེན་མི་བྱེད་པར། ང་ཚོ་དང་ཉམས་ཆུང་བའི་ཁྱེའུ་འདི་ཚོ་ལ་བདག་གཉོར་ལེགས་པོ་ཞིག་བྱེད་འདོད་སྐྱེས་སོང་།
བྱིས་པ་རྣམས་ལ་ཚད་ལྡན་གྱི་སློབ་གསོ་མྱོང་དུ་འཇུག་དགོས་ལ། སློབ་ཆུང་གི་བྱིས་པ་རྣམས་ལ་རྣལ་མའི་སློབ་གསོ་རེ་ངེས་པར་འཐོབ་ཏུ་འཇུག་དགོས། མི་རིགས་ཀྱི་འཕེལ་རྒྱས་དང་དར་རྒུད་ཀྱི་རྩ་བ་ནི་ཁྱེའུ་དུས་སློབ་གསོ་ཚད་ལྡན་ཞིག་མྱོང་དུ་འཇུག་ཐུབ་མིན་ལ་ཐུག་ཡོད། ནུབ་གླིང་གི་འཕེལ་རྒྱས་དང་མཐོ་ཚད་ཀྱི་གསང་བ་དེ་ཡང་ཁྱེའུ་དུས་སློབ་གསོ་ལ་རག་ལས་ཡོད། མདོར་ན་མིའི་རིགས་ཀྱི་འཕེལ་རྒྱས་ཀྱང་ཁྱེའུ་དུས་སློབ་གསོ་ལ་ཐུག་འདུག
ང་ཚོས་དུས་རྒྱུན་མི་རིགས་དང་རྒྱལ་ཁབ་ཅིག་གི་འཕེལ་རྒྱས་ཀྱི་སྤུས་ཚད་ཀུན་སྤྱོད་དེ་ཡང་རིག་གནས་ཀྱི་མཐོ་ཚད་ཅིག་ཡེ་ནས་ཡིན་མི་སྲིད། དེ་ནི་ཆེས་ཉམས་ཆུང་དྭངས་གཙང་གི་ཁྱེའུ་དུས་སློབ་གསོ་ལས་གཞན་ཡོད་མི་སྲིད། ང་ཚོས་ཀྱང་མི་རིགས་འདི་སྐྱོབ་ཐབས་གཏོས་ཆེ་བའི་རིག་གཞུང་གི་མཐོ་ཚད་ཅིག་ལ་འབྲེལ་བ་ཆེན་པོ་མེད། བོད་མི་རིགས་ཀྱི་རིག་གནས་དང་ཚེ་སྲོག་སྐྱོབ་དགོས་ན་ཕ་སྐད་སྦྱོང་བ་ཙམ་དང་བོད་ལྭ་གོན་སྟངས་ཤིག་གིས་གཏན་ནས་སྐྱོབ་མི་ཐུབ།
ང་ཚོས་མཉམ་གཅིག་ཏུ་ཚད་ལྡན་གྱི་སློབ་གསོ་གཏོང་མཁས་པའི་ཕ་མ་ལེགས་པོ་ཞིག་ལ་བརྩོན་དགོས། ང་ཚོས་མཉམ་གཅིག་ཏུ་བྱིས་པའི་རིག་ལམ་འབྱེད་མཁས་པའི་དགེ་རྒན་ལེགས་པོ་ཞིག་ལ་འབད་དགོས། ང་ཚོས་མཉམ་གཅིག་ཏུ་བྱིས་པའི་འཆར་སྒོ་ཕྱོགས་ཀུན་ནས་སད་དུ་འཇུག་ཐུབ་པའི་སློབ་གསོ་བ་དཔེ་མེད་ཅིག་ལ་འཁྱོངས་པར་འབད་དགོས།
སྤྱིར་ན་ང་ཡང་རང་གི་ཁ་ཡ་ན་ཟླ་གཞན་ཚོ་དང་འདྲ་བར་བསམ་བློའི་བགྲོ་གླེང་དང་སྙན་ངག་སྒྲུང་གཏམ་ལ་སོགས་ཀྱི་རྩོམ་རིག་ལ་དགའ་བ་ཆེ། དེ་བཞིན་རང་ཀྱི་ལྟ་བ་བརྗོད་པར་དགའ་ལ། མི་རིགས་ཀྱི་ངོས་ནས་མ་འཁྱོངས་ས་དང་མི་འཇོན་པའི་སྲོལ་རྒྱུན་སློབ་གསོ་ལ་དགག་པ་བྱེད། ད་དུང་སྐྱབས་བཅོལ་བག་འཁུམ་དང་བླ་སྤྲུལ་མཆོད་བཀུར་གྱི་གོམས་གཤིས་སྣ་ཚོགས་ཤིག་ལ་གཏོར་བཤིག་ངན་དམོད་ཀྱི་ལས་དག་བརྩམས་མྱོང་ཡོད་ལ་དེ་རུ་སུན་འབྱིན་གང་མང་རེ་ཡང་བྱས་ཡོད་ངེས། དེའི་རྐྱེན། ཡུལ་སྡེ་མི་དམངས་ཀྱིས་ངན་མཚང་སྡང་མིག་གིས་བལྟས་ཡོད་པའང་གདོན་མི་ཟ།
ད་སྐབས་ལས་སྣ་ཚོགས་ཀྱི་མགོ་མཇུག་བར་གསུམ་ལ་སྡོམ་ཚིག་བཀོད་དེ་ཕྱིར་ལྟ་དང་རྒྱང་ལྟ་གང་ལ་བྱས་ཀྱང་ངལ་བ་འབྲས་མེད་ཅིག་ཡིན་པ་ཤེས་འོངས། ང་ཡི་འཇོན་ནུས་དང་རིག་སྟོབས་འདི་ཙམ་གྱིས་རྙེང་ཞེན་མཁྲེགས་འཛིན་ཅན་གྱི་སྲོལ་ཆགས་རྒན་པོ་རྣམས་ལ་འགྱུར་བ་གཏོང་མི་ཐུབ་ལ། ཁ་ཡ་ན་ཟླ་རྣམས་ཀྱི་རང་ལྟ་མཆོག་འཛིན་གྱི་བསམ་བློ་སྒུལ་མི་ཐུབ་པ་མངོན་གསལ་རེད།
དེ་བས་ངས་འདི་ལྟར་ལམ་འདི་བདམས་པ་ཡིན། རང་སྦྱོང་རང་སྟོབས་འོག་ཚད་ལྡན་སློབ་གསོའི་གཞུང་རྩོམ་བཀླགས་ཤིང་བསམ་གཞིག་བཏངས་པའི་མཐར་ཐུག་རང་ནུས་ཅི་ལྕོགས་ཀྱིས་ཞབས་འདེགས་ཞུ་མི་ཐུབ་རུང་ཞབས་འདྲེན་མི་བྱེད་པར། ང་ཚོ་དང་ཉམས་ཆུང་བའི་ཁྱེའུ་འདི་ཚོ་ལ་བདག་གཉོར་ལེགས་པོ་ཞིག་བྱེད་འདོད་སྐྱེས་སོང་།
བྱིས་པ་རྣམས་ལ་ཚད་ལྡན་གྱི་སློབ་གསོ་མྱོང་དུ་འཇུག་དགོས་ལ། སློབ་ཆུང་གི་བྱིས་པ་རྣམས་ལ་རྣལ་མའི་སློབ་གསོ་རེ་ངེས་པར་འཐོབ་ཏུ་འཇུག་དགོས། མི་རིགས་ཀྱི་འཕེལ་རྒྱས་དང་དར་རྒུད་ཀྱི་རྩ་བ་ནི་ཁྱེའུ་དུས་སློབ་གསོ་ཚད་ལྡན་ཞིག་མྱོང་དུ་འཇུག་ཐུབ་མིན་ལ་ཐུག་ཡོད། ནུབ་གླིང་གི་འཕེལ་རྒྱས་དང་མཐོ་ཚད་ཀྱི་གསང་བ་དེ་ཡང་ཁྱེའུ་དུས་སློབ་གསོ་ལ་རག་ལས་ཡོད། མདོར་ན་མིའི་རིགས་ཀྱི་འཕེལ་རྒྱས་ཀྱང་ཁྱེའུ་དུས་སློབ་གསོ་ལ་ཐུག་འདུག
ང་ཚོས་དུས་རྒྱུན་མི་རིགས་དང་རྒྱལ་ཁབ་ཅིག་གི་འཕེལ་རྒྱས་ཀྱི་སྤུས་ཚད་ཀུན་སྤྱོད་དེ་ཡང་རིག་གནས་ཀྱི་མཐོ་ཚད་ཅིག་ཡེ་ནས་ཡིན་མི་སྲིད། དེ་ནི་ཆེས་ཉམས་ཆུང་དྭངས་གཙང་གི་ཁྱེའུ་དུས་སློབ་གསོ་ལས་གཞན་ཡོད་མི་སྲིད། ང་ཚོས་ཀྱང་མི་རིགས་འདི་སྐྱོབ་ཐབས་གཏོས་ཆེ་བའི་རིག་གཞུང་གི་མཐོ་ཚད་ཅིག་ལ་འབྲེལ་བ་ཆེན་པོ་མེད། བོད་མི་རིགས་ཀྱི་རིག་གནས་དང་ཚེ་སྲོག་སྐྱོབ་དགོས་ན་ཕ་སྐད་སྦྱོང་བ་ཙམ་དང་བོད་ལྭ་གོན་སྟངས་ཤིག་གིས་གཏན་ནས་སྐྱོབ་མི་ཐུབ།
ང་ཚོས་མཉམ་གཅིག་ཏུ་ཚད་ལྡན་གྱི་སློབ་གསོ་གཏོང་མཁས་པའི་ཕ་མ་ལེགས་པོ་ཞིག་ལ་བརྩོན་དགོས། ང་ཚོས་མཉམ་གཅིག་ཏུ་བྱིས་པའི་རིག་ལམ་འབྱེད་མཁས་པའི་དགེ་རྒན་ལེགས་པོ་ཞིག་ལ་འབད་དགོས། ང་ཚོས་མཉམ་གཅིག་ཏུ་བྱིས་པའི་འཆར་སྒོ་ཕྱོགས་ཀུན་ནས་སད་དུ་འཇུག་ཐུབ་པའི་སློབ་གསོ་བ་དཔེ་མེད་ཅིག་ལ་འཁྱོངས་པར་འབད་དགོས།
