༄༅།། དྲིན་ཆེན་ཨ་མ་དྲན་བྱུང་།
དབྱངས་གསལ་སློབ་ཁྲིད་ཐོན་ཁུངས་དྲ་བ །

༄༅།། དྲིན་ཆེན་ཨ་མ་དྲན་བྱུང་།

ཡོང་ཁུངས། : བོད་ཀྱི་སློབ་འབྲིང་དྲ་བ།   རྩོམ་པ་པོ། : གྲ་གཉེན་ཚེ་རྒྱལ།  ཀློག་གྲངས །: སྤེལ་དུས། : 2015-03-25
ཡིག་གཟུགས། :ཆུང་། འབྲིང་། ཆེ།

གསེར་མདོག་གི་ཉི་བཞོན་མཁའ་དབྱིངས་སུ་འཆར་བའི་ཞོགས་པ་དེར་ཁྱེད་གཅིག་པུ་ཞེན་ཆགས་དང་འཕྲེང་སེམས་མེད་པར་བཞུད་རྗེས།བདེ་དྲོད་འཁྱིལ་བའི་ཁྱིམ་གཞིས་འདིའི་ཀ་བ་འགྱེལ་སོང་། བདག་ཅག་ཕུ་ནུའི་སྙིང་ཁར་ཆག་གྲུམ་ཤོར་ཞིང་མིག་ཆུའི་ཕྲེང་བ་ཡིག་དྲུག་གི་དབྱངས་རྟར་འདྲེས་ནས་ཁྱེད་ལ་མཐའ་མཇུག་གི་སྐྱེལ་མ་བྱས། དེ་ནས་བཟུང་། བདག་གི་སེམས་ངོ་ན་འབར་བཞིན་པའི་དྲོ་སྐྱིད་ཀྱི་མེ་ལྕེ་དེ་ཡོངས་སུ་འཇགས་ཤིང་། རྒྱབ་ཕྱོགས་ནས་ཅེར་བའི་མིག་ཟུང་དྭངས་མ་དེ་འདི་ལྟར་ཟུམ། དགའ་ངུ་མི་ཤེས་པའི་ཚོར་བ་དྲག་པོ་ཞིག་གིས་བྲང་ཁོག་ཡོངས་སུ་བསྡམས་པས། ཟས་པའི་ལྟོ་ཡི་བྲོ་བ་ཉམས་ཤིང་ཉལ་བའི་གཉིད་ལ་བདེ་བ་མེད་པར་གྱུར། རེད་ཨང་། ངའི་དགོད་སྒྲ་ཐོག་མ་ཁྱེད་ཀྱི་པང་ནས་སྒྲོག་ཅིང་མིག་ཆུ་ཐོག་མ་ཡང་ཁྱེད་ཀྱི་པང་ནས་ལྷུང་། འགྱེལ་ཚེ་སློང་མཁན་ཁྱོད་ཡིན་ལ་ངག་ནས་འབོད་ས་ཁྱོད་ཉིད་ཡིན། ཁྱེད་ཀྱིས་ཐེངས་དང་པོར་ང་རང་སློབ་གྲྭའི་སྒོ་ཐེམ་བརྒལ་དུ་བཅུག་པ་ནས་རེ་བ་དང་སྤོབས་པའི་ལྡེ་མིག་ང་ལ་བསྩལ་ཅིང་། ཞིམ་ཟས་དང་གོས་འཇམ་དག་ང་ཡི་ལོངས་སྤྱོད་དུ་བསྐུར། ངའི་སློབ་དངུལ་ཐད་སེན་མགོ་ཁྲག་དང་སེན་རྟིང་རྣག་བྱས་ཏེ་དབྱར་ཞིང་ནང་ནས་ཉི་མ་རེ་རེ་ཕར་ལ་ཕུད་ཅིང་། དགུན་རི་རྩེ་ནས་ལུག་ཁྱུ་རེ་རེ་ལྷས་སུ་བཀུག བུ་ངའི་དོན་དུ་སེམས་ཁྲལ་དང་དཀའ་སྡུག་གི་མདུད་པ་རེ་རེ་སྙིང་རྩ་ནས་བླངས་ཤིང་། སྡུག་བསྔལ་གྱི་གྲོག་ཤུར་རེ་རེ་གདོང་གིས་བསུས།S0k智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
བྱ་ཕོའི་བྱ་སྐད་དང་འགྲོགས་པའི་ཞོགས་པ་རེ་རེར་ཐོ་རེངས་སྐར་ཆེན་དང་འགྲོགས་ནས་ཐོན་རྒྱུའི་ཐོན་ཆས་ཁྱེད་ཀྱིས་བསྒྲིགས་ཤིང་། རེ་བ་དང་ཞིམ་ཟས་མཐའ་དག་ངའི་དཔེ་ཁུག་དུ་ལྡུག་རྐྱང་བྱས། མཚམས་སྤྲིན་གྱི་དམར་མདངས་ཕྱུག་པའི་དགོང་མོ་རེ་རེར་སྡུག་ཡུས་དང་སུན་སྣང་གི་དཔེ་ཁུག་སྟོང་པ་ཁྱེད་ཀྱིས་ཕབ་རོགས་བྱས་ལ། མ་འོངས་མི་གྲལ་འགྲོ་བའི་ས་ཁྲ་དང་འབྱུང་འགྱུར་ཕུགས་བསམ་སྐྲུན་པའི་འཆར་འགོད་བདག་ལ་གནང་། ཡིན་ནའང་བུ་རུལ་ངས་ཁྱེད་ཀྱི་ཆེད་དུ་ཅི་ཡང་སྒྲུབ་ཐུབ་མ་སོང་། ཐ་ན་ཁྱེད་ལ་ཇ་ཕོར་པ་གང་འབུལ་བའི་རྩོལ་བ་མ་བགྱིས། སྙན་པར་གསུངས་པའི་ཁ་ཏའི་ཚིག་ལ་ཁ་ལན་སློག་ཅིང་སློབ་གྲྭ་ནས་སློབ་བྱོལ་དུ་ཕྱིན་ཏེ་བྱ་ཚང་དང་བྱིའུ་ཚང་བསྔོགས་ནས་ཁྱེད་ཀྱིས་གསུངས་ཀྱིན་པའི་སྙིང་རྗེ་ཞེས་པའི་ཚིག་ལ་རྒྱབ་གཏོད་བྱས། དེ་བས། བརྗེད་དཀའ་བའི་ཉིས་སྟོང་བརྒྱད་ཀྱི་ལོ་དེར་ངས་ཁྱེད་ཀྱི་རེ་བ་ཡོངས་རྫོགས་ཆུ་ལ་བསྐྱུར་སོང་། སྒུག་སྒུག་པའི་རྒྱལ་ཁའི་གཏམ་བཟང་དེ་ཡིད་ལ་ཤོང་དཀའ་བའི་གཏམ་ངན་ཞིག་ཏུ་གྱུར་བས་ཁྱེད་ཀྱི་དཔྲལ་ངོར་གཉེར་མའི་བང་རིམ་ཉིས་བརྩེགས་སུ་འཕྱོ་ཞིང་། ཁྱེད་ཀྱི་དབུ་སྐྲ་སྐྱ་ཕྱེད་སྔོ་ཕྱེད་དུ་སོང་། དེ་ལྟ་ནའང་། ཁྱེད་ཀྱིས་ཅི་ཡང་མི་སྙམ་པར་སེམས་གསོ་སྣ་ཚོགས་ཀྱི་ང་ལ་འོ་ཇ་ལྡུད་ཀྱིན་མིག་ཆུའི་ཕྲེང་བ་ཇི་ཙམ་ལྐོག་ཏུ་ལྷུང་བ་ངས་བརྗེད་ག་ལ་སྲིད། ཁྱིམ་གྱི་འཁོས་ཀ་ཇི་ལྟར་ཞན་ཡང་བདག་ལ་བསྐྱར་སློབ་གྲྭར་འགྲོ་བའི་གོ་སྐབས་བསྩལ།S0k智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
ངས་ཕམ་ཁ་དེ་སྙིང་ལ་ཉར་ནས་སླར་ཡང་གཡུལ་ས་དེར་ཐེངས་གཅིག་ཆས་ལ། ཞོགས་སྔ་ལངས་དང་དགོང་ཕྱི་ཉལ་གྱིས་ཡིག་རྒྱུགས་ཀྱི་ཉིན་མོ་ཚུར་ལ་བསུས། རྒྱུགས་ཤོག་གྲུ་བཞིའི་སྟེང་ནས་རང་རྩལ་ཡོངས་སུ་ངོམས་ཏེ་རྒྱལ་ཁའི་གཏམ་བཟང་ཁྱེར་ནས་ཡུལ་དུ་ལོག ཁྱིམ་གྱི་སྒོ་མོ་རྡུང་གིན་ཁྱེད་ཀྱི་མིང་ནས་འབོད་ཀྱང་། ཀྱེ་མ་ཀྱི་ཧུད། དྲིན་ཆེན་མ། སྐུ་ཉིད་གང་དུ་ཡོད། ཁྱེད་དེ་ལྟར་ཞེན་ཆགས་དང་འཕྲེང་སེམས་མེད་པར་བཞུད་པ་ང་ཡིས་བཟོད་ག་ལ་ནུས། སྟོབས་ལྡན་སུ་ཞིག་གིས་ཨ་མའི་བླ་སྲོག་སྒུལ། ཀྱེ་མ་ཀྱི་ཧུད། སྙིང་གི་མ།S0k智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
ཨ་མ་ལགས། འཇིག་རྟེན་མི་རྟག་པར་བདེན་ན་ཁྱེད་གློ་བུར་དུ་ཕེབས་པ་སུ་ཡིས་འགོག་པར་ནུས། ཁྱེད་ཀྱིས་ཤེས་སམ། དུས་ཀྱི་འཁོར་ལོ་ཉིས་སྟོང་བཅུ་གཅིག་ལ་སླེབས་སོང་།S0k智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
ཁྱེད་ཀྱི་བུ་ཆུང་སྙིང་ལ་ན་ཟུག་ཁྱེར་ནས་ཁྱེད་ཀྱིས་རྒྱུན་དུ་གསུང་གིན་པའི་སློབ་ཆེན་པར་གྱུར་སོང་། ཁྱེད་ཐུགས་བདེ་མོར་ཕེབས་དང་། བུ་ཆུང་ང་ཁྱེད་ཀྱི་བཀའ་སློབ་སྙིང་དབུས་སུ་བཅངས་ཏེ་ལམ་དུ་འགྲོ་གིན་ཡོད། ཁྱེད་ཀྱིས་ཤེས་སམ། ཁྱེད་ཀྱིས་རྒྱུན་དུ་ཐུགས་ཁྲལ་གནང་སའི་གཅེས་ཕྲུག་སྟེ། ངེད་ཚང་གི་གཅེན་མོར་ཁྱེད་ཀྱི་ཚ་བོ་བཙས་ཤིང་། བྱིས་པའི་གྲུང་ཤ་དོད་པའི་མིག་ཟུང་ལས་ཁོང་བཟའ་ཚང་གང་པོས་འཚོ་བའི་དོན་སྙིང་རྙེད་འདུག ཁྱེད་སེམས་བདེ་མོར་ལམ་དུ་ཆས་དང་། ཁྱེད་སེམས་བདེ་མོར་ཕེབས་དང་། མི་ཡུལ་འདི་ནས་ཁྱེད་ལ་ཅི་ཡང་ཐོབ་མ་སོང་། ཐ་ན་ཁྱེད་ཀྱིས་མིག་འབྲས་བཞིན་སྐྱོང་མྱོང་བའི་གཅེས་ཕྲུག་དག་གིས་ཁྱེད་ལ་ཇ་ཕོར་པ་གང་འབུལ་བའི་སྲི་ཞུ་སྒྲུབ་ཐུབ་མ་སོང་། དེ་བས་ཁྱེད་ཞེན་ཆགས་མེད་པར་བདེ་བ་ཅན་གྱི་ཞིང་དུ་ཕེབས་དང་། དེ་ནས་ཁྱེད་ལ་དྲོ་སྐྱིད་ཀྱི་གནས་མལ་རེ་རྙེད་སྲིད། ཁྱེད་ཀྱི་དགེ་རྩས་བསྐྱངས་པའི་རྡེའུ་དཀར་པོའི་གྲངས་ཚད་ཀུན་ལས་མང་བས་ཁྱེད་གནས་དེའི་མ་མར་འགྱུར་སྲིད།S0k智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
ཨ་མ་ལགས། དེ་རིང་ངས་སྙན་ངག་གི་མཆོད་པ་ཁྱེད་ལ་བཤམ་གྱིན་ཡོད་ལ། དྲན་གདུང་གི་མེ་ལྕེ་ཁྱེད་ལ་སྤོར་གྱིན་ཡོད། ཨ་མ་ལགས་ངས་ཁྱེད་རང་དྲན།S0k智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
 S0k智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网

རྩོམ་སྒྲིག་པ། : lalong1985
མཉམ་སྤྱོད །     
    匿名评论
  • 评论
人参与,条评论