དེ་རིང་ཞོགས་པ་ང་རང་སྔ་པོ་ལངས་ནས་ལོ་རིམ་ལྔ་པའི་བོད་ཡིག་སློབ་དེབ་སྨད་ཆ་འཁྱེར་ནས་ཕྱི་རོལ་དུ་དཔེ་ཀློག་སྐྱོར་སྦྱང་ལ་འགྲོ་སྐབས་ངའི་མདུན་དུ་ཡོད་པ་ནི་དངུལ་དཀར་གྱི་འཇིག་རྟེན་ཞིག་ཡིན་ལ་མཐའ་འཁོར་གྱི་རི་བོ་ཆུང་ཆུང་རྣམས་ལ་དངུལ་དཀར་གྱི་གོས་དཀར་གཡོགས་པ་ལྟ་བུར་ཁ་བས་གཏུམས་ནས་སྐྱ་ཐིང་ངེར་གྱུར་འདུག་ལ་ཅུང་ཙམ་ཆེ་བའི་རི་བོ་མཐའ་དག་ནི་སྤྲིན་དཀར་གྱི་གཏུམས་ནས་མིག་གི་མཐོང་ལམ་དུ་མི་སྣང་ནམ་མཁའ་ཡང་སྤྲིན་དཀར་གྱི་གཏུམས་ནས་སྔོན་པོ་གཅིག་ཀྱང་མཐོང་རྒྱུ་མི་འདུགཁ་བ་བབས་རྗེས་ཀྱི་དྭངས་གཙང་མཁའ་རླུང་དེ་ཕྱོགས་གང་སར་ཁྱབ་པ་ན་མི་རྣམས་དངས་གཙང་གི་མཁའ་རླུང་གསར་པར་མྱོང་རོལ་བྱེད་བཞིན་འདུག
མདོར་ན། རྣམ་ཀུན་ངའི་ཕ་ཡུལ་གྱི་ཡུལ་ལྗོངས་ནི་མཛེས་སྡུག་ལྟ་ན་སྡུག་པ་ཞིག་ཡིན་པ་ནི་ཀུན་གྱི་གླེང་བརྗོད་ད་གྱུར་ཡོད། དེ་རིང་གངས་དཀར་གྱི་ན་བཟའ་ངའི་ཕ་ཡུལ་གྱི་རི་ཆུ་ལ་གཡོགས་དུས་ངའི་ཕ་ཡུལ་ནི་དེ་བས་མཛེས་སྡུག་ལྡན་ལ་གཟི་མདངས་རྒྱས་པ་རང་ཞིག་འདུག ཁ་བ་བབས་རྗེས་ཀྱི་ཞོགས་པ་འདི་ནི་དངོས་གནས་མཛེས་སྡུག་ལྡན་ལ་གཟི་མདངས་ཆེ་བ་རང་ཞིག་འདུག
