ངས་གཅེས་པར་འོས་པའི་མི།
བསྟན་འཛིན་ཆོས་སྒྲོན
ངས་གཅེས་པར་འོས་པའི་ཁོང་གི་སྐུ་གཟུགས་འབྲིང་ཙམ་དང་ཞལ་རས་ཅུང་སྒོར་ལ་བྱམས་སེམས་ཀྱི་འཛུམ་མདངས་ཕྱུར་བཞིན་ཁོང་གི་ཕྱིའི་ལུས་ལ་བལྟས་ན་ཕལ་ཆེར་དགུང་ལོ་སུམ་ཅུ་ཙམ་ལ་ཕེབས་པ་དང་རྒྱུན་དུ་ཁོང་གིས་གྱོན་ཆས་ནག་པོ་དང་དམར་པོ་གྱོན་རྒྱུར་དགའ་པོ་ཡོད། ཁོང་རྒྱུན་དུ་ང་ཚོ་སློབ་ཕྲུག་དང་མཉམ་དུ་སྐད་ཆ་ཤོད་རྒྱུར་དགའ་པོ་ཡོད་ལ་དུས་རྒྱུན་སློབ་ཚན་ནང་དཔོད་བྲིས་དང་ངག་སྐྱོར་གཏོང་བ་སོགས་བྱས་ཚེ་རྒན་ལགས་ཀྱིས་དཔོད་བྲིས་ལེགས་པ་དང་ངག་སྐྱོར་གཏོང་ཐུབ་པ་རྣམས་ལ་ང་ཚོར་བྱི་རིལ་ཉོས་ནས་སྤྲོད་ཀྱི་ཡོད།དེ་ལས་ཀྱང་ངས་དགའ་འོས་པ་ནི་རྒན་ལགས་ཀྱི་འགན་འཁྲིའི་བསམ་པ་ནི་རི་རབ་ལས་ཀྱང་ལྕི་བས་སློབ་མར་ཐུགས་ཁུར་ཆེ་ལ།སློབ་ཁྲིད་ཀྱི་ནང་དོན་ཁ་གསལ་བས་སྨག་རུམ་གྱི་ཁྲོད་དུ་ལུས་པའི་སྣབས་ལུད་ཅན་གྱི་བྱིས་པ་ང་ཚོར་ཤེས་བྱའི་ཐང་ཆེན་ཡངས་པོར་ཁྲིད་གནང་མཛད་དེ་ཤེས་བྱའི་རྣམས་གྲངས་བུའི་ལག་ཏུ་སྤྲོད་པར་གནང་།
ལྷག་པར་དུ་ཁྱེད་ཀྱི་ཚ་གདུང་ཆེ་བའི་དབྱར་གཞུང་དང་གྲང་ངད་ཆེ་བའི་དགུན་དུས་ཅི་འདྲ་ཞིག་ཡིན་ཡང་ཉིན་ལྟར་དཔའ་མི་ཞུམ་པར་སློབ་མའི་ཆེད་དུ་སྐུ་ལས་གྲངས་མེད་བསྐྱོན་ལ་དུས་ནམ་ཡང་ཁྱེད་ཀྱིས་བྱམས་བརྩེའི་འཛུམ་མདངས་ལས་ངའི་སེམས་ལ་ཚ་སོབ་སོབ་ཀྱི་དྲོ་སྐྱིད་ཅིག་སྟེར་བར་བྱེད། ངའི་སེམས་གཏིང་གི་རྒན་ལགས་ཁོང་ནི་ང་ཚོའི་དབྱིན་ཇིའི་རྒན་ལགས་ཡིན་ངའི་སེམས་ནང་ནས་ནམ་ཡང་བརྗེད་མི་སྲིད།
