བདག་གི་ཕ་ཡུལ་ནི་གཅན་ཚ་རྫོང་མཁར་ནས་ནུབ་ཕྱོགས་ཀྱི་སྤྱི་ལེ20ཡི་མཚམས་སུ་ཡོད། དེ་ནི་ལྗོན་ཤིང་སྣ་ཚོགས་ཀྱིས་གཡོགས་པའི་རི་འདབས་སུ་ཆགས་ཡོད་པ་དང་། གསར་དུ་ལས་པའི་ཁང་ཁྱིམ་དེ་དག་ལ་ཡལ་འདབ་རབ་ཏུ་རྒྱས་པའི་ཤིང་སྡོང་སྣ་ཚོགས་ཀྱིས་བསྐོར་ཡོད་ལ། དེའི་མཐའ་འཁོར་དུ་མེ་ཏོག་སྣ་མང་ཁྲ་ཆིལ་ལེར་བཞད་ཡོད།
ཞོགས་པར། ང་རང་རྒྱུན་དུ་རི་འདབས་ཀྱི་རྫིང་བུ་འགྲམ་དུ་འཆམ་འཆམ་ལ་འགྲོ་བར་དགའ། རྫིང་བུའི་ལོགས་གཉིས་སུ་སྐྱེས་པའི་ཤིང་སྡོང་གི་ཡལ་གར་བསིལ་རླུང་གིས་དལ་གྱིས་གཡོ་བ་དང་། ཆུ་འགྲམ་གྱི་མེ་ཏོག་པདྨ་དེ་དག་གི་གཟུགས་བརྙན་རྫིང་བུའི་ནང་དུ་ཇི་མ་ཇི་བཞིན་འཆར་ཡོད་པ་མཐོང་ཐུབ།
ད་དུང་ཐག་མི་རིང་བའི་ཀེ་ཚེའི་ཞིང་ནང་དུ་སེར་ལམ་ལམ་གྱི་ཀེ་ཚེ་མེ་ཏོག་བཞད་ཡོད་པ་དེས་རྒྱང་རིང་གི་བུང་བ་དང་ཕྱེ་མ་ལེབ་ཀྱི་ཚོགས་མགྲོན་དུ་བཀུགས་ཏེ་ཀེ་ཚེ་ཟེའུ་འབྲུ་ཡིས་སྣེ་ལེན་བྱེད་པ་དང་ཀུན་ནས་མཚུངས།
ཨ། དབྱར་ཁའི་ཕ་ཡུལ་གྱི་མེ་ཏོག་སྣ་ཚོགས་ཀྱིས་ཕ་ཡུལ་གྱི་རྣམ་པ་ལྟ་ན་སྡུག་པ་ཞིག་ཏུ་བསྒྱུར་བས། ང་ནམ་ཡང་ཕ་ཡུལ་གྱི་མེ་ཏོག་སེར་ཆེན་ལ་དགའ་ཞིང་དུངས།
(མཛུབ་ཁྲིད་དགེ་རྒན། གཅན་རྣམ་ཐར)
